Oʻzbekiston respublikasi oliy va oʻrta maxsus ta’lim vazirligi andijon mashinasozlik instituti

Birinchi qism — kadrlar muammosini aniqlash. Bu — ishlab chiqarish uchun kadrlar ta’minoti boʻyicha nima talab qilinadi, degan savolga javob izlash kerak boʻladi. Ishlab chiqarish dasturlarining hajmi hamda firmaning tashkiliy tizimi (xoʻjalik strategiyasini amalga oshirishi kerak boʻlgan boʻlimlar) talab etilayotgan ishchi kuchi miqdorini (faoliyatning har bir turi, ijtimoiy majburiyatlar va hokazolar boʻyicha mehnat sarfi hajmini hisob-kitob qilish asosida) va uning sifatini (bilim, tajriba, koʻnikma darajasi) aniqlaydi.
Ikkinchi qism (resursli) — muammoni hal etish manbalaridir. Bu hal qiluvchi boʻg’in hisoblanadi. Bu masalada nima mavjud hamda nima zarurligi uchun nima etishmaydi, degan savolga javob berilishi kerak. Boshqacha aytganda, ushbu qismda korxona kadrlari resurslarini baholashning bir qancha yoʻnalishlari oʻz aksini topgan.
Uchinchi qism — muammoni hal etishdir. Unda qoʻyilgan barcha savollarga javob boʻladi. Ya’ni mavjud resurslarni hisobga olgan holda ishlab chiqarish talablarini amalga oshirish ishga yollash, ishga koʻniktirish, tayyorlash va malaka oshirish, martaba (lavozimda vertikal va gorizontal siljitish), ishdan boʻshatish boʻyicha dasturlar yaratiladi.
Kadrlarni rejalashtirish yoʻnalishi, hal qilinadigan vazifalar jihatlari va rejalash davrining davomiyligiga qarab, rejalashtirish quyidagi uch turga boʻlinadi:

1. 
   strategik, istiqbolli (uzoq muddatli) rejalashtirish (3 yildan 10 yilgacha);
   

1. 
   oʻrta muddatli rejalashtirish (1 yildan 3 yilgacha);
   

2. 
   qisqa muddatli, joriy rejalashtirish (1 yilgacha).
   Kadrlar bilan ishlash doirasida hal etiladigan vazifalarning xilma-xilligi kadrlarni rejalashtirishning quyidagi turlarini keltirib chiqaradi:
   

• 
  kadrlarga ehtiyojni rejalashtirish;
  
• 
  kadrlarni jalb etish (ishga qabul qilish)ni rejalashtirish;
  
• 
  kadrlardan foydalanish va uni qisqartirishni rejalashtirish;
  
• 
  kadrlarni oʻqitishni rejalashtirish;
  
• 
  kadrlar tarkibini saqlab qolishni rejalashtirish;
  
• 
  kadrlarga sarf-xarajatni rejalashtirish;
  
• 
  mehnat unumdorligini rejalashtirish.