N. I. Saidaxmedova Nizomiy nomidagi tdpu "Ta’lim menejmenti" kafedrasi mudiri, I f. d. (DSc), dotsent

MUSTAQIL TA’LIM


MUSTAQIL TA’LIM MASHG‘ULOTLAR MAVZULARI VA ULARNI
O‘ZLASHTIRISH BO‘YICHA ZARUR USLUBIY KO‘RSATMALAR


Mustaqil ta’lim uchun beriladigan topshiriqlar mavzularning xususiyatlaridan kelib chiqqan holda eng maqbul uslublar, xususan, reja asosidagi konspekt, referat, taqdimot, tezis, ilmiy maqola, xronologik jadval, diagramma, chizmalar, xaritalar asosida ishlash, grafiklar, yozma yoki og‘zaki axborot, ilmiy ish, ijodiy ish tarzida amalga oshirilishi belgilanadi. Ishlanmalarni baholanish tartibi baholash mezonlarida aniq keltirilgan.
Mustaqil ta’lim talabaning bajaradigan ilmiy izlanishi bo‘lib, boshqarish nazariyasini o‘rganishda fanning biror bir mavzusini to‘laroq o‘zlashtiradi va mavzu belgilangan shaklda bajariladi. Mustaqil ishni bajarishdan maqsad, talabaning o‘qishi davomida olgan bilimini mustahkamlash, chuqurlashtirish va umumlashtirishdan iboratdir.
Mustaqil ishni amalga oshirishda talaba bajarishi lozim bo‘lgan vazifalar

Talabaning mustaqil ishidan maqsad o‘qituvchining rahbarligi va nazorati asosida muayyan o‘quv ishlarini mustaqil ravishda bajarish uchun zarur bo‘lgan bilim va ko‘nikmalarni shakllantirish va rivojlantirishdir.

• 
  Talabalar mustaqil ishlarini tashkil etishda quyidagi vazifalarni bajarishlari lozim:
  
• 
  yangi bilimlarni mustaqil tarzda puxta o‘zlashtirish ko‘nikmalariga ega bo‘lish;
  
• 
  zarur ma’lumotlarni izlab topish uchun qulay usullarni va vositalarni aniqlash;
  
• 
  axborot manbalaridan samarali foydalanish;
  
• 
  an’anaviy o‘quv va ilmiy adabiyotlar hamda me’yoriy xujjatlar bilan ishlash;
  
• 
  elektron o‘quv va ilmiy adabiyotlar va ma’lumotlar banki bilan ishlash;
  
• 
  internet tarmog‘idan maqsadli foydalanish;
  
• 
  ma’lumotlar bazasini tahlil etish;
  
• 
  ish natijalarini ekspertizaga tayyorlash va ekspert xulosasi asosida qayta ishlash;
  
• 
  topshiriqlarni bajarishda tizimli va ijodiy yondashish;
  
• 
  ishlab chiqilgan echim, loyiha yoki g‘oyani asoslash va mutaxassislar davrasida himoya qilish.