Одил судлов. Ҳуқуқ-тартиботни муҳофаза қилиш. Адлия / Маъмурий жавобгарлик]

324²⁵-модда. Назорат инстанцияси судининг қарори
Назорат инстанцияси судининг қарорида қуйидагилар кўрсатилиши керак:
1) қарор қабул қилган суднинг номи ва таркиби;
2) қарор қабул қилинган сана ва жой;
3) қарор қабул қилинган иш;
4) назорат шикоятини (протестини) берган шахснинг номи (фамилияси, исми, отасининг исми);
5) устидан шикоят қилинаётган суд ҳужжатларининг мазмуни;
6) назорат шикоятини (протестини) кўриш натижалари бўйича суд хулосалари;
7) назорат инстанцияси суди қайси сабабларга кўра ўз хулосаларига келган бўлса, ўша сабаблар ва ўзи амал қилган қонунларга ҳамда бошқа қонун ҳужжатларига ҳавола.
Ўзбекистон Республикаси Олий судининг маъмурий ишлар бўйича судлов ҳайъатининг қарори суднинг бутун таркиби томонидан имзоланади.
Ўзбекистон Республикаси Олий суди Раёсатининг қарори Раёсат мажлисида раислик қилувчи томонидан имзоланади.
Назорат инстанцияси судининг қарори у қабул қилинган кундан эътиборан қонуний кучга киради.
324²⁶-модда. Назорат инстанцияси суди кўрсатмаларининг мажбурийлиги
Назорат инстанцияси судининг суд ҳужжатини бекор қилиш тўғрисидаги қарорида баён этилган кўрсатмалари мазкур ишни янгидан кўраётган суд учун мажбурийдир.
Назорат инстанцияси суди қарорда аниқланмаган ёки рад этилган ҳолатларни аниқлашга ёхуд исботланган деб ҳисоблашга, у ёки бу далилнинг тўғрилиги ёки нотўғрилиги, бир далилнинг бошқаларидан устунлиги, ишни янгидан кўришда қайси суд ҳужжати қабул қилиниши кераклиги тўғрисидаги масалаларни олдиндан ҳал этишга ҳақли эмас.
3-§. Қонуний кучга кирган суд ҳужжатларини янги очилган ҳолатлар бўйича қайта кўриш юзасидан иш юритиш
324²⁷-модда. Суднинг қонуний кучга кирган суд ҳужжатини янги очилган ҳолатлар бўйича қайта кўриш ҳуқуқи
Маъмурий суд ўзи чиқарган ҳамда қонуний кучга кирган суд ҳужжатини ушбу параграфда назарда тутилган асосларга кўра ва тартибда янги очилган ҳолатлар бўйича қайта кўриши мумкин.