O. M. Jabborova, Z. A. Umarova Boshlang’ich ta’lim pedagogikasi, innovatsiya va integratsiyasi

ta’lim elementlari — ta’lim dasturining bir qismi bo’lib, ta’lim 
olish natijalariga erishish va ta’lim dasturida ko’rsatilgan bilimlarni 
o’zlashtirishga ko’maklaShuvchi o’qitish turi; 
transkript — ta’lim olishning tegishli davrida o’zlashtirilgan 
kreditlar va baholarning harf va raqamlardagi ifodasi ko’rsatib o’tilgan 
fanlar ro’yxatini o’z ichiga olgan belgilangan shakldagi hujjat. 
E’tibor berilsa, mazkur kredit-modul tizimi mamalakatimiz ta’lim 
jarayoni uchun butunlay 
yangi bo’lib, uni bo’lajak boshlang’ich sinf 
o’qituvchilarining oliy pedagogik ta’lim jarayonida o’zlashtirishi taqoza 
etiladi.  
Boshlang’ich ta’limda o’qitishning kredit-modul jarayoni. 
Mamlakatimiz oliy ta’lim muassasalarida kredit-modul tizimi o’ziga xos 
bo’lib, unda oliy ta’limni amalga oshirishning xalqaro satandartlariga 
mos yo’l tutiladi. Shu jihatdan mazkur jarayonning yuqorida keltirilgan 
Nizomga asosan asosiy jihatlariga diqqatingizni tortamiz. 
Mazkur tizimga asosan o’quv yili uchun ta’lim dasturi tuzilmasi 
bir yoki bir nechta modullardan iborat ta’lim elementlaridan tashkil 
topgan bo’lib, oliy ta’lim muassasasi kengashi tomonidan tasdiqlanadi. 
Ta’lim dasturi auditoriya mashg’ulotlari, ilmiy loyihalar, mustaqil 
ta’lim, ishlab chiqarish amaliyoti va boshqa ta’lim elementlaridan iborat 
bo’lishi mumkin. 
Ta’lim dasturi tuzilmasi uning har bir ta’lim elementiga mos 
keladigan ta’lim olish natijalari (kamida 6 ta ko’rsatkich)ni ko’rsatgan 
holda bir akademik o’quv yiliga 60 kredit mos kelishini hisobga olib 

---

178 
ishlab chiqiladi. Ta’lim dasturida kreditlarning miqdori o’quv yuklamasi 
asosida ko’rsatiladi. 
Talabalarning ta’lim dasturini muvaffaqiyatli o’zlashtirishi hamda 
talab qilingan malakaga ega bo’lishi uchun talablar aniq belgilanadi. 
O’zlashtirish qoidalari tanlangan ta’lim dasturi bo’yicha o’qitishning 
turli bosqichlari uchun belgilangan kreditlar miqdorida yoki kreditlar 
oralig’ida ifodalanishi mumkin. 
Ta’lim dasturining talabalar tomonidan muvaffaqiyatli bajarilishiga 
yordam berish uchun oliy ta’lim muassasasining tegishli bo’linmalari va 
xodimlari, Shu jumladan, ta’limning kredit tizimini boshqarishga mas’ul 
boshqarma yoki bo’limi, guruh murabbiyi tomonidan maslahat va 
tuShuntirishlar berib boriladi. Maslahat doirasida talabalarga ta’lim olish 
natijasida erishgan yutuqlar va tajribani tan olish imkoniyatlari 
tuShuntiriladi. 
Oliy ta’lim muassasasi ta’lim dasturi katalogi va o’qitish sharoitlari 
to’g’risidagi batafsil ma’lumotlar hamda dolzarb axborotni oliy ta’lim 
muassasasi veb-sahifasiga qulay yuklanadigan formatda o’quv yili 
boshlanishidan kamida bir oy oldin joylashtirishi va e’lon qilib borishi 
shart. 
Ta’lim dasturi va uning elementlarini amalga oshirishga mas’ul 
o’qituvchilar ta’lim dasturida ko’rsatilgan o’qitish natijalari bilan dars 
berish va baholash jarayoni o’rtasidagi muvofiqlikni ta’minlashlari 
lozim. O’qitish natijalari, dars berish va baholash jarayoni o’rtasidagi 
ushbu konstruktiv bog’liqlik ta’lim dasturlariga qo’yiladigan muhim 
talab hisoblanadi. 

---

179 
Ta’lim elementlarining amalga oshirilishiga mas’ul professor-
o’qituvchilar ta’lim dasturida ko’rsatilgan natijalar bilan ta’lim berish 
hamda baholash jarayonlari o’rtasidagi mutanosiblikni ta’minlashi 
lozim. 
Diqqat qilinsa, o’qitishning kredit-modul jarayoni o’ziga xos 
xususiyatlarga ega va u oliy boshlang’ich ta’lim jarayonida ham xuddi 
Shunday amal qiladi.