O‘zbekiston respublikasi oliy va o‘rta maxsus ta’lim vazirligi mirzo udug‘bek nomidagi samarqand davlat

Ko‘rsatma idoralarda xabarsifat metodik tusdagi masalalar, shuningdek, buyruqlar, yo‘riqnomalar va boshqa hujjatlarning ijrosi bilan bog‘liq tashkiliy masalalar yuzasidan chiqariladigan huquqiy hujjatlardan biridir. Ko‘rsatmalarga birinchi rahbar, bosh muxadis, ularning o‘rinbosarlari imzo chekish huquqiga ega. Ko‘rsatma muassasaning xos ish qog‘oziga bosiladi, buyruq kabi sarlavha bilan yoziladi, asos (kirish) va farmoyish qismlaridan tarkib topadi. Asos qismida, falon “masalada”, falon “buyruqni bajarish uchun” kabi taomilga kirgan iboralar qo‘llanadi va “YUKLAYMAN”, “TAVSIYA ETAMAN” so‘zlari bilan farmoyish qismi boshlanadi. Muayyan xodimga uning xizmat lavozimi vazifalariga kirmaydigan ishlar yuklatilsa “TAVSIYA ETAMAN” so‘zlari qo‘llanadi. Ko‘rsatmaning farmoyish qismi buyruqnikiga o‘xshash bo‘ladi.
Ko‘rsatma namunasi:

O‘ZBEKISTON OZIQ-OVQAT SANOATI RESPUBLIKA ILMIY ISHLAB CHIQARISH BIRLASHMASI “Asal” qandolatchilik fabrikasi K O‘ R S A T M A 90.20.91 Toshkent sh. № 117 Qiyom sexida yangi uskunalardan foydalanishni yaxshilash haqida “Asal”qandolatchilik fabrikasini qayta jihozlash haqida 1989 yil 15 iyuldagi 107-raqamli buyruqqa binoan fabrikaning 3 ta sexida Germaniya Fedirativ Respublikasidan olingan yangi uskunalar o‘rnatildi. 2 ta sexda – shokolad va iris sexlarida mashinalardan unumli foydalanilmoqda. Lekin qiyom sexida “T-108 KS” mashinalaridan foydalanish yaxshi o‘zlashtirilmagan. SHuning oqibatida ko‘p maxsulotlar chiqitga chiqarilmoqda. SHu munosabat bilan sex boshlig‘i D. A. Raximovaga quyidagilarni YUKLAYMAN: 1. Sexda yangi mashinalar texnologiyasi bo‘yicha 3 oylik o‘qish tashkil qilinsin. 2. May oyida ikki xodimni Germaniya Fedirativ Respublikasiga xizmat safariga jo‘natish uchun aniq tavsiyalar berilsin. 3. Sexni birgada pudrati usuliga o‘tkazish uchun 20 fevralgacha tadbir ishlab chiqib bosh muxandisga topshirilsin. Direktor (imzo) B.I.Olimov

Yo‘riqnoma qonun yoki boshqa normativ hujjatlarni tushuntirish maqsadida chiqariladigan huquqiy hujjatlardan biridir. Bu hujjat muassasa mansabdor shaxs va fuqarolarning tashkiliy, ilmiy-texnikaviy, moliyaviy va boshqa maxsus faoliyat tomonlari xususida tartib-qoida o‘rnatish maqsadida davlat boshqaruv organlari tomonidan chiqariladi va rahbariyat tomonidan tasdiqlanadi.

Yo‘riqnomaning asosiy zaruriy qismlari :
1. Hujjatning eng yuqori qismida joy olaligan tasdiqlash ustxati.
2. Hujjatning sarlavhasi, nomi (YO‘RIQNOMA).
3. Matn (kirish qismi, bo‘limlari, kichik bo‘limlari va h.k.).
4. Yo‘riqnoma tuzuvchining lavozimi, ismi sharifi, uning imzosi.
5. Yo‘riqnoma tuzilgan vaqti (sanasi) va tartib raqami, shartli raqami (indeksi).
Zaruriy qismning 1-raqamida tasdiqlovchi so‘z (“TASDIQLAYMAN”), davlat boshqaruv organi rahbari lavozimi ko‘rsatilgan yozuv, uning imzosi, sanasi bo‘ladi. Masalan,
“TASDIQLAYMAN”
Mirzo Ulug‘bek nomidagi Samarqand davlat
arxitektura-qurilish instituti rektori
. .
(imzo)
2013 yil 15 yanvar

YOki tasdiqlovchi buyruq yoinki yig‘ilish qarorining qaydi (tartib raqami, sanasi) keltiriladi:

O‘zR Fanlar akademiyasi

Hay’ati qarori bilan
tasdiqlangan: