Oshkent davlat transport universiteti

PARDOZLASH ISHLARINI BAJARISH TEXNOLOGIYASI VA MEXANIZATSIYASI

4.1 Pardozlash ishlarini tarkibi va ketma-ketligi
Pardozlash ishlari yer polotnosini ko’tarish ishlari tugashi bilan orada tanaffus qoldirmagan holda bajariladi. Pardozlash ishlari tarkibiga quyidagilar kiradi:

• 
  asosiy maydonchaning suv oquvchi prizmasini tekislash;
  
• 
  yer polotnosi qiyaliklarni tekislash;
  
• 
  kyuvetlarni qazish.
  

Kurs ishida bayon etilganlarga muvofiq pardozlash ishlari hajmlarini aniqlash va ularni bajarish usullarini tanlab olish, ishchi kuchi, mashinalarga bo’lgan ehtiyojni hisoblab topish va pardozlash ishlarini bajarish muddatini bеlgilab olish kеrak bo’ladi.
Asosiy maydonchaning suv oquvchi prizmasini tekislash otvali avtomatik tarzda boshqariladigan avtogrеydеr yordamida, 6-razryad mashinisti, ikki 3-razryadli ishchi tarkibidagi brigada bilan bajarish tavsiya etiladi.
O’yma va ko’tarma qiyaligini tekislashda avtogreyderlar, buldozerlar yoki universal ekskavatorlar, ekskavator-draglayn mashinalarini qabul qilib bajarish mumkin. Avtogreyderlar 3,5 m gacha bo’lgan qiyaliklarni tekislashda qo’llaniladi.
Kyuvetlarni o’ymalarda barpo etish ishlari kyuvet qozivchi ЭTУ -354, ЭTУ – 353 mashinalar, ЭO – 4010, ЭО – 3332 universal ekskavator-tekislovchilar yordamida bajarish tavsiya etiladi. Kyuvetlardan grunt buldozer yoki avtogreyder yordamida chiqarilib, asosiy maydonchaga yoki avtosamosvallarda xandaqqa ko’chiriladi. Mashinalar komplekti birinchi usulda quyidagilardan tashkil topgan: kyuvet qozivchi yoki ekskavator-tekislovchi vа buldozer; ikkinchi usulda – kyuvet qazuvchi yoki ekskavator-tekislovchi va ikkita avtosamosval. Brigada tarkibi asosiy maydonchaga ko’chirishda: 6-chi razryadli kyuvet qazish mashinaning mashinisti yoki ekskavator-tekislovchi mashinisti, 5-chi razryadli kyuvet qazish mashina mashinistining yordamchisi; хаndaqqa tashishda: 6-chi razryadli buldozer mashinisti, avtosamosval hаydovchilari – ikki kishi.