Nizomiy nomidagi toshkent davlat pedagogika universiteti r. Rasulov, Q. Mo

Fikr tarbiyasi
Fikr tarbiyasi eng kerakli, ko‘p zamonlardan beri taqdir qilinub kelgan, muallimlaming diqqatlariga suyalgan, vijdonlariga yuklangan muqaddas bir vazifadur. Fikr insonning sharofatlik, g‘ayratlik bo‘lishiga sabab bo‘Iadur. Bu tarbiya muallimlaming yordamiga so‘ng daraja muhtojdurki, fikming quwati, ziynati, kengligi muallimning tarbiyasiga bog‘liqdur. Dars ila tarbiya orasida bir oz farq bor bo‘lsa ham, ikkisi bir - biridan oyilmaydurgan, birining vujudi biriga boylangan jon ila tan kabidur.
Masalan: joy solinmagan yaxshi bir uyning ichida o‘tirmak mumkin o‘lmadig‘i kabi, ichiga har xil yangi ashyolar to‘ldurub ziynatlangan eski imorat ham o‘lturishga yaramaydur. Basharti o‘ltursa, insonlar: «Eski uyga yangi zoldivor», «Kir ko‘ylakka jun jiyak», «Mis qozong'a loy tuvoq» deb hajv, kulgi qilurlar.
Fikr agar yaxshi tarbiyat topsa, Xanjar, olmosdan bo‘lur o‘tkur. Fikming oyinasi olursa zang, Ruhi ravshan zamir o‘lur benur.^{1 LXXXIX XC}
Yaxshi birla yursa, har kim maqsudi hosil bo‘lur,
Yursa nodonlar ila, bir kun borib qotil bo‘lur.
Kattalar qilgan nasihatni kichiklar olrnasa,
Oqibat xulqi buzuq bir beadab johil bo‘lur^{XCI XCII}
Iffat
Iffat deb nafsimizni gunoh va buzuq ishlardan saqlamoqni aytilur. Boshimizga keladurgan kulfat va zahmatlaming aksari yomon tilimizdan, andozadan ortiq so‘ylaganimizdan kelur.
O‘ylamay so'ylagan og‘rimay o‘lar,
Fikr ila so‘ylagan yig‘lamay kular.
Hifzi Lison
Hifzi lison deb har bir millat o‘z ona til va adabiyotini saqlamagini aytilur. Har bir millatning dunyoda borlig‘in ko‘rsatadurgan oyinai hayoti til va adabiyotidur. Milliy tilni yo‘qotmak millatning ruhini yo‘qotmakdur. Hayhot! Biz turkistonliklar milliy tilni saqlamak bir tarafda tursun kundan - kun unutmak va yo‘qotmaqdadurmiz. Tilimizning yarmiga arabiy, forsiy ulangani kamlik qilub, bir chetiga rus tilini ham yopishdirmakdadurmiz. Durust, bizlarga hukumatimiz bo‘lg‘on rus lisonini bilmak hayot va saodatimiz uchun osh va non kabi keraklik narsadur. Lekin o‘z yerinda ishlatmak va so‘zlamak lozimdur. Zig‘ir yog‘i solub, moshkichiri kabi qilub, aralash-quralash qilmak tilning ruhini buzadur.^XCIII
«Yohu! Bizga na bo‘ldi? Bobolarimiz yo‘lidan chiqub ketduk. Yaxshi qo‘shningdan olguncha yomon uyingni qidir», - demishlar. Bobolarimizga yetushg‘on va yaragan muqaddas til va adabiyot bizga hech kamlik qilmas. O‘z uyimizni qidirsak va ahtarsak, yo‘qolganlarini ham toparmiz. «Yo‘qolsa yo‘qolsun o‘zi boshimga tor edi», - deb Yovrupo qalpog'ini kiyub, kulgi bo‘lmak zo‘r ayb va uyatdur. Payg‘ambarimiz: «Erlarda jamol lison va tildur», - demishlar.
Ey ona til, aziz qadrdonim,
Iltifoti ruhim, rahmonim,
Tug‘ildig‘im kundan aylading ulfat,
O‘lguncha ayilma, eyjonim.
Menga ilmu adab san o‘rgatding,
Chin adib, muailim shonim.
Millating ruhini ko‘targuchisan
Eng muqaddas karamli sultonim.
Umumiy milliy tilni saqlamak ila barobar xususiy og‘iz orasidagi tilni ham saqlamak lozimdir. Chunki so‘z insonning daraja va kamolini, ilm va fazlini o‘lchab ko'rsatadurgan tarozisidur. Aql sohiblari kishining dilidagi fikr va niyatini, ilm va quwatini, qadr va qiymatini so‘zlagan so‘zidan bilurlar. «Quruq so‘z quloqg'a yoqmas», - demishlar.
Agar so‘z aql va hikmatga muvofiq bo‘lub, o‘ziga yoki eshituvchiga bir foyda chiqadurgan bo‘lmasa, asalarilari orasida g‘ung‘ullab yurgan qovoqari kabi quruq g‘ung‘ullamoq faqat bosh og‘rig‘idan boshqa bir narsa emasdur. Boshimizga keladurgan qattig‘ kulfatlaming ko‘pi yumshoq tilimizdan keladur. Shuning uchun: «Ko‘p o‘yla, oz so‘yla», - demishlar.
Tillaming eng yaxshisi so‘zga usta til, so'zlaming eng yaxshisi bilub, oxirini o‘ylab so‘ylangan so‘zdur.
Go'zallik yuzda ermas, ey birodar,
So‘zi shirin kishi har kimga yoqar.
So‘zing oz bo‘lsinu ma’noli bo‘lsun,
Eshitkanlar qulog‘i durga to’lsun.
So'zing bo‘lsa kumush, jim turmak oltun,
Misi chiqg‘ay so‘zing ko‘p bo‘Isa bir kun.
Ko‘paygan so‘zni bo‘lgay to‘g‘risi oz,
Shakaming ko‘pidan ozi bo‘lur soz.
G‘iybat
Agar jurmu gunah bo‘lsun desang oz, Tilingni saqla g‘iybatdan qishu yoz.
Quloqqa paxta tiq, g‘iybat eshitma,
Shikoyatchi kishiga bo'lma damsoz.¹
Adovat
Adovat balosi bizlami netdi,
Adovat qilma deb haq bizga aytdi.
Zudlik qilduk, mol va davlatlar ketdi,
Moldan o‘tub, oxir jonlarga yetdi.^{XCIV XCV}