Morfologiya haqqinda məlumat

Yiyəlik hal. Yiyəlik hal tam qrammatik haldır. Bu hal iki əşya arasında sahib­lik, aidlik məzmunu ifadə etdiyindən fellərlə əlaqədar olmur. Yiyəlik hal kimin?, nəyin?, haranın? suallarına cavab verir və cümlənin ayrıca üzvü ola bilir və xüsusən xəbər şəkilçisi qəbul etdiyi zaman təklikdə cümlənin xəbəri ola bilir. İndi söz cavanla­rındır. Yiyəlik hal iki cür olur: 1. Müəyyənlik yiyəlik hal. 2. Qeyri-müəyyənlik hal

Müəyyən yiyəlik hal şəkilçi qəbul edir, qeyri-müəyyənlik hal isə heç bir şəkilçi qəbul etmir. Müəyyən yiyəlik halın şəkli əlaməti –ın4, -nın4 şəkilçilərindən ibarətdir.

Qeyri-müəyyənlik bildirən yiyəlik hal şəkil və məzmunca müəyyənlik bildirən yiyəlik haldan fərqlənir. Bu hal şəkilçi qəbul etmədiyi üçün öz müəyyənlik məzmununu itirir, qeyri-müəyyənlik anlayışı verir. Məsələn: Lalə tək qızarmaq üz qaydasıdır, Atalar deyiblər: el gücü – sel gücü.