Namangan davlat universiteti ikromova musharrafxon nematillayevna maktabgacha yoshdagi bolalarning algoritmik fikrlash ko

2-rasm. “Oʻzbekistonning qadimiy shaharlariga sayohat” nomli oʻyini.

Tajriba-sinov ishlari Namangan, Andijon va Farg‘ona viloyatlaridagi bir qator davlat va nodavlat maktabgacha ta’lim tashkilotlarida o‘tkazildi. Tajriba-sinov ishlarida maktabgacha ta’lim tashkilotlarining 1210 nafar tarbiyalanuvchilar respondentlar sifatida ishtirok etdilar. Bulardan, 126 nafari kichik guruhi, 151 nafari o‘rta guruh, 181 nafari katta guruh, 752 nafari tayyorlov guruhi tarbiyalanuvchilaridir.

Tajriba sinov ishlari to‘rtta bosqichda olib borildi:

1. 
   Tashxis va bashorat qilish bosqichida (2018-2019- yy.)
   

II. Tashkiliy-tayyorgarlik bosqich (2019-2020- yy.)
Tanlangan tajriba maydonlarida kichik (3-4 yosh), o‘rta (4-5 yosh), katta (5-6 yosh) va tayyorlov (6-7 yosh) guruhlari tarbiyalanuvchilarida yoshiga mos bilimi asosida algoritmik fikrlash ko‘nikmasini shakllanganlik darajasining boshlang‘ich holati aniqlandi. Tajriba guruhiga jamida 654 nafar, nazorat guruhiga jami 656 nafar tarbiyalanuvchilar tajriba-sinov ishlariga jalb etildi.
III. Amaliy bosqichda (2019 – 2022-yy.)
IV. Umumlashtiruvchi bosqichda (2021-2022-yy.) tajriba-sinov ishlarining natijalari asosida matematik-statistik tahlillar olib borildi va yakunlovchi xulosalar chiqarildi.
Maktabgacha yoshdagi bolalarning algoritmik fikrlash ko‘nikmalarining shakllanganlik darajasini quyidagi baholash mezoni asosida aniqlandi: 4-daraja – topshiriq to‘la, to‘g‘ri bajarilsa; 3-daraja – 1, 2 ta xatoliklarga yo‘l qo‘ysa; 2-daraja – topshiriq kattalarning yordami bilan bajarilsa; 1-daraja – bola kattalarning yordami bilan ham topshiriqni bajarishga qiynalsa⁸.
Tajriba va nazorat guruhlari tarbiyalanuvchilarining algoritmik fikrlash ko‘nikmalarini shakllanganlik darajasini har bir yosh guruhida, har o’quv yili yakunida tajriba-sinov ishlari olib borildi. Avtoreferatning hajmi cheklanganligi sababli o‘rta guruh 151 nafar tarbiyalanuvchilarida olingan natijalarni (q. 4-jadval) hamda tayyorlov guruhida o‘tkazilgan tajriba-sinov ishlarining yakunidagi umumiy natijalarni va ular asosidagi statistik tahlil beriladi (q. 5- jadval)