O. M. Mirtazaev epidemiologiyadan amaliy mashg

Surunkali tashuvchilar - 3 oydan ortiq bakteriya ajratadilar, ba’zan umrbod 
ajratadilar. Ularning ulushi og’rib o’tganlarning 3-5%ga to’g’ri keladi. Paratif V da 
qorin tifiga qaraganda kamroq bakteriya tashuvchilik yuzaga keladi. 
Tranzitor  tashuvchilar  -  tashuvchilikning  bu  xili  qorin  tifi  yoki  paratif 
bakteriyalarining  infeksiyaga  moyil  bo’lmagan  kishilar  ichagiga  har  qanday 
tushishlari  oqibatida  yoki  kam  miqdorda  tushganda  vujudga  keladi.  Bunda 
mikroblar  qonga  yoki  ichki  organlarga  o’ta  olmaydi  va  bir  necha  kungacha 
ichakdan  tashqariga  chiqarilib  turishi  mumkin.  Odatda  tranzitor  tashuvchilikda 
qo’zg’atuvchi  bir  marta  najasda  aniqlanadi.  Bakteriyalarning  siydik  yoki  o’t 
suyuqligida  mavjudligi  tranzitor  tashuvchilikni  bekor  qiladi.  Surunkali  tashuvchi 
yoki  tranzitor  tashuvchilikni  faqat  shifoxona  sharoitidagina  aniqlash  mumkin. 
Oziq-ovqat  korxonalarida  ishlovchilar  orasida  bakteriya  tashuvchilar  aniqlansa, 
bunday  shaxslar  ishga  qo’yilmaydilar  va  tashuvchilik  turini  aniqlash  uchun 
bakteriologik tekshiruvdan o’tkaziladi. Bakteriya  tashuvchilarda 5 marta najas va 
siydik bakteriologik tekshiriladi, bir marta safro va bir marta qon zardobi sisteinda 
barqaror antitelolarni aniqlash uchun RPGA qo’yiladi. 
Bakteriologik tekshiruv natijalari manfiy, biroq, serologik tekshiruv natijalari 
musbat chiqqan hollarda najas, siydik va safroni yana qaytadan tekshiriladi. 
Agarda  shifoxona  sharoitida  oziq-ovqat  korxonasi  ishchilarida  tranzitor 
tashuvchilik  aniqlansa,  bunday  shaxslar  ishga  qo’yilmadi,  keyinchalik  2  yil 
davomida bunday shaxslarning har chorakda (xuddi o’tkir tashuvchilik aniqlangan 
hollardek) siydik va najaslari tekshirilib turiladi. Ich terlama va paratif kasalliklari 
bakteriyalari yana bir marta bo’lsa ham safrodan, siydikdan ajratib olingan shaxslar 
surunkali tashuvchi deb hisoblanadi. 
Surunkali  tashuvchilik  aniqlanganda,  Shuningdek  oziq-ovqat  korxonasi 
xodimlari  shifoxonada  tekshirishdan  bosh  tortsalar,  ular  ishga  qo’yilmaydi, 
surunkali tashuvchilar kasblarini o’zgartirishlari lozim. 
Maktab,  maktab-internat  o’qituvchilari  orasida  ich  terlama  va  paratif 
qo’zg’atuvchilarini  tashuvchilik  aniqlansa,  ular  o’qishga  qo’yiladi,  lekin  oziq-
ovqat mahsulotlarini tayyorlash, transportirovka qilish va tarqatishga doir ishlarga 
jalb qilinmaydilar. 
Yasli  va  bog’chaga  boradigan  bolalar  orasida  tashuvchilik  aniqlansa,  ular 
bog’cha va yasliga qo’yilmaydi va shifoxonaga tekshirishga yuboriladilar, chunki 
ularda  tashuvchilik  qisqa  muddatli  bo’ladi,  agar  tashuvchilik  davom  etaversa, 
ularni  bog’cha  yoki  yasliga  qo’yishni  aniq  vaziyatni  hisobga  olgan  holda  hal 
qilinadi. 
Agar oziq-ovqat korxonasi xodimi yoki unga tenglashtirilgan kasb egalari oila 
a’zolaridan  birida surunkali  tashuvchilik aniqlansa,  ular  ishdan  chetlashtirilmaydi 
va mahsus tekshiruvdan o’tmaydi. Tashuvchi yashash joyini o’zgartirsa, u haqidagi 
ma’lumotlar yangi yashash joyi bo’yicha DSENMga yuboriladi. 
Har  bir  surunkali  tashuvchida  qo’zg’atuvchining  fagotipi  aniqlanib,  364-
shakldagi ro’yxatga yozib qo’yiladi. Bemor va bakteriya tashuvchilar shifoxonadan 
klinik tuzalgandan so’ng va 3 marta siydik va najasni tekshirilganda manfiy natija 

 
124 
bersa,  shifoxonadan  chiqarilib  yuboriladi.  Birinchi  tekshirish  isitma  tushgandan 
keyin 5 kun o’tgach o’tkaziladi, keyinchalik esa 5 kunlik tanaffus bilan o’tkaziladi. 
Antibiotik olgan rekonvalessentlar normal haroratning 21 kunidan, olmaganlar esa 
14-kunidan keyin shifoxonadan chiqariladilar. Shifoxonadan oldingi (chiqarishdan 
oldingi)  tekshirishda  bemorda  qorin  tifi  yoki  paratif  qo’zg’atuvchilarining 
aniqlanishi, shifoxonadan chiqarishga to’sqinlik qila olmaydi. 
Dispanser  nazorati.  Qorin  tifi  bilan  og’rib  o’tgan  barcha  shaxslar  kasbidan 
qat’iy  nazar  3  oy  davomida  dispanser  sharoitida  nazoratda  bo’ladilar.  1-oyda 
haftada  1  marta,  keyingi  oylarda  2  haftada  harorati  o’lchab  turiladi.  Harorati 
ko’tarilganda  yoki  bemorning  umumiy  ahvoli  og’irlashganda  yana  bir  bor 
tekshiriladi.  Oziq-ovqat  korxonasi  ishchisi  bo’lgan  rekonvalessentlar  1  oy  asosiy 
ishdan chetlashtirilib, boshqa ishga qo’yiladilar, ko’rsatilgan muddat oxirida ularda 
najas va siydik 5 marotaba tekshiriladi: 
a)  bir  oydan  keyin  ham  bakteriya  tarqatsalar,  ular  oziq-ovqat  bilan  bog’liq 
bo’lmagan ishga o’tkaziladilar. 3 oy o’tgach, unday shaxslar chuqur bakteriologik 
tekshiruvdan o’tadilar. Ularda 1 -2 kunlik oraliq bilan 5 marta najas va siydik, bir 
marta  safro  tekshiriladi.  Manfiy  natija  bo’lsa,  ishga  qo’yiladi.  2  yil  davomida 
bakteriologik  tekshiruvdan  o’tkazilib  turiladi.  2  yil  o’tgach  ularda  sistein  bilan 
passiv gemagglyutinatsiya reaksiyasi qo’yiladi. Agar bunda musbat natija chiqsa, 5 
marta  najas  va  siydik,  manfiy  bo’lsa,  najas,  siydik  1  marta  safro  tekshiriladi. 
Serologik  va  bakteriologik  manfiy  natija  bergan  shaxslar  ro’yxatdan 
o’chirilmaydilar  va  butun  ish  faoliyati  davomida  har  yili  bir  martadan  najas  va 
siydiklari tekshiriladi. 
b) bir oydan keyin o’tkazilgan tekshirishda manfiy natija bergan shaxslar o’z 
kasblari  bo’yicha  ishga  qo’yiladilar,  2  oy  davomida  najas  va  siydik  tekshiriladi. 
Uchinchi  oy  oxirida  bir  marta  safro  tekshiriladi.  Qo’zg’atuvchilar  qayta  ajratib 
olinmasa  u  shaxslar  2  yil  davomida  har  chorakda  (najas  va  siydik  bir  martadan) 
tekshirib  turiladi,  keyinchalik  yuqorida  qayd  etilgan  sxema  bo’yicha  o’tkaziladi. 
Agar  3  oydan  keyingi  tekshiruvning  bittasida  bo’lsa  ham  ich  terlama  va  paratif 
bakteriyalari  ajratib  olinsa,  unday  shaxslar  surunkali  bakteriya  tashuvchi  deb  tan 
olinadi  va  ishdan  chetlashtiriladi,  ular  o’z  kasbini  o’zgartirishi  kerak  bo’ladi. 
Barcha surunkali bakteriya tashuvchilar butun hayoti davomida yashash joylaridagi 
DSENMlari ro’yxatida  turadilar. 
Rekonvalessent  va  tashuvchiga  shaxsiy  gigiyena  va  dezinfeksiya  o’tkazish 
tadbirlari  qatiyligi  tuShuntiriladi.  Yashash  joyi  bo’yicha  surunkali  tashuvchilarni 
o’zi  yoki  oila  a’zolaridan  biri  choralarni  o’tkazadi.  Hamma  epidemiyaga  qarshi 
chora-tadbirlarni  nazorat  qilish  DSENM  xodimlariga  yuklatiladi,  yashash  joyi 
bo’yicha bakteriya tashuvchini bir yilda bir marta borib ko’radilar. 
Bakteriya tashuvchilar yashaydigan joylarda o’tkaziladigan chora-tadbirlar: 
1. Sanitariya-oqartuv ishlari. Har bir qorin tifi yoki paratif bilan og’rib o’tgan 
shaxslarda  shaxsiy  gigiyena  qoidalariga  rioya  qilish,  joriy  dezinseksiya  o’tkazish 
va boshqalar aks ettirilgan maxsus eslatmalar beriladi. 
2. Joriy dezinfeksiya. 
3.  DSENM  xodimlari  bakteriya  tashuvchilarning  yashash  joyi  bo’yicha  bir 

 
125 
yilda bir marta qilayotgan chora-tadbirlarni nazorat qilish uchun borib ko’radilar. 
4. Bakteriya tashuvchilar o’choqlaridan sut va sut mahsulotlarini topshirish va 
sotish man etiladi. 
Yuqumli kasallik manbaiga nisbatan choralar: 
1. Isitmasi yuqori bemorlarni aktiv va passiv aniqlash. May oyidan to oktyabr 
oyigacha  bo’lgan  davrda  medicina  xodimlari  o’zlariga  biriktirilgan  har  bir 
xonadonga  haftada  1  marta  kirib  chiqishlari  lozim.  Isitmasi  bor  barcha  bemorlar 
birinchi  kuniyoq,  vrach  ko’rigidan  o’tishlari  lozim,  agarda  u  tif-paratifoz 
kasalligiga Shubha qilingan bo’lsa, provizor bo’limi yoki palataga yotqiziladi. 
2.  Barcha  provizor  bo’limiga  yotqizilgan  isitmasi  bor  bemorlar  birinchi  24 
soat  mobaynida  gemokulturaga  tekshirilishi  kerak,  bundan  tashqari  diagnozi 
aniqlanmagan holda 3 kundan ortiq isitmalab yotgan shaxslar ham gemokulturaga 
tekshiriladi. 
3. Barcha diagnozi aniqlanmagan bemorlar yoki gripp, bronxit, O’RK diagnoz 
qo’yilgan  va  isitmasi  3  kundan  ortiq  ko’tarilgan,  hamda  ambulatoriya  sharoitida 
davolash uchun uyida qoldirilgan bemorlar qoni gemokulturaga tekshiriladi. 
4.  Epidemiyaga  qarshi  choralarning  muhim  bo’limlaridan  biri  o’t  va  siydik 
yo’llari kasalliklariga chalingan shaxslar, oziq-ovqat korxonasi ishchilari va unga 
tenglashtirilgan kasb egalari orasida bakteriya tashuvchilarni aniqlashdir. Bahor va 
kuz  oylarida  bakteriologik  va  serologik  tekshirishga  quyidagilar  jalb  qilinishlari 
lozim:  shaxsiy  tartibda  sut  va  sut  mahsulotlarini,  oziq-ovqat  mahsulotlari,  uyda 
tayyorlangan  mahsulotlarini  tarqatuvchilar  (realizatsiya  qiluvchilar),  shuningdek 
bayram va turli tadbirlarda ovqat tayyorlovchilar. 
Aniqlangan  epid.o’choqlarga  nisbatan  sanitariya-sog’lomlashtirish  va 
epidemiyaga qarshi tadbirlar ishlab chiqiladi. 
5.  Tif-paratifoz  kasalliklar  bo’yicha  noqulay  sharoitli  joylarda  yashovchi 
barcha  surunkali  tashuvchilar  yil  davomida  4  kunda  1  marta  tegishli  bakteriofag 
qabul qilishlari shart. 
Yuqish  mexanizmiga  qarshi  chora-tadbirlar.  Ich  terlama  epidemik 
o’chog’ida  bemor  gospitalizatsiya  qilinguncha  joriy,  gospitalizatsiya  qilingach, 
yakuniy  dezinfeksiya  qilinadi.  Bemorning  najasi,  kusuq  moddalari  xlorli  ohak 
sepilib, aralashtirilib yuboriladi, 1 kg chiqindiga 200 g. preparat. Siydik xlorli ohak 
bilan  aralashtiriladi  (1l  siydikka  10  g  preparat).  Chiqindilar  bo’lgan  idishlar 
dezinfeksiyalovchi  eritma  bilan  zararsizlantiriladi  (1%  li  xloramin  eritmasi  -  1 
soatga).  Bemorning  idish-tovog’i  ovqat  qoldig’idan  tozalanib,  1  soatga 
dezinfeksiyalovchi  eritmaga  bo’ktiriladi  (1%  li  xloramin  eritmasi).  Ovqat 
qoldiqlari  qaynashidan  boshlab  15  daqiqa  davomida  qaynatiladi  yoki  xlorli  ohak 
bilan aralashtirilib yuboriladi. Kiyimlar 2%li sodali eritmada 15 daqiqa qaynatiladi 
yoki  60  daqiqa  davomida  0,2%li  xloramin  eritmasiga  bo’ktirib  qo’yiladi,  keyin 
yuviladi.  Hovlidagi  axlatlarni,  hojatxona,  axlat  quvurlari  10%  li  xlorli  ohak 
eritmasida 
zararsizlantiriladi. 
Surunkali 
bakteriya 
tashuvchilar 
uylarida 
dezinfeksiya  o’tkaziladi.  Dezinfeksiya  yil  davomida  1  haftada  1  martadan 
o’tkaziladi. Dezinseksiya - apreldan to oktyabrgacha 1 haftada 1 marta o’tkaziladi. 
Dezinfeksiya va dezinseksiya aholi tomonidan amalga oshiriladi. DSENM tegishli 

 
126 
preparatlar bilan ta’minlaydi. 
Aholini  ichimlik  suvi  bilan  ta’minlashni  yaxshilash,  vodoprovod  yo’q 
joylarda har kuni toza ichimlik suvini tashib keltirish tashkil etiladi, dala joylarda 
suvni qaynatish tashkil etiladi. 
Ochiq  suv  havzalarining  ifloslanishining  oldini  olish  (suv  havzalari  yaqinida 
joylashgan hojatxonalarni yo’qotish), chiqindilar tashlanadigan joylarni yo’qotish, 
chorvachilik  fermalari  chiqindilarini  suvlarga  tushishining  oldini  olish.  Maxsus 
ajratilgan joylarga chiqindilarni yig’ish va zararsizlantirish. 
Surunkali  tashuvchilar  yashaydigan  joylarda  markazlashtirilgan  vodoprovod 
suvlaridan,  ochiq  suv  havzalaridan,  umumiy  ovqatlanish  korxonalaridan, 
maktabgacha  bolalar  muassasalaridan,  maktablardan, uylardagi  suv  tarmoqlaridan 
suv olib har 10 kunda laboratoriya tekshiruvini o’tkazish. 
Mahalliy sharoitlarni hisobga olgan holda aniq dalillarni keltirib, aholi orasida 
gigiyenik tarbiya va sanitariya bilimlarini targ’ibot qilish. Barcha og’rib o’tganlar 
va  surunkali  tashuvchilar  o’zlarini  qanday  tutishlari  haqidagi  eslatma  bilan 
ta’minlanishlari zarur. 
Ich  terlama  va  paratiflar  epidemik  o’chog’ida  bemor  bilan  muloqotda 
bo’lganlarga  nisbatan  chora-tadbirlar.  Muloqotda  bo’lganlar  bemor 
gospitalizatsiya  qilinganidan  boshlab  ich  terlamada  21  kun  davomida  tibbiyot 
xodimlari  nazoratida  bo’ladilar.  Paratif  bemorlari  bilan  muloqatda  bo’lganlar  esa 
14 kun davomida tibbiy kuzatuvda bo’lishadi. 
Har  kuni  ularning  tana  harorati  o’lchanadi,  sog’ligi  kuzatib  turiladi. 
Muloqotda  bo’lganlarni  1  marta  najas  bakteriologik  va  zardob  sistein  bilan 
RPGAda  serologik  tekshiriladi.  Agar  qo’zg’atuvchi  najasdan  bir  marta  ajratilib 
olinsa,  tashuvchilik  turini  aniqlash  uchun  safro,  siydik  va  najas  qaytadan 
tekshiriladi. Serologik reaksiya musbat chiqsa, bir martadan najas, siydik va safro 
tekshiriladi.  Muloqotda  bo’lganlarga  bakteriofag  beriladi.  Bakteriofag  berishning 
birinchi  qismi  bemor  gospitalizatsiya  qilinganidan  so’ng,  ikkinchi  qismi  uyga 
qaytishdan oldin o’tkaziladi (3 kunda 1 marta bakteriofag qabul qili-nadi). 
Suv  yoki  oziq-ovqat  orqali  kasallik  birdan  epidemik  avj  olsa,  muloqotda 
bo’lganlardan tashqari o’sha hududda yashovchi aholiga ham bakteriofag beriladi. 
Bakteriofag  och  qoringa  ovqatlanishdan  2  soat  oldin  qabul  qilinadi.  6  oydan-3 
yoshgacha  bo’lgan  bolalarga  1  tabletka,  3  yoshdan  kattalarga  2  tabletka  beriladi. 
0,5  %  li  sodali  suv  ichib  yuboriladi.  Bakteriofaglarni  qo’llanishiga  qarshi 
ko’rsatmalar  yo’q.  Ich  terlama  va  paratif  kasalliklari  bo’yicha  yuqori  kasallik 
ko’rsatkichiga  ega  bo’lgan  hududlarda  mavsumiy  ko’tarilishlar  davrida  surunkali 
bakteriya  tashuvchilar  orasida  ham  ularning  epidemiologik  jihatdan  xavfini 
kamaytirish uchun faglashni o’tkazish maqsadga muvofiqdir. 
Maxsus profilaktika. Rejali ravishda emlashga kasallanish bo’yicha noqulay 
tabaqalar jalb qilinadilar, bularga kasallanish bo’yicha noqulay ahvoldagi joylarga 
ko’chib  kelganlar kiradi.  Ular ko’chib kelishdan  oldin o’z  joylarida  yoki  ko’chib 
kelganlaridan so’ng yangi joylarida darhol emlanishlari lozim. Bunda albatta yangi 
ko’chib  kelgan  joydagi  kasallanishning  mavsumiy  ko’tarilish  vaqtini  e’tiborga 
olish  kerak.  Profilaktik  emlashga,  shuningdek,  qurilish  ishchilari  va  ulariing 

 
127 
oilalari  xam  yangi  qurilish  ob’ektlariga  toza  suv  berilishini  ta’minlangunga  qadar 
jalb  qilinadilar.  Agarda  ma’lum  bir  tabaqaga  tegishli  aholi  ich  terlama  va  paratif 
kasalliklari  bo’yicha  kasallanish  yuqori  darajadagi  joylarga  mavsumiy  ishlarga 
ketayotgan  bo’lsalar,  ularga  xam  profilaktik  emlash  o’tkaziladi.  Rejali  ravishda 
emlash  kanalizatsiya  tarmoqlari  va  aholi  yashaydigan  joylarda  tozalash  ishlarini 
olib boruvchi ishchilarga, yuqumli shifoxonalar tibbiyot xodimlariga, bakteriologik 
laboratoriya  ishchilariga,  shaharlararo  suv  transportida  ishlovchi  xodimlarga, 
umumiy  ovqatlanish  korxonalaridagi  ishchilarga,  ularning  atrofida  surunkali 
tashuvchilar  bo’lgan  hollarda  o’tkaziladi.  Sanitariya  epidemiologik  jihatdan  uzoq 
muddat  nosog’lom  vaziyatda  bo’lgan  aholi  punktlarida  barcha  aholiga  emlash 
o’tkaziladi  (epidemik  xavflilik  darajasi  16  balldan  yuqori).  Yuqori  kasallanish 
xavfi yuzaga kelgan hollarda har qanday hududlarda epidemiologik ko’rsatmalarga 
binoan  aholi  orasida  aktiv  emlash  ishlarini  tashkil  etish  va  o’tkazish  zarur. 
Masalan:  tabiiy  ofatlar  yuz  berganda  epidemik  avj  olishlar  yuz  berishi  mumkin. 
Agarda  ich  terlamaning  avj  olishi  yuz  bergan  bo’lsa,  vaksinatsiya  o’tkazish 
maqsadga muvofiq emas. Immunitetning hosil bo’lish vaqtini hisobga olgan holda 
emlash  ishlarini  mavsumiy  ko’tarilishdan  3-4  hafta  oldin  boshlash  maqsadga 
muvofiq.  Barcha  emlanganlar  063/x  shaklga  va  064/x  shaklga  hisobga  olinadilar, 
bunda  albatta  emlanish  vaqti,  dozasi  ko’rsatilishi  kerak.  Ich  terlamaga  qarshi 
emlash  uchun  hozirgi  vaqtda  ikki  xil  vaksina  preparati  qo’llaniladi:  kimyoviy 
sorbitlangan  ich  terlama  vaksinasi  (katta  yoshdagilarni  emlash  uchun)  va  Vi-
antigen bilan boyitilgan spirtli ich terlama vaksinasi (kichik yosh dagilarni emlash 
uchun). 
Revaksinatsiya  1  yildan  keyin  o’tkaziladi,  biroq  epid.ko’rsatmalarga  binoan 
bir necha oylardan keyin ham o’tkazilishi mumkin. 
Fagoprofilaktika.  Ich-terlama  va  paratifga  qarshi  quyidagi  hollarda 
yoppasiga bakteriofag beriladi: 
1) suv orqali tarqaladigan surunkali ich terlama va paratif epidemiyalarida; 
2) sut va sut mahsulotlari orqali kasallik o’tkir epidemik avj olganda; 
3) suv va kanalizatsiya tarmoqlarida avariya bo’lganda. 
Bu  hollarda  bakteriofag  3-4  kunda  bir  marta  beriladi,   1 maydan to 1  - 
noyabrgacha. Bakteriofaglar yoppasiga qo’llanilishi kerak bo’lgan aholi tabaqasini 
epidemiolog-vrach epidemiologik vaziyatni, infeksiyaning  tarqalganlik  darajasini   
va  qo’zg’atuvchining  aktivligini, vaqtini hisobga olgan holda belgilaydi. 
Surunkali  suv  epidemiyalarida  faglashni  kasallanishning  ko’tarilishi  davrida 
o’tkazilishi  tavsiya  qilinadi.  Ich  terlama  kasallanishi  bo’yicha  doimiy  yuqori 
ko’rsatkichlarda  saqlanib  kelayotgan  hududlarda  kasallanish  ko’tarilishi  davrida 
surunkali bakteriya tashuvchilarga, ularning epidemiologik xavfliligini kamaytirish 
maqsadida  faglash  o’tkazish  maqsadga  muvofiqdir.  Sanitariya-gigiyena  qoidalari 
qoniqarsiz  ahvolda  bo’lgan  nosog’lom  epid.holatli  alohida  muassasalarga  yoki 
jamoa  orasida  kasallanish  hollarining  oldini  olish  maqsadida  yoppasiga    faglash 
o’tkazish  tavsiya  qilinadi.  Bakteriofaglarni  qo’llashga  qarshi  ko’rsatmalar  yo’q. 
Bakteriofaglarning  har  bir  seriyasi  ularning  faolligini  aniqlash  maqsadida  (lizis) 
shu joydan ajratib olingan qo’zg’atuvchilar kulturasi bilan tekshirib ko’riladi. 

 
128 
Vaksinaprofilaktikaning  samaradorligini  aniqlash.  Ich  terlamada  vaksina 
profilaktikaning samaradorligini aniqlashda quyidagilar zarur: 
1) emlanganlar va emlanmaganlar orasida kasallanishni aniqlash; 
2)  emlash  ishlari  yoki  boshqa  choralar  natijasida  aholi  orasida  kasallanish 
hollari kamayganligi yoki yo’qligini aniqlash; 
3)  kasallanishning  kamayganligi  yoki  o’sganligidan  qatiy  nazar  emlash  ich 
terlamani bir qismining oldini olganligi yoki yo’qligini tekshirish; 
4) vaksinani profilaktik samaradorligining  yo’qligi  emlash  ishlarini noto’g’ri 
rejalashtirish  va  amalga  oshirish  bilan  yoki  boshqa  biron  bir  sabab  bilan  bog’liq 
ekanligini aniqlash. 
Sanitariya-epidemiologik 
nazorat. 
Malakali  o’tkazilgan  sanitariya-
epidemiologik  tahlil  vaksinaprofilaktikaning  samaradorligi  va  o’tkazilgan 
epidemiyaga  qarshi  chora-tadbirlarni  baholashning  ajralmas  sharti  bo’lib 
hisoblanadi,  bu  tahlil  o’zida  ayrim  kichik  uchastkalarda,  ayniqsa  kasallanish 
bo’yicha ahvol yaxshi bo’lmaganida, suv ta’minoti, kanalizatsiya va aholi yashash 
joylarini chiqindilardan tozalash haqidagi amaldagi ko’rsatmalarni yig’ish va qayta 
ishlashni nazarda tutadi. 
Ich  terlama,  paratif  A  va  V  bo’yicha  oxirgi  besh  yil  ichidagi  kasallanishlar 
alohida-alohida  tahlil  qilinadi  va  kasallanganlarning  yoshi,  jinsi,  kasbi, 
mavsumiylik ko’rsatkichlarini hamda infeksiya manbai va yuqtirish omillarini o’z 
ichiga oladi. 
Har  bir  o’choq  epidemiolog-vrach  tomonidan  tekshiriladi.  REA  natijasida 
aniqlangan xavfli guruhlar o’rtasida (suv omili, oziq-ovqat omillari) immunologik 
nazorat  tekshiruvlari  o’tkazish  mumkin.  Yuzaga  kelgan  avj  olish  hollarida  yoki 
aniqlangan 
kasallanishlar 
ko’rsatkichlarining 
sezilarli 
ko’tarilishlarida 
infeksiyaning  turli  xildagi  omillar  orqali  yuqishini  baholash  lozim,  bunda  har  bir 
omil  ta’sir  etishining  qay  darajada  uchrashi  aniqlanadi,  daryolar,  ariqlar  suvidan 
iste’mol qiluvchilar miqdori (% hisobida), turli taomlarni iste’mol qilish va tegishli 
ravishda kasallanmaganlarning guruhi. 
Yuqish  omillarini  aniqlashda  infeksiya  manbaini  topish  va  bemorlardan 
ajralayotgan  qo’zg’atuvchi  fagotipini  aniqlash  zarur.  Ich  terlama  bilan 
kasallanishning  kamayishida  chora-tadbirlarni  epidemik  jarayonning  barcha 
zvenolariga nisbatan olib borish muhim rol o’ynaydi. Eng asosiy chora-tadbirlarga 
aholini toza, sifatli ichimlik suvi bilan ta’minlash va sanitariya-gigiyenik choralar 
kiradi. 
 
 
 
 
 
 
 
 
 

 
129 
MAVZU 12. SALMONELLYOZLARNING EPIDEMIOLOGIYASI, 
PROFILAKTIKASI VA EPIDEMIOLOGIK NAZORATI 
1. Mashg’ulotning maqsadi: Salmonellyozlar epidemiologiyasi, profilaktikasi 
va epidemiologik nazorati bilan tanishtirish. 
2.O’qish  joyi  va  vaqti:  4  soat  amaliy  mashg’ulot,  2  soat  mustaqil  ish. 
Mashg’ulot epidemiologiya kafedrasida o’tkaziladi. 
3.Ushbu mavzuni o’tgach talaba quyidagilarni bilishi kerak: 
3.1.  Aholining  yuqumli  kasalliklar  bilan  kasallanishida  salmonellyozlarning 
o’rni. 
3.2. Salmonella tifimurium gospital shtammining o’ziga xos xususiyatlari va 
salmonellyozlar qo’zg’atuvchilarining turlari. 
3.3.  Salmonellyozlarning  sporadik  va  guruh-guruh  bo’lib  kasallanishida 
epidemik  jarayon  rivojlanishi  mexanizmi  va  namoyon  bo’lishining  o’ziga  xos 
xususiyatlari. 
3.4.  Salmonellyozlarning  antroponoz  va  zooantroponoz  shaklda  tarqalishi  va 
ularda epidemik jarayonning o’ziga xos xususiyatlari. 
3.5.  Salmonellyozlarning  yosh  bolalar  orasida  tarqalishida  epidemik 
jarayonning o’ziga xos xususiyatlari. 
3.6. Epidemiyaga qarshi chora-tadbirlarning samaradorligi. 
3.7. Epidemiologik nazoratni tashkil etish. 
4. Talaba mashg’ulot davrida quyidagilarni o’rganishi kerak: 
4.1.  Salmonellyozlarning  sporadik  va  guruh-guruh  bo’lib  kasallanishida 
epidemik jarayon rivojlanishini baholash, uning rivojlanish shart-sharoitlarini ocha 
bilish. 
4.2.     Salmonellyozlarning    epidemik     o’choqlarida    epidemiyaga qarshi 
chora-tadbirlarni tashkil etish va o’tkazish.  
5. Mashg’ulotni o’tkazish rejasi. 
5.1.  Kirish,  mashg’ulot  maqsadini  tuShuntirish  va  mavzu  ma’nosini  anglab 
olish. 
5.2. Talabalarning Shu mavzu yuzasidan bazis bilimini aniqlash. 
5.3.  Salmonellyozlarning  epidemiologiyasiga  taalluqli  savollarni  muhokama 
qilish. 
5.4. 
Salmonellyozlar 
tarqalishida 
hayvonlarning 
va 
odamlarning 
epidemiologik ahamiyati. 
5.5.   Salmonellyozlarning   yuqish   yo’llari   va   mexanizmi,   oziq-ovqat va 
maishiy-muloqot yuqish yo’llarini tavsifi. 
5.6.  Salmonellyozlar  bilan  kasallanishning  ko’p  yillik  va  bir  yillik 
dinamikasining  o’ziga  xos  xususiyatlari,  salmonellyozlar  bilan  kasallanishning 
aholi guruhlari orasida tarqalganligi. 
5.7. Salmonellyozlarda epidemiyaga qarshi va profilaktik chora-tadbirlar. 
5.8. Salmonellyozlarda epidemiologik nazoratning mazmuni. 
5.9. Holatiy masalalarni yechish. 
5.10. O’tkazilgan mashg’ulotning o’zlashtirilganligini tekshirish. 
5.11. Keyingi mashg’ulotga vazifa berish. 

 
130 
6. Talabalarning mustaqil ishi. 
6.1. Mavzu bo’yicha tavsiya qilingan adabiyotlarni o’rganish. 
6.2. Axborot uchun materiallarini o’rganish. 
6.3. Mavzuga tegishli masalalarni yechish. 
6.4.Salmonellyozlarning epidemiologik nazorati sxemasini tuzish.  
7. Tavsiya etilgan adabiyotlar: 
7.1. Belyakov V.D., Yafaev R.X. Epidemiologiya M. 1989 y. 382-386 bet. 
7.2.  Salmonellyoz  pod.red.  Pokrovskogo  V.I.,  Kilesso  V.D.  i  dr.  Toshkent 
1989 y. 
7.3. Salmonellyoz Usmanov M.K., Mirtazaev O.M. Toshkent 1991 y. 
7.4.  O.M.Mirtazaev.  "Salmonellyozlar  va  ularning  oldini  olish".  Toshkent 
1993. Ibn Sino nashriyoti. 
7.5. Ma’ruza "Salmonellyozlarning epidemiologiyasi va profilaktikasi". 
7.6. O’zbekiston Respublikasi Sog’liqni saqlash vazirligi 1993y. 06.10. 491- 
buyrug’i  "O’zbekiston  Respublikasida  salmonellyoz  kasalliklarini  oldini  olish 
chora-tadbirlari haqida". 
7.7. SanPiN 0005-95 "Sanitarno-protivoepidemicheskie pravila ispolzueme v 
epidemiologicheskom nadzore za salmonellyozami".