Namangan davlat universiteti n. Sotvoldiyev biznesni tadqiq etish

6-MAVZU. FIRMANING BIZNES FAOLIYaTINI STRATEGIK 
REJALASHTIRISH 
6.1. Firmaning biznes faoliyatini modellashtirish va uning xususiyatlari. 
6.2. Ishlab chiqarishni tashkil qilish va boshqarish tizimi, biznes faoliyatiga ta’sir 
qiluvchi ichki va tashqi omillarni o’rganish.
6.3. Raqobat kurashi sharoitida firma faoliyati yoki faolligini belgilovchi asosiy 
ko’rsatkichlar. 
6.4. Marketing nazoratini amalga oshirish
6.5. SWOT tahlil, turli xil to’lovlar. 
6.6. Marketing dasturini ishlab chiqishda foydalaniladigan zamonaviy axborot 
texnologiyalari va maxsus kompyuter dasturlari.  
 
 
6.1. Firmaning biznes faoliyatini modellashtirish va uning xususiyatlari 
 
Bozorning to’xtovsiz o’zgarib turuvchi sharoitlari korxonalarga uzoq muddatli 
strategiyalarni ishlab chiqish, maqsadlarni, imkoniyatlar va resurslarni aniqlash jarayoniga 
jiddiyroq yondashishni talab qilmoqda. Bu ish rejalashtirish asosida amalga oshiriladi, unda 
muhim rolni marketing egallaydi. 
Marketingni rejalashtirish — bu marketing maqsadlariga erishish uchun marketing 
resurslarini tizimli tadqiq qilishdir. Bu vosita yordamida korxona foydaga ta’sir qiluvchi 
ko’pgina ichki va tashqi omillarni kuzatib boradi va nazorat qiladi. Mazmuni, ishlab 
chiqarishning davomiyligi va ketma-ketligi, rasmiylashtirish darajasi va rejalashtirishni 
tashkil qilish nuqtai nazaridan mazkur jarayon turli korxonalarda turlicha tashkil qilinadi. 
Talabning hajmi va to’zilmasi noaniq tebranib turgan, tijorat operatsiyalarini o’tkazishda 
xavf-xatarning darajasi yuqori bo’lgan bir nechta bozorlarda faoliyat yurituvchi korxona 
ko’proq muayyan bozor vaziyatlari uchun ishlab chiqiladigan vaziyatli rejalarni qo’llashga 
asoslanadi. Rejalashtirish jarayonining bevosita o’zi quyidagi o’zaro bog’liq elementlardan 
iborat: tahlil, rejalashtirish, realizatsiya va nazorat. Bu jarayon har qanday rejalashtirish 
turlari uchun universaldir. 
Tahlil —mazkur korxonada yuzaga kelgan vaziyatni batafsil aniqlash va, asosiysi, 
uning rivojlanishiga ko’maqlashuvchi va xavf-xatardan qochishga imkon beradigan haqiqiy 
imkoniyatlarni aniqlashni o’z oldiga maqsad qilib qo’yadi. 

---