О‘simlikshunoslik kafedrasi о‘simlikshunoslik

Birinchi guruh donli о‘simliklarning barg tilchasi va barg
quloqchalarining tuzilishi.

Barg qismlari	Bug‘doy	Javdar	Arpa	Suli
Tilchasi, Quloqchalari	kalta ozroq konussimon mayda, aniq ifodalangan kо‘pincha kiprikchalari bо‘ladi.	kalta mayda kiprikchalar bо‘lmaydi, barvaqt qurib qoladi yoki tushib ketadi	kalta juda yirik,shox simon shaklda, kiprikchalari bо‘lmaydi, kо‘pincha bir birining tagiga uchma-uch kirib turadi	Juda rivojlangan, cheti tishchali quloqcha- lari bо‘lmaydi

Gultо‘plam . Donli о‘simliklarning gultо‘plami

• 
  bug‘doy, arpa, javdarda - boshoq
  
• 
  suli, jо‘xori, tariq, sholida rо‘vak
  
• 
  makkajо‘xorida esa gultо‘plam ikki xil; rо‘vak (otalik gultо‘plami) va sо‘ta (onalik gultо‘plami) bо‘ladi
  

Boshoqning tuzilishi. Boshoqli gultо‘plam, boshoq о‘qidan iborat bо‘lib, bu о‘simlik poyasining davomi hisoblanadi. Boshoq о‘qi tо‘g‘ri va bukilgan shaklga ega. Boshoq о‘qi bо‘g‘inchalar hosil qiladi, bо‘g‘inchalarda ustunchalar bо‘lib har bir ustunchada boshoqchalar joylashadi. Boshoq о‘qining har bir ustunchasida bug‘doyda, javdarda bittadan boshoqcha, arpada esa uchtadan boshoqcha о‘tiradi.
Boshoqcha - Har bir boshoqcha ikki tomonida bittadan ikkita boshoqcha qobig‘iga ega. Boshoqcha qobiqlarining orasida gullar joylashgan bо‘ladi. Bug‘doy boshoqchasi kо‘pgulli, boshoqcha qobiqlari orasida 2 tadan 5 tagacha gul joylashgan bо‘ladi. Javdarda 2-3 ta, arpada esa bitta boshoqchada bitta gul joylashadi.
Gul ikkita tashqi va ichki gul qobig‘iga ega. Tashqi gul qobig‘i yaxshi rivojlangan bо‘lib, qayiqcha shakliga ega bо‘lib, boshoqcha qobig‘i tomonida joylashgan. Bu gul qobiq donli о‘simliklarning qiltiqli shakllarida va navlarida qiltiq bilan tugallanadi. Bu qiltiqlar fotosintez nafas olish transpiratsiya jarayonlarida ma’lum rolni о‘ynaydilar.
Gul qobiqlarining orasida gulning generativ qismlari: tuguncha ikkita patsimon onalik va uchta otalik (faqat sholida 6 ta) joylashgan. Tuguncha bir uylik bо‘lib, uning ostki qismida ikkita mayin qobiq joylashgan, ular lodikule deb ataladi. Lodikule о‘ziga nam olib bо‘rtishi natijasida gul ochiladi.