Nizomiy nomidagi toshkent davlat

KIRISH.
ASOSIY QISM.
1-bob. Vatanni sevmoq iymondandir!

1.1Vatanparvarlik insonni iymonli ekanini bildirdi.

1.2Vatan himoyachilari mudom hurmat e’tiborda.

2-bob. O‘quvchi yoshlarni Vatanparvarlikka qiziqishni oshirishning asosiy tamoyillari.

2.1 O‘zbekistonda yoshlarni Vatanparvarlik ruhida tarbiyalashga qaratilgan e’tibor.

2.2. Yosh avlodni harbiylikka qiziqishini oshirish.
XULOSA.

FOYDALANILGAN ADABIYOT RO‘YXATI………………………………………..

KIRISH

Ma’lumki, ota-bobolarimiz azal-azaldan inson tarbiyasi masalalariga jiddiy e’tibor berib kelishgan va bu an’ana avloddan-avlodga ko‘chib, takomillashib, yangicha usullar evaziga boyib borgan. Zotan, inson ma’naviyati tarbiyaga bog‘liq. Tarbiyasiz ma’naviyat poydevorsiz binoga o‘xshab omonatlik kasb etadiki, bu holni sharhlab, izohlab o‘tirishning hojati yo‘q. Shu boisdanda, ta’lim-tarbiya jarayoniga barcha davlatda kuchli extiyoj sezilgan. Yoshlarni harbiy-vatanparvarlik ruhida tarbiyalash usullari – yoshlarda zarur hayotiy bilim, ko‘nikma, mahorati va mustahkam irodani, jumladan, yuksak ma’naviy-axloqiy, jangovar ruh va fuqarolik fazilatini shakllantirishga qaratilgan, ularning ongi, ruhiyati va faoliyatiga ta’sir ko‘rsatadigan usul va uslublarni anglatadi. Yoshlarni harbiy-vatanparvarlik ruhida tarbiyalashning samaradorligi, avvalo, bu jarayonning barkamol avlod tarbiyasiga, yoshlarning vatanparvarlik darajasiga qay darajada ijobiy ta’sir etgani bilan belgilanadi.

Harbiy-vatanparvarlik tarbiyasidagi samaradorlik darajasini aniqlashning muhim sharti yoshlarda vatanparvarlik, harbiy burch, jangovar an’analarga sodiqlik kabi xislatlarning real holatda yanada rivojlanishi va takomillashuviga ijobiy ta’sir etadigan omillarni muntazam ravishda hisobga olib, tahlil etib borishdan  iborat.