Muhandislik geologik tadqiqotlar

Umumiy geologiya - yerdagi tashqi va ichki jarayonlarning sodir bo’lish, 
rivojlanish va so’nish qonuniyatlarini o’rganadi;
Mineralogiya - yerdagi hosil bo’ladigan kimyoviy birikmalar - minerallar 
haqidagi fan bo’lib, ularning hosil bo’lish tarkibi va qurilish xossalarini 
o’rganadi; 
Petrografiya - tog’ jinslari, tarkibi, kelib chiqishi, yotish sharoiti va 
tarqalish qonuniyatini o’rganuvchi fandir; 
Tarixiy geologiya - yerning uzoq o’tmishi tarixini va yer qobig’ining
rivojlanish qonuniyatlarini o’rganuvchi fan bo’lib, o’ziga stratigrafiya va 
paleogeografiya ilmlarini birlashtiradi;
Kristallografiya - moddalarning kristallik holati va kristallik panjarasini 
o’rganuvchi fan. Moddalarning kristallik tuzilishini o’rganish, qurilish 
materiallarining texnologiyasini bilish uchun zarurdir;

---

5 
Paleontologiya - o’tmishda yashagan va tog’ qatlamlari orasida qolib, 
toshga aylangan o’simlik (flora) va hayvon (fauna) qoldiqlarini o’rganadigan fan; 
Geofizika - yer qatlamlaridagi jinslarning fizikaviy xususiyatlarini 
o’rganadigan fan. Zamonaviy elektrometriya, seysmometriya usullar bilan qurilish 
maydonlaridagi 
tog’ 
jinslarining 
tok 
o’tkazish qarshiliklari 
o’zgarishi, 
to’lqinlarning tarqalish tezligi, magnitlanish xususiyatlari, radioaktivligi, zichlik 
xossalari aniqlanadi;
Tektonika - tog’ jinslarining yotish shaklini, ya’ni nishablik bilan yoki 
uzilmali, burmali hollarini o’rganadi. Qurilish ishlari olib boriladigan, zilzilali 
hududlarda tektonik sharoitni hisobga olish muhim bo’lib, bino yoki inshootlar 
qismlari zilzila oqibatida tektonik yoriqlar bo’yicha, bir - biriga nisbatan siljishi 
tufayli shikastlanishi yoki vayron bo’lishi mumkin; 
Geomorfologiya - yerni sathiy shakllari, tog’liklarni hosil bo’lishi davrlari 
va yo’llarini o’rgatadigan fan;
Gidrogeologiya - yer ostida to’planadigan suvlar haqidagi fan bo’lib
ularning hosil bo’lishini, harakatlanish qonuniyatini, tarkibini, qidirib topish 
usullarini o’rganadi.