O‘quv materiallari: a Ma’ruza matnlari

7-bosqich. Ta‘lim jarayonini loyihalashtirishning yettinchi bosqichida tahsil 
oluvchilarning umumiy faoliyatlarini nazorat qilish va test tizimini ishlab chiqish kabi 
vazifalar amalga oshiriladi. 
Nazariy va amaliy jihatdan to‘g‘ri bo‘lgan test tizimining ishlab chiqilishi tahsil 
oluvchilarning mavzu (faoliyat mazmuni) yuzasidan muayyan tushunchalarni 
o‘zlashtirish, shuningdek, amaliy ko‘nikma va malakalarni shakllantira olganlik 
darajalarini aniq va holis aniqlay olish imkonini beradi. Test tizimini ishlab chiqishda 
testlarning izchil, uzviy hamda bir-biri bilan uyg‘un bo‘lishlariga ahamiyat berish 
maqsadga muvofiqdir. 
8-bosqich. Ta‘lim jarayonini loyihalashning so‘nggi bosqichi yaratilgan loyiha 
(andoza)ning ta‘lim jarayoniga tadbiq etilishi, ta‘lim jarayonining yakuniy darajasi 
(amaradorligi)ni o‘rganish bilan nihoyatlanadi. 
Mazkur bosqichda ta‘lim jarayonining umumiy ahvoli, erishilgan yutuq hamda yo‘l 
qo‘yilgan kamqiliklar, ularning yuzaga kelish sabablari tahlil etiladi, navbatdagi 
mashg‘ulotlar jarayonida sodir bo‘lgan kamchiliklarning oldini olishga qaratilgan 
chora-tadbirlar belgilanadi. Bildirilgan fikrlardan anglaganidek, har bir bosqichdag 
amalga oshirilayotgan vazifalar o‘rtasida muayyan izchillik mavjud bo‘lib, u ta‘lim 
jarayonini samarali tashkil etsh imkonini beradi. 
Ta‘lim jarayonini loyihalashda har bir holatning puxta bajarilishiga erishish amaliy 
faoliyat (o‘quv jarayoni)ning muvaffaqiyatini ta‘minlashga olib keladi. 
Mustaqil ishla uchun savol va topshriqlar: 
1. 
Pedagogik jarayonni loyihalashda qanday vazifalar bajariladi? 

---

51 
2. 
Pedagogik tashxis nima, uning turlarini ayting. 
3. 
Pedagogik jarayonni loyihalashda qanday tamoyillarga asoslaniladi? 
4. 
Loyihalashda ta'lim jarayonining qanday qonuniyatlari hisobga olinadi? 
5. 
Ta'lim jarayoniga texnologik yondashuv qanday tarkibiy qismlarni o'z ichiga 
oladi? 
6. 
Pedagogik jarayonni loyihalashning nechta bosqichi bor? Ularni ayting.