Nókis-2022 udk : Isakov J. Ya., Toymuxamedov L. R., Tojiev R. R., Baymuratova Z. A., Isakov I. J., «Pul hám bankler» páni boyınsha oqıwlıq. –Nókis: 2022 jıl, 271 bet. Pul hám bankler

USD 1 week =	BID
OFFER
5,75	5,93

Bunda bid – kotirovkanıń shep tárepi – tartıw stavkası. Bid stavkası boyınsha kotirovkanı ámelge asırıwshı bank usı dáwirde depozitke qarjılardı tartadı; offer (yaki ask) – kotirovkanıń oń tárepi – jaylastırıw stavkası. Offer stavkası boyınsha kotirovkanı ámelge asırıwshı bank usı dáwir ushın pul qarjıların jaylastırıwdı usınadı.

Eki usıl da birdey áhmiyetke iye hám pútkil dúnyadaǵı valyuta dilerleri tárepinen paydalanıladı.
Konversiyalıq operaciyalar – bul valyuta bazarı agentleriniń bir mámleket valyuta birliginiń basqa mámleket valyutasına kelisilgen kurs tiykarında óz ara kelisilgen summalarǵa belgili múddetlerge esaplap almastırıwdan ibarat kelisim.
Yuridikalıq tárepten konversiyalıq operaciyalar valyutalar aldı-sattısı pitimleri sanaladı.
Inglis tilinde konversiyalıq operaciyalarǵa Foreign Exchange Operations (qısqasha forex yaki FX) ataması qabıllanǵan.
Konversiyalıq operaciyalar múddetlerine qaray 2 toparǵa bólinedi:
• spot túrindegi operaciyalar, yaki usı konversiyalıq operaciyalar;
• forvard yaki múddetli konversiyalıq operaciyalar.
Eki topar konversiyalıq operaciyalar arasındaǵı ayırmashılıq valyutalar sánesinde jámlengen. Xalıqaralıq ámeliyatta qabıllanıwı boyınsha usı konversiyalıq operaciyalar spot shártleri tiykarında, yaǵnıy pitim dúzilgen kúnnen keyingi 2 jumıs kúnine valyutalaw sánesi menen ámelge asırıladı. Usı konversiyalıq operaciyalar xalıqaralıq bazarı spot-bazar dep ataladı.
Pitim kontragentleri ushın spot esaplawları shártleri júdá qolay: usı hám keyingi kún dawamında zárúr hújjetlerdi kórip shıǵıw, pitim shártlerin orınlaw ushın kerek bolǵan tólew tapsırmaların rásmiylestirip alıw múmkin.
Usı konversiyalıq operaciyaları ushın spot almasıw kursı qollanıladı. Spot kursı usı valyuta kursı esaplanadı hám turaqlı túrde gazetalar betlerinde, xabar agentlikleri ekranlarına berip barıladı.
Ózbekstan Respublikası Oraylıq banki milliy valyutanıń sırt el valyutalarına salıstırmalı kursınıń ózgeriwi nátiyjesinde payda bolatuǵın valyuta riskin tártipke salıw maqsetinde wákillikli bankler ushın ashıq valyuta poziciyalarınıń limitlerin belgileydi. Atap ótkende, hárqanday sırt el valyutasınıń bir túri boyınsha ashıq valyuta poziciyasınıń limiti hárbir operaciyalıq kún juwmaǵında wákillikli bank regulyativ kapitalınıń 10% nen artpawı tiyis. Hárbir operaciyalıq kún juwmaǵında ashıq valyuta poziciyalarınıń ulıwma qunı bank regulyativ kapitalınıń 20% nen artıp ketpesligi tiyis.