O’zbekiston respublikasi oliy va o’rta maxsus ta'lim vazirligi jizzax politexnika instituti “qishloq xo’jalik mahsulotlarini qayta ishlash” kafedrasi «sut va go’sht mahsulotlarini saqlash va dastlabki ishlash texnologiyasi»

Ishning mazmuni:

1. 
   Muzqaymoq sifatiga organoleptik jihatdan baho berish.
   
2. 
   Muzqaymoq tarkibidagi yog miqdorini aniqlash.
   
3. 
   Muzqaymoq tarkibidagi namlik va quruq moddalar miqdorini aniqlash.
   
4. 
   Muzqaymoqning kislotaliligini aniqlash.
   

Muzqaymoq sifatiga bo’lgan talab
Ta’m, hid, konsistentsiyasi, rangi va qadoqlanish holatiga qarab muzqaymoqning sifatiga baho beriladi. Muzqaymoqning ta’m va hidi toza, har bir turiga xos bo’lishi lozim. Konsistentsiyasi nafis, butun massasi bo’ylab bir jinsli, zich yog’ va muz donalarisiz bo’lishi kerak. Muzqaymoq rangi ishlab chiqariladigan turiga qarab har xil bo’lishi mumkin.
Muzqaymoqsifatiga organoleptik
jihatdan baho berish.
Organoleptik jihatdan tekshirish sezgi organlari vositasida olib boriladi.
Bu usul bilan muzqaymoqning tashqi ko’rinishi tekshiriladi; uning rangi, ta’mi, hidi va konsistentsiyasi aniqlanadi. Muzqaymoqning sifatiga organoleptik baho 100 balli sistema asosida beriladi. Har bir ko’rsatkich uchun ma’lum miqdor ball beriladi: ta’m va hidga -60 ball, konsistentsiya va strukturasiga -30 ball, rangiga va tashqi ko’rinishiga -5 ball, qadoqlanishiga -5 ball beriladi. Berilgan ballarning soniga qarab muzqaymoqni quyidagi navlarga bo’lish mumkin. 100-96 ball olgan muzqaymoq ekstra nav, 90-95 ball oliy nav, 80-89 ball 1-nav hisoblanadi.


Ishning borishi
Muzqaymoqning tashqi ko’rinishini tekshirish. Muzqaymokga organoleptik jihatdan baho berishda uning tashqi ko’rinishini ko’zdan kechirish bilan boshlanadi. Buning uchun muzqaymok o’ralgan pergament qog’ozining standart talabiga javob berishi tekshiriladi; pergament qog’ozi chetidan muzqaymoqning oqib chiqmagan, deformatsiyalanmagan, qog’ozi yirtilmagan bo’lishi kerak.
Muzqaymoqning rangini aniqlash. muzqaymoqning rangi muzqaymoq turiga qarab oq, sariq, qizil, jigar rang va bir jinsli bo’lishi mumkin.
Muzqaymoqning ta’m va hidini aniqlash. Muzqaymoq ta’mini aniqlashda uni tatib ko’rish orqali ta’m va hidi aniqlanadi.
Muzqaymoq ta’mi shirin, sut mahsulotiga xos hidga ega bo’lib, begona ta’m va hidsiz bo’lishi kerak.
Muzqaymoqning konsistentsiyasini aniqlash. Muzqaymoq konsistentsiyasini aniqlashda uning bir jinsligiga e’tibor beriladi.
Muzqaymoqning konsistentsiyasini aniqlashda uni kesib ko’rib bir jinsliligi kuzatiladi.
Muzqaymoqning konsistentsiyasi 1-2 ⁰S haroratda nafis, muz kristallari butun massasi bo’ylab bir tekisda tarqalgan, bir xil zich konsistentsiyali bo’lishi lozim.