O’zbekiston Respublikasi Markaziy Davlat arxivining tarixi va bugungi faoliyati

Turkiston general-gubernatori devonxonasi, Turkiston general gubernatoriga qarashli amaldori, Buxorodagi Rossiya siyosiy agentligi fondlarida Rossiyaning G’arbiy Xitoy, Afg’oniston, Buxoro, Xiva, Eron bilan bo’lgan iqtisodiy aloqalari haqidagi materiallari to’plangan. Turkiston general-gubernatorining O’rta Osiyo hokimiyatlari bilan tuzilgan shartnomalari, O’rta Osiyoning Rossiyaga biriktirilishi tarixi to’g’risida, Rus qo’shinlari Kuld-jin tumanini egallashi (1871 yil) va uni Xitoyga (1881 yil) qaytarilishi, Pomirni Rossiyaga biriktirilishi (1895 yil), Turkistonga qo’Shni bo’lgan davlatlarning siyosiy va iqtisodiy hayotiga oid hujjatlar mavjud.

O’zbekiston Respublikasi Markaziy Davlat arxivining bugungi faoliyati

O’zbekiston Respublikasi Markaziy davlat arxivi respublika ahamiyatidagi tashkilot hisoblanadi va O’zbekiston Respublikasi Vazirlar Maxkamasi huzuridagi «O’zarxiv» Agentligiga bo’ysunadi. Arxiv O’zbekiston Respublikasi Vazirlar Maxkamasi tomonidan tashkil etiladi va tugatiladi.

O’zbekiston Respublikasi Markaziy Davlat arxivining bugungi faoliyati

O’zbekiston Respublikasi MDA o’z faoliyatida O’zbekiston Respublikasi Konstitutsiyasiga, O’zbekiston Respublikasi qonunlariga, O’zbekiston Respublikasi Oliy Majlisining qarorlariga, O’zbekiston Respublikasi Prezidentining farmonlari va farmoyishlariga, O’zbekiston Respublikasi Vazirlar Maxkamasi huzuridagi «O’zarxiv» Agentligi yo’riqnomalari, qoidalari va ko’rsatmalariga amal qiladi.

O’zbekiston Respublikasi MDAning asosiy vazifalari

• arxiv yo’nalishi bo’yicha hujjatlar bilan jamlash;
• arxivning hisobga olish tizimi va ilmiy-ma’lumot apparatini rivojlantirish va takomillashtirish;
• arxivda saqlanayotgan O’zbekiston Respublikasi Milliy arxiv fondi hujjatlari saqlovini ta’minlash;
• arxivning axborot bazasini kengaytirish;
• hujjatlardan har tomonlama foydalanish va ularni nashr qilishni tashkil etish;
• arxivshunoslik, hujjatshunoslik, arxeografiya sohalarida ilmiy-tadqiqot ishlar olib borish;
• o’z yo’nalishi bo’yicha hujjatlar bilan ishlashda ilmiy-uslubiy va amaliy yordam ko’rsatish.