Молия фани бўйича маърузалар матни

Субъект хўжалик фаолиятини қамраб олишнинг тўлиқлигига қараб тафтишнинг қуйидаги турлари бўлиши мумкин:

• 
  тўлиқ; қисман; мавзули; комплексли.
  

Молиявий ва хўжалик операцияларининг қамралиб олиниши даражасига кўра, тафтишлар қуйидаги уч гуруҳга бўлинади:

• 
  ёппасига тафтиш; танланма тафтиш; комбинациялаштирилган тафтиш.
  

Назорат ва мулоҳаза учун саволлар

1. 
   Молиявий назоратнинг моҳияти, функциялари, тамойиллари ва тизими?
   
2. 
   Ўзбекистон Республикасида давлат назорат органларининг молиявий назоратни амалга оширишдаги вазифалари?
   
3. 
   Назорат обьектлари, субьектлари шакллари, турлари ва усуллари?
   

7-МАВЗУ: МОЛИЯ НАЗАРИЯЛАРИ

1. 
   Хорижий иқтисодчиларнинг молияга оид назариялари
   
2. 
   Сиёсий иқтисод классиклари концепциялари асосий мазмунининг молиявий жиҳатлари
   
3. 
   Солиққа тортишни мақсадга мувофиқ равишда ташкил қилишнинг А.Смит томонидан илгари сурилган тўрт асосий принцплари ва усолиқ концепциясининг мақсадлари.
   
4. 
   Ж.С.Милл “хизматларнинг солиқ назарияси”нинг асосий ғояси. Янги тарихий мактаб концепциялари
   
5. 
   А.Вагнер томонидан ишлаб чиқилган солиққа тортиш принцплари ва уларнинг мазмуни.
   
6. 
   Фойдалиликнинг чекланганлиги назариясининг молиявий жиҳатлари. Ж.М.Кейнс молиявий концепциясининг асосий ғояси.
   

Таянч иборалар: молия, иқтисод, объект, субъект, солиқлар, инвестиция, суғурта, тизим, назорат, халқаро молия, давлат молияси, корхоналар молияси, такрор ишлаб чиқариш.


7.1. ХОРИЖИЙ ИҚТИСОДЧИЛАРНИНГ МОЛИЯГА ОИД НАЗАРИЯЛАРИ
Жамият тараққиётининг турли босқичларида марказлаштирилган ва марказлаштирилмаган пул фондларининг шакллантирилиши, тақсимланиши ва фойдаланилишига оид иқтисодий муносабатларни ўрганган молия фани иқтисодчи-олимлар томонидан амалга оширилган тадқиқотлар таъсирида шаклланди. Улар томонидан яратилган молиявий назариялар жамиятнинг ҳақиқий эҳтиёжлари томонидан текширилди ҳамда агар улар давлат ва аҳоли учун амалий тавсияларга эга бўлган ва ҳодисаларнинг ҳақиқий моҳиятини ўзида акс эттирган бўлса, фан сифатида эътироф этилди. Шу муносабаб билан молия соҳасида илмий билимларни шакллантиришга ёрдам берадиган молиянинг турли назарияларини ўрганиш муҳим аҳамият касб этади.
Иқтисодчи-олимлар томонидан молияга оид ишлаб чиқилган назарий қарашлар молиявий қонунчилик ва давлат фискал сиёсатининг асосида ётади.

2.