Ona tili va bolalar adabiyoti

Savollar:
1. O‘zlik olmoshi deganda nimani tushunasiz? 
2. O‘zlik olmoshi necha xil holatda qo‘llanadi? 
3. O‘zlik olmoshi ot oldidan o‘zgarmay qo‘llanganda qanday ma’noni bil-
diradi? 
4. O‘zlik olmoshi egalik qo‘shimchasini olib kelganda qanday ma’noni ifo-
dalaydi? 
284-mashq. Berilgan gaplardan so‘roq olmoshlarini topib, nima haqida so‘roq 
bildirishini ayting. 
1. Rafiq, nayni kim chaldi? – Yo‘lchi akam. – A! Rostdanmi? Alda-
ma! (Oybek) 2. – Mana bu nima? – Abu Nasr tokchadan barglari mayda 
quruq o‘tni olib ko‘rsatdi. – Za’far – Anixus. (M. Osim) 3. Ko‘zingizni 

---

133 
oching, otajon, qachon sizni ranjitdim, qachon?(E. Rahim) 4. Nega o‘rta 
asrlarda tabiiy fanlar jahonni hayratga solarli darajada taraqqiy etib, 
Beruniy, Xorazmiy, Ibn Sino kabi allomalar yetishib chiqdi? (S. Karo-
matov) 5. Toza sharmanda bo‘ldik. Besh-olti yilga kestirib yuborsa, 
seni qanday qilib qutqarib olamiz? (P. Tursun) 6. Nima uchun devor-
larga gilam qoqmadinglar?(M. Ismoiliy) 7. Qanday beda deng, bog‘i 
quchoqqa sig‘maydi. (Oybek) 
8. Nima bu, qanday tumor,
Do‘ppi ichra chatilgan? (G‘. G‘ulom) 
9. – O‘ho‘! – dedi Turdiyev deraza ko‘zlarini ko‘rib. – Bularga loyiq 
oynani qayerdan topaman. (I. Rahim) 10. Doyacha kim, aqiqaga nechta 
qo‘y kerak, nechanchi kunda to‘y o‘tkaziladir? (A. Qodiriy) 11. O‘tgan 
yillar mobaynida g‘isht orqasidan qancha daromad qilgansiz?(S. Ah-
mad) 12. Qizing qani, dedim. «Uyda edi, qayoqqa borardi», dedi. U 
yoqni qaradik, bu yoqni qaradik, yo‘q. Shu qorong‘ida qayoqqa boradi? 
(Oybek) 13. – Ha, Bo‘taboy aka, bemahalda nima qilib yuribsiz? Tinch-
likmi? – Tinchlik, – dedi Bo‘taboy. (A. Qahhor) 14. – Hay-hay, sizga 
nima bo‘ldi ? – dedi Me’mor yugurib borib. (Mirmuhsin)