Модда ва энергия алмашинувининг аҳамияти

Ишчи қўшимчалар. Бирор фаоллик учун сарфланадиган энергия - энергия сарфининг энг ўзгарувчан қисми ҳисобланади. Гўдакларда энергия сарфининг бу қисми жуда оздир. Бу даврда боланинг қичқириши ва йиғлаши учун кетган энергия сарфи яққол намоён бўлади. Жумладан, бола безовталанганда энергия сарфи 20-60 % га, қичқирганда эса 200-300 % га ортади. Бола тинч ўтирганида, тик турганида, боғчадаги ёки мактабдаги машғулотларда қатнашганида моддалар алмашинуви 20-50 % га ортади.
Ўсмирлик даврида энергиянинг кўп қисми ҳаракатлар ва мускул иши учун сарфланади. Масалан, ўртача ҳаракатли ўйинлар чоғида энергия сарфи асосий алмашинувдан - 75-125 % га, юрганда - 125-175 % га, югурганда ва ўта ҳаракатли ўйинлар вақтида - 300-380 % га ортиқ бўлади.
Тана ҳаротрати кўтарилганда ҳам алмашинув ортади (тана ҳароратининг 10 ^оC га кўтарилиши энергия сарфини 14-16 % га оширади).
Боланинг ёши ортган сари мускул ишига сарфланадиган энергия миқдори ҳам ортади (3-жадвал).
Болалар ва ўсмирларда энергия сарфининг таркибий қисмлари
3-жадвал

Ёши	Тана массаси, кг	Тинч ҳолатда алмашинув	Фаоллик учун сарланган энергия	Тинч ҳалатдаги алмашинувга нисбатан % хисобида
3 ойлик	4,5	365	57	15,6
9-12 ой	9,6	800	150	18,7
2-3 ёш	13,6	1020	310	30,0
4-5 ёш	17,4	1200	485	40,4
9-10 ёш	31,3	1750	640	36,4
16-17 ёш	60,3	2500	540	21,6