O‘quv qo‘llanma

Ikki 
sharif 
haram 
hojisi 
Imomqulixon 
saltanat taxtiga 
Valimuhammadxondan 
so‘ng 
o‘tirdi. 
Xonning 
hazrat 
padari 
buzurgvorimizga nisbatan e’tibori, yaqinligi va niyozmandligi kundan 
kunga oshib, a’lo darajaga etdi va singlisi Poyandasultonxonimni hazrat 
eshonga berdi. Buxorodan Pirmast hazorasini va G‘uzordan Dehinavni, 
shuningdek, shunqor, to‘qqizta italgu va uchorchini Mirzo Mirak 
Sug‘duvoniy bilan birgalikda hazrat padari buzurgvorimizga in’om qildi. 

---

299 
Yana yigirma ming xoniy mablag‘, tuyalar, xachirlar, farroshxona va 
bovarchixona asbob-anjomlarini berdi. Bu paytda hazrat padari 
buzurgvorimiz turna ovida edi va bu in’omlarni keltirgan kishilarga naqd 
mablag‘, egarlangan ot va sarpolar hadya qildi. Xususan, Mirak 
mirshikorga naqd mablag‘, egarlangan ot, sarpo, bir necha tuya va qush 
anjomlari: gilam, namat, mis qozon va tovoq in’om etdi.
Xonning davlati zamonida u oliy majlislar, bayramlar va 
ma’rakalarga hazrat padari buzurgvorimizni to‘la izzat bilan taklif qilardi. 
Hazrat eshon uzoqdan ko‘ringanda, xon o‘z joyidan turib, uyning 
ostonasigacha borib, hurmat-ehtirom bilan o‘ng qo‘l tarafda namat yostiq 
va baxmal ko‘rpalar qo‘yib, alohida hozirlangan joyga o‘tirg‘izardi. 
Shundan so‘ng o‘zi joyiga borib o‘tirar va aql qulog‘ini hazrat padari 
buzurgvorimiz tarafga qaratib, uning pandu nasihatlaridan bahramand 
bo‘lardi. Taom kiritilganda avvalo hazrat eshon oldiga dasturxon yozilar va 
shundan so‘ng xonning oldiga taom qo‘yishardi. Hazrat padari 
buzurgvorimiz turganida xon uy tashqarisigacha kuzatib ko‘yardi. 
Imomqulixon Movarounnahrda Valimuhammadxondan keyin o‘ttiz 
uch yil podsholik qildi, xutba va tanga uning nomidan edi. Xonning ko‘zi 
ko‘r bo‘lib qolgach, ikki haram sari otlanib, ziyoratdan so‘ng bir ming ellik 
ikkinchi yilda vafot etdi va [Madinadagi] Baqi’da dafn qilindi.