O„zbekiston respublikasi oliy va o„rta maxsus ta‟lim vazirligi toshkent moliya instituti kredit-iqtisod fakulteti

Tadqiqot predmeti. Bozor munosabatlarining rivojlanishi jarayonida tijorat 
banklari hamda qishloq xo`jaligi sohasidagi o`zaro munosabatlar samaradorligini 
oshirish jarayonlari masalalari ishning predmeti hisoblanadi.

---

9 
Tadqiqot obyekti. Bitiruv malakaviy ishning obyekti bo`lib qishloq 
xo`jaligini sohasi hamda ularni kreditlashni amalga oshiradigan mamlakat tijorat 
banklari hisoblanadi. 
Bitiruv malakaviy ishning maqsadi va vazifalari. O`zbekistonda tijorat 
banklari tomonidan qishloq xo`jaligini kreditlash amaliyotini takomillashtirish va 
bu sohada amalga oshirilayotgan ishlar samaradorligini oshirishning nazariy 
jihatlarini yoritish hamda bu borada taklif va tavsiyalar ishlab chiqishdan iborat. 
Mazkur maqsadni amalga oshirish uchun quyidagi vazifalar belgilandi: 
- O`zbekiston iqtisodiyotida qishloq xo`jaligining tutgan o`rnini o`rganish; 
- Agrar sohani isloh qilishda qishloq xo`jaligi korxonalari bilan tijorat 
banklari o`rtasidagi munosabatlarni rivojlantirish; 
- Tijorat banklari tomonidan qishloq xo`jaligi sohasini kreditlashning 
nazariy hamda huquqiy asoslarini yanada takomillashtirish borasida taklif va 
tavsiyalar ishlab chiqish; 
- Mamlakatni modernizatsiyalash va iqtisodiyotni diversifikatsiyalash 
sharoitida Respublikamiz qishloq xo`jaligi faoliyati faolligini oshirish va bu bilan 
bog`liq masalalarning mazmunini yoritish; 
Mavzuning nazariy-amaliy ahamiyati. Bitiruv malakaviy ishning asosiy 
natijalari qishloq xo`jaligini isloh qilishda va uni yana rivojlantirishda bank 
tizimining o`rni va ahamiyatini yanada oshirish hamda aynan qishloq xo`jaligida 
faoliyat yuritayotgan moliya-kredit institutlari bilan bog`liq bo`lgan lekin hali 
to`liq ishlamayotgan imkoniyatlarini takomllashtirishga qaratilgan. Ushbu 
maqsadlarni amalga oshirishda asosan banklar tomonidan qishloq xo`jaligiga 
ko`rsatilayotgan xizmatlar turlari va sifatini hamda banklarning investitsion 
faolligini oshirish masalalarini hal etishga asos bo`ladigan tavsiyanomalar ishlab 
chiqishga qo`l keladi.