Ministrligi

Janlı qarım-qatnas –oqıtıwshı tárepinen shólkemlestiriletuǵın, 
hár qanday tálim tárbiyalıq shólkem mánisin awızeki sóz benen 
oqıwshılarǵa jetkizetuǵın, oqıtıwshını qarama –qarsı halatlardan alıp 
shıǵıw qúdiretine iye bolǵan háreket.
Jas oqıtıwshı pedagogikalıq qábiletinde qáliplesken sóziniń 
kórkemligi, bilim dárejesiniń hám sanasınıń keńligi, ótkir dúnya 
qarası, ruwxıy mádeniyat dárejesi, pedagogikalıq qábileti, tálim - 
tárbiyalıq maqsetleriniń múnásipligi hár qanday sabaq hám sabaqtan 
56

---

tıs tálim-tárbiyalıq shólkemniń jeńisin támiyinlewshi hám oqıtıwshı 
janlı qarım-qatnasın shólkemlestiriwshi derekler bolıp esaplanadı. 
Oqıtıwshı kásiplik háreketindegi janlı qarım-qatnas qábiletin 
qáliplestiriw ushın óz aldına barqulla tómendegi sorawlardı qoyıp, 
onıń erkin pikir júrgiziwi tiykarında juwap bere alıwı kerek: 
1. Nege úyretiw: 
a) Oqıwshılardı úyrenilip atırǵan ilimiy terminlerin túsiniw 
oqıw predmetin tolıq ózlestiriw; 
b) Oqıwshılarda shaxs erkinligin, erkin pikirlew qábiletin 
qáliplestiriw; 
c) Oqıwshılardıń úyrenilip atırǵan pán boyınsha qábiletlerin, 
kónlikpe hám tájiriybelerin qáliplestiriw; 
d) Jańa terminli pánler ara baylanıs tiykarında túsindiriw ; 
e) Sabaq barısın pedagogikalıq hám xabar texnologiyaların 
qızıqlı metodlar tiykarında shólkemlestiriw.
2. Kimdi úyretiw: 
a) keleshekte mámleket rawajlanıwı ushın juwapker, mámleket 
siyasatınıń ústin tarawı bolatuǵın barkamal insanǵa tálim –tárbiya 
beriw; 
b) oqıwshılardı bilim alıw hám tárbiyalaw barısında dus 
keletuǵın mashqalalar hám qıyınshılıqlardı erkin sheshiwge úyretiw; 
v) oqıwshılarda erkin pikir júritiw kónlikpelerin payda etiw; 
g) sabaq hám sabaqtan tısqarı tálim –tárbiya barısın oqıwshılar 
pikirlerin esapqa alǵan halda shólkemlestiriw; 
d) jas kewil iyesi bolǵan oqıwshılardıń psixologiyalıq ózgeris 
hám rawajlanıwın esapqa alıw; 
e) qábiletli oqıwshılar menen jeke halda pedagogikalıq háreket 
alıp barıw.