Sariyog’ plazmasining kislotaliligini aniqlash.
Sariyog’dan oldindan plazma ajratib olinadi. Buning uchun 100 grammga yaqin sariyog’ stakanga solinadi va suv hammomida yoki termostat jihozida 50-60 0S haroratda eritiladi. Erigan yog’ yuza qismga qalqib chiqqach, u tindiriladi va pipetka yordamida plazma ajratib olinadi.
Plazmani eritmani tsentrifugalash orqali ham ajratib olish mumkin. Bunda 40 grammga yaqin sariyog’ shisha probirkaga o’lchab olinadi va og’zi yaxshilab bekitilib, tsentrifuga jihozida 10 minut tsentrifugalanadi. Yuzaga qalqib chiqqan yog plazmasi pipetka yordamida ajratib olinadi.
100 ml-li konussimon kolbaga ajratib olingan plazmadan 5 gramm o’lchab olinadi. Ustiga 10 ml suv qo’shib aralashtiriladi va 3 tomchi fenolftalein eritmasidan tomizib, ishqorning 0,1 normalli eritmasi bilan titrlanadi.
Hisob. Titrlash uchun ketgan ishqor eritmasining miqdori 20 ga ko’paytirib sariyog’ plazmasining kislotaliligi topiladi. Plazmaning kislotaliligi gradus Ternerda ifodalanadi.
Kerakli jihoz va reaktivlar: Texnik tarozi, 50-100 ml-li kimyoviy stakanlar, ishqor eritmasi uchun titrlash qurilmasi, 25 ml-li o’lchov tsilindri, tomizg’ich, shisha tayoqcha, 0,1 normalli ishqor, fenolftaleinning 1 % li spirtli eritmasi.
Sariyog’ tarkibidagi yog miqdorini hisoblashlar
Sariyog’ tarkibidagi yog miqdori quyidagi ifoda orqali topiladi:
Havasga tayyorlangan sariyog’ uchun:
X= 100- (V+S)
Tuzli sariyog’ uchun:
X= 100- (V+S+Sl)
Bunda,
V- sariyog’ tarkibidagi suv miqdori, %
S- sariyog’ tarkibidagi quruq moddalar miqdori, %
S- sariyog’ tarkibidagi yogsiz quruq moddalar miqdori, %
AMALIY MASHG’ULOT № 14
Ishni olib borishdan maqsad: Muzqaymoq ishlab chiqarish usullari bilan tanishish.
Ish davomida talabalar quyidagilarni bilishi va bajarishi shart: Muzqaymoq sifatini organoleptik jihatidan aniqlashni bilish.
Do'stlaringiz bilan baham: |
