O‘zbekiston respublikasi oliy va o’rta maxsus ta’lim vazirligi muqimiy nomidagi

Glossariy.


Analiz - hodisalarni alohida sifat va xususiyatlarga ajratish, ya’ni o‘rganilayotgan butun bir hodisa yoki jarayonni fikran tarkibiy qismlarga bo‘lish.
Axborotlashtirish - bu ta’lim mazmunini zamonaviy axborotlar bilan boyitish.
Axloq - ijtimoiy ong shakllaridan biri bo‘lib, ijtimoiy munosabatlar va shaxs xatti-harakatini tartibga soluvchi, muayyan jamiyat tomonidan tan olingan, rioya qilinishi zarur bo‘lgan tartib, odob, o‘zaro munosabat, muloqot, xulq-atvor qoidalari, mezonlarining majmui.
Axloqiy ong - ijtimoiy ong shakllaridan biri bo‘lib, jamiyat tomonidan tan olingan va rioya qilinishi zarur bo‘lgan xulq-atvor qoidalari, mezonlari, milliy istiqlol g‘oyasining o‘quvchilar ongida aks etishi.
Baholash -bu bilim, ko‘nikma, malakalarni o‘zlashtirilganlik darajasini aniqlash.
Bilim - tabiatda, jamiyatda, inson ongida amal qiladigan qonuniyatlarning turli belgilar vositasida moddiylashtirilgan ko‘rinishidir.
Boshqaruv - bu tizimni shakllantirish va rivojlantirish maqsadida uni sifatini ta’minlash, tartibga solish uchun ta’sir etishdir.
Darslik - bu aniq soha bo‘yicha fan va madaniyat yutuqlarini zamonaviy darajadagi fan asoslarini tizimli ifodalovchi, ta’lim va tarbiyaning maqsad hamda vazifalariga javob beruvchi kitob.
Dasturlashtirilgan ta’lim - bu o‘qitish va o‘qish faoliyatlarini dasturlashtirishga asoslanganligi bilan xarakterlanib, bunda ta’lim mazmunini sifatli o‘zlashtirilishini, nazorat qiliishini ta’minlovchi dasturlar asosida ta’limni tashkil etishni ifodalaydi.
Didaktika - bu ta’lim uning maqsadi, mazmuni, metodlari, vositalari va tashkiliy shakllari to‘g‘risidagi fan.
Dunyoqarash - inson faoliyati yo‘nalishini aniqlovchi va uning ongida dunyoning umumiy ko‘rinishini ifodalovchi falsafiy, ilmiy, ijtimoiy-siyosiy, axloqiy, estetik qarashlar tizimidir.
Estetik tarbiya - o‘quvchilarda estetik bilim, ko‘nikma, malakalarni shakllantirishni hamda estetik his-tuyg‘u, qiziqish, ehtiyoj, baho berish kabi xislatlarni tarbiyalash masalalarini o‘z ichiga oladi.
Evristik ta’lim - muammoli va rivojlantiruvchi ta’lim prinsiplariga asoslanib, ta’limni o‘quvchilarni o‘qish faoliyatlarini ijodiy tadqiqotchilik izlanuvchanlik asosida tashkil etilishini ifodalaydi. Bunda o‘quvchilarga o‘zlarini namoyish qilish uchun imkoniyatlar yaratiladi.