O„zbek tili va adabiyoti fakulteti o„zbek tili va uni o„qitish uslubiyati kafedrasi

Nasihatnoma 

Bir ish bilan boshqa yerga ketib, u yerda bir necha vaqt turib qolgan bir ota 

o„z o„g„liga shu nasihatomuz maktubni yo„llaydi: 

“Sevikli o„g„lim! 

Vijdonning lavhasini insof, adolat gavhari birlan bezat, chunki insof, adolat 

insoniyat olamining porloq quyoshidir. Bu quyoshdan fayz olgan odamlar 

baxtiyordirlar. 

Belimning quvvati, o„g„lim! 

Qalbing oynasini yoshlik g„ururi birlan nurposh et, xoinlik, g„arazlik kabi 

behuda be‟maniliklar chang-g„ubori ila xira qilma. Agar shunday be‟maniliklarni 

qilsang, insoniy vazifangni suiiste‟mol qilgan bo„lasan va jamiyat qoshida 

mas‟uldirsan. 

Ko„zimning nuri! 

Davlat va xalq qoshida izzatli va obro„li bo„lishni istasang, jamiyat tomonidan 

senga berilgan vazifani chin ixlos bilan bajarg„il, vazifashunos bo„lg„il. Vazifasini 

tanimagan, ado qilmagan odamlar sharmanda, sharmisor va nafratga 

sazovardirlar. 

Ko„zimning qorachig„i! 

Senga jonidan ham ortiq muhabbati bo„lgan otangning rizosi va qalbining 

xush bo„lishi sening zulm, jabr va adolatsizlikdan saqlanishing bilan hosil 

bo„lg„ay. Angla, o„g„lim, jabr, zulm, adolatsizlik yashinga o„xshash bo„lib, 

tushgan joylarini yangidan ta‟mir qilish mumkin bo„lmagan darajada yoqib, 

yondirib, parishon qiladir. Sening asl zotingda bo„lgan poklik, oliyjanoblik o„tkir 

zaharli yaramas hislarga yo„l qo„ymaydi, deb ishonaman. Doimo, adolatli, 

muloyim, tavozeli, shavqatli bo„l. 

---

67

Hayotim sarmoyasi! 

Shu kunlarda o„z tengdoshlaring bilan urishib, ba‟zi vaqtda hatto 

yoqalashganingni eshitib, ko„nglim parishon bo„ldi. Bilaman, sen arslon kabi 

kuch-quvvatga ega bo„lgan yigitsan. Qahramonlik faqat kuch-quvvatni iste‟mol 

qilishda emas qahru-g„azabni yutishdadir. Jon o„g„lim, qahru g„azabli bo„lma, 

muloyim, shavqatli va marhamatli bo„l. Go„zal hislatlaring bilangina hammani 

o„zingga rom aylaysan, senga ozor berganlarni xushmuomalang bilan 

uyaltirasan. 

Senga uzoq umr, baxt-saodat tilab, so„zimni tamom qilaman, aziz o„g„lim ”. 
( “Donolar o„giti” kitobi) 
Bu matnda belimning quvvati, ko„zimning nuri, ko„zimning qorachig„i, hayotim 

sarmoyasi kabi tasviriy ifodalar qatnashgan bo„lib, hammasining ma‟nosi farzand 
so„ziga teng keladi. 
Darsni mustahkamlab bo„lgach, darsda faol qatnashgan o„quvchilar baholanadi.
Keyin 548-mashq uyga vazifa qilib beriladi.