Omirtqa bag’anasi yarim shig’iwi ha’m shig’iwi sebepleri, klinik ko’rnisi?

11. Sannin’ tuwma yarim ha’m toliq shig’iwin emlew
San súyegi tuwma shıǵıwın bala ómiriniń dáslepki háptelerinde emlew. Emlewdi tuwıw úyinen baslaw kerek. Keń qundaqlawdı bala shıǵıp ketemen degenshe anaǵa úyretiledi. Keń qundaqlaw ushın eki pelyonkanı sonday búklew kerek, eni 20 sm bolǵan dastıqsha payda bolsın. Ol dize hám jambas-san súyegi buwınları búgilgen hám de 60—80qa kerilgen ayaqlar arasına qoyıladı. Sol halatta bala ayaǵı úshinshi pelyonkan menen bekkem baylanadı. Poliklinikada bala ortoped qadaǵalawında dispanser esabına alınıp, ana emlewshi dene tárbiya shınıǵıwların islewge úyretiledi. Emlewshi dene tárbiya shınıǵıwları tiykarınan ayaqtı keriwge mólsherlengen. Shınıǵıw kúnine 6—7 ret ayaqtıń jambas-san hám dize buwınları búklengen túrdegi orınlanadı. Hár seansta 15—20 shınıǵıw islenedi. San súyegi tuwma shıqqanda emlew bala ómiriniń dáslepki háptelerinen shina qoyıw menen baslanadı. Onıń ushın OTOI (265-súwret), Vilenskiy (266-súwret), Volkov (267-súwret) shinalarınan paydalanıladı. Bir jastan úlken balalarda san súyegi tuwma shıǵıwın emlew. Bala júrip ketkennen keyin ádettegidey ayaqtı keriw jolı menen san súyegi basshasın ornına salıp bolmaydı. Burın sonday jaǵdaylarda narkoz astında Lorenc usılı menen bassha ornına salınıp, keyninen gipsli baylam qoyılatuǵın edi. Biraq bul jol menen emlew san súyegi basshasınıń aseptik nekrozi, buwınlar kontrakturası sıyaqlı asqınıwlarǵa alıp kelgenligi ushın bul usıldan bas tartıladı.
Tuwma shıqqan san súyegi basshasın Ilizarov apparatı járdeminde áste-aqırın tartıp, jambas oyıqshasına salıw jaqsı nátiyje beredi. Bunıń ushın san súyeginiń distal metadiafizinen narkoz astında bir-birine múyesh astında 2 kegey ótkerilip, Ilizarov apparatınıń halqasına bekkemlenedi. Saw ayaqqa hám bel belbewine qarsı tayansh noqatı wazıypasın orınlawshı gipsli baylam qoyıladı. Ayaqlar 20—25qa keriledi. Kesel ayaq ishke 25—30qa burıladı. Bul bolsa san súyegi antetorsiyasın joǵaltadı. 2 sutkadan keyin tómenge tartıw baslanadı (sutkasına 2—3 mm den). Tarta baslaǵannan ornına túskenge shekem 4 hápte kerek. Bassha buwınǵa túskennen keyin apparat 2 hápte dawamında buwındı tınısh hám jeńil halatta uslap turıwı kerek. Keyin apparat sheshilip, ayaq funkcional gipsli baylam járdeminde Lorenc usınıs etken halatta boladı.