O‘zbekiston respublikasi oliy va o‘rta maxsus ta’lim vazirligi toshkent davlat iqtisodiyot universiteti qalandar abduraxmonov, Samandar qurbonov
O‘zbekiston Respublikasi Vazirlar Mahkamasining 2020-yil 6-
Download 1.97 Mb. Pdf ko'rish
|
П INSON TARAQQIYOTI 2 тахрир булди
O‘zbekiston Respublikasi Vazirlar Mahkamasining 2020-yil 6-
noyabrdagi “Ilmiy darajali kadrlarni tayyorlash jarayonlarining shaffofligini ta’minlash va samaradorligini oshirish chora- tadbirlari to‘g‘risida”gi 696-son qarori bilan oliy ta’limdan keyingi ta’lim va mazkur tizimga raqamli texnologiyalarni keng joriy etish orqali oliy ta’limdan keyingi ta’lim jarayonlarining shaffofligini ta’minlash va samaradorligini oshirish talablari tasdiqlangan. 11.8. Ta’lim sohasiga investitsiyalar Jahonda ta’lim sohasini moliyalashtirishning bir necha modellari mavjud. Ularni umumlashtirgan holda uch guruhga bo‘lish mumkin: 1. Ota–onalarning farzandlarini bolalar bog‘chasida tarbiyalash uchun sarflar bir qismini qoplashga, maktab formasi, darsliklar, o‘quv qurollarini sotib olishga xarajatlari istisno etilganda, davlat ta’lim tizimi barcha bosqichlarini to‘la moliyalashtiradi. Hozirgi davrda sanoqli davlatlargina ushbu model asosida ish ko‘radi. 2. Ta’lim tizimi, asosan, pullik, davlatning sohaga xarajatlari hajmi juda oz. Bunday model XX asrning 60–yillariga qadar qator Afrika mamlakatlariga xos bo‘lib, ularda hatto boshlang‘ich ta’limni moliyalashtirish uchun ham mablag‘ yetishmas edi. 3. Ta’lim tizimini ko‘p manbali moliyalashtirish. Mazkur modelda sohani moliyalashtirish davlat budjeti va xususiy sektor mablag‘lari hisobiga moliyalashtirilishi bilan bir qatorda bunga tashqi manbalarni ham jalb etish ko‘zda tutiladi. Hozirgi davrda jahondagi ko‘pchilik mamlakatlarda ta’lim tizimini moliyalashtirishning, asosan, uchinchi modeliga amal qilinadi. Chunki bunday usulda davlatlar o‘z moliyaviy ahvollaridan 152 kelib chiqqan holda ta’lim tizimini moliyalashtirish manbalarini tez o‘zgartirish imkoniyatiga egadirlar. Shu bilan birga BMT aholining barcha qatlamlari o‘zlarining bilim olish huquqlarini amalga oshira olishlari uchun davlatlarga ta’limning bepul turlarini iloji boricha kengaytirishni tavsiya etadi. Bu e’tiborga olingan holda tobora ko‘proq mamlakatlar maktab ta’limini davlat byudjeti hisobidan moliyalashtirish choralarini ko‘rmoqdalar. Lekin jahon mamlakatlarida oliy o‘quv yurtlarini moliyalash- tirish shakllari turlichadir (11.1-jadval). O‘zbekistonda ta’lim tizimi uchun davlat xarajatlari faqat Markaziy Osiyo mamlakatlaridagiga qaraganda emas, balki Yevropa Ittifoqidagi davlatlarnikidan ham yuqori. Buning obyektiv sabablari bor. Birinchidan, O‘zbekistonda ta’limni rivojlantirish ijtimoiy– iqtisodiy siyosatning ustuvor yo‘nalishi, barqaror iqtisodiy o‘sish va insonni taraqqiy ettirishning bosh omili sifatida belgilangan. Ikkinchidan, O‘zbekiston – yoshlar mamlakati va bevosita chuqur bilimli avlod mamlakatni taraqqiy etgan davlatlar qatoriga olib chiqishga qodir bo‘ladi. Mamlakatda davlat byudjeti mablag‘larining cheklanganligiga qaramasdan, ta’lim sohasini moliyalashtirish yildan-yilga ortib bormoqda. Ta’lim tizimining davlat tomonidan moliyalashtirilishi maqsadli xususiyatga ega ekanligini ham ko‘rsatish lozim. Xususan, Kadrlar tayyorlash milliy dasturi, birinchi navbatda, o‘rta maxsus, kasb-hunar ta’limining prinstip jihatidan mutlaqo yangi tizimini shakllantirish va rivojlantirishga yo‘naltirilgan bo‘lsa, maktab ta’limini rivojlantirish umummilliy davlat dasturi umumiy o‘rta ta’limni tubdan yaxshilashga qaratildi. Mamlakatda ta’lim tizimini davlat byudjetidan moliyalashtirish uch darajalidir: Respublika (markaziy) budjeti. Oliy ta’lim muasssasalari, ularning ta’lim muassasalari va akademik listeylar, shuningdek, xalq ta’limi sohasi xodimlarini tayyorlash va malakasini oshirish minta- qaviy institutlari respublika byudjeti hisobidan moliyalashtiriladi; viloyatlar mahalliy budjetlari. Ulardan kasb-hunar kollejlari va oliy ta’lim muassasalariga qarashli bo‘lmagan akademik listeylar hamda ta’lim muassasalariga kapital quyilmalar moliyalashtiriladi; 153 tuman mahalliy byudjetlari. Ulardan asosan mazkur tumanlar hududlaridagi maktabgacha tarbiya tashkilotlari, ixtisoslashtirilgan va umumta’lim maktablarining joriy xarajatlari moliyalashtiriladi. Download 1.97 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling