O’zbеkiston Rеspublikasi Oliy va o’rta maxsus ta'lim vazirligi
Download 4.51 Kb. Pdf ko'rish
|
|
«Gidrotexnika inshootlarining xavfsizligi to‘g‘risida» gi Qonunning hamda O‘zbekiston
Respublikasi Vazirlar Mahkamasining 1999-yil 20-avgustdagi 398-sonli «Yirik va o‘ta muhim suv xo‘jaligi obyektlarini xavfsiz ishlashi va foydalanish davridagi ishonchliligini oshirish bo‘yicha chora-tadbirlar to‘g‘risida» gi Qarorini qabul qilinishi bilan yana ham dolzarb masalaga aylandi. «Gidrotexnika inshootlarining xavfsizligi to‘g‘risida» gi Qonun 15 moddadan iborat bo‘lib, uning 1-moddasida Qonunning maqsadi yoritilgan, ya’ni gidrotexnika inshootlarini loyihalashtirish, qurish, foydalanishga topshirish, ulardan foydalanish, ularni rekonstruksiya 107 qilish, tiklash, konservatsiyalash va tugatishda xavfsizlikni ta’minlash bo‘yicha faoliyatni amalga oshirishda yuzaga keladigan munosabatlarni tartibga solishdir. Qonunning 2-moddasi «Gidrotexnika inshootlarining xavfsizligi to‘g‘risidagi qonun hujjatlari» va 3-moddasi esa «Asosiy tushunchalar» deb atalib, ularda gidrotexnika inshootlarining xavfsizligi to‘g‘risidagi qonun hujjatlari Qonun va boshqa qonun hujjatlaridan iborat ekanligi, Qonunda esa asosiy tushunchalarga gidrotexnika inshootlari, foyda-lanuvchi tashkilot, favqulodda vaziyat, gidrotexnika inshootlarining xavfsizligi deklaratsiyasi, gidrotexnika inshootining xavfsizligi mezonlari, gidrotexnika inshooti avariyasi xavfining yo‘l quyiladigan darajasi kabilar kirishi belgilab quyilgan va ularga tavsif keltirilgan. Qonunning 4-moddasida O‘zbekiston Respublikasi Vazirlar Mahkamasining gidrotexnika inshootlarining xavfsizligi sohasidagi vakolatlari, 5-moddasida Mahalliy davlat hokimiyati organlarining gidrotexnika inshootlarining xavfsizligi sohasidagi vakolatlari haqida so‘z borsa, 6-modda «Gidrotexnika inshootlarining xavfsizligi ustidan davlat nazorati»ga bag‘ishlangan. Qonunning 7-moddasida gidrotexnika inshootlarining kadastri, 8-moddasida gidrotexnika inshootlarining xavfsizligini ta’minlashga quyiladigan asosiy talablar, 9-moddada gidrotexnika inshootlarining xavfsizligini ta’minlash yuzasidan foydalanuvchi tashkilotning majburiyatlari o‘z ifodasini topgan. Gidrotexnika inshootining xavfsizligi deklaratsiyasi 10-moddada bayon qilingan bo‘lib, unda gidrotexnika inshootini loyihalashtirish, qurish, foydalanishga topshirish, undan foydalanish, uni foydalanishdan chiqarish bosqichlarida, shuningdek, uni rekonstruksiya qilish, kapital ta’mirlash, tiklash yoxud konservatsiyalashdan keyin foydalanuvchi tashkilot gidrotexnika inshootining xavfsizligi deklaratsiyasini tuzish, deklaratsiyani tuzish tartibi haqida so‘z boradi. Gidrotexnika inshootlari xavfsizligi deklaratsiyalarining davlat ekspertizasi Qonunning 11-moddasidan gidrotexnika inshootlarini tekshirish 13-moddada, gidrotexnika inshootlarining xavfsizligini ta’minlashga qaratilgan avariya moddiy-texnika zaxiralarini yaratish va ulardan foydalanish 14-moddada, gidrotexnika inshootlarining xavfsizligi to‘g‘risidagi qonun hujjatlarini buzganlik uchun javobgarlik 15-moddada keltirilgan. «Gidrotexnika inshootlarining xavfsizligi to‘g‘risida» gi O‘zbekiston Respublikasi Qonuni O‘zbekiston Respublikasi Oliy Majlisining 1999-yil 10-avgustdagi Qarori amalga kiritilgan. Mazkur Qarorga ko‘ra «Gidrotexnika inshootlarining xavfsizligi to‘g‘risida» gi O‘zbekiston Respublikasi Qonuni matbuotda e’lon qilingan kundan, ya’ni 1999-yil 20-avgustdan e’tiboran amalga kiritilishi, O‘zbekiston Respublikasi Vazirlar Mahkamasi hukumat qarorlarini «Gidrotexnika inshootlarining xavfsizligi to‘g‘risida» gi Qonunga muvofiqlashtirish, vazirliklar va idoralar mazkur Qonunga zid bo‘lgan o‘z normativ hujjatlarini qayta ko‘rib chiqishlari va bekor qilishlarini ta’minlash belgilab quyildi va ushbu Qonunning barcha moddalari bo‘yicha tegishli ishlar mamlakatimizda izchillik bilan amalga oshirib kelinmoqda. Mamlakatimiz mustaqillikka erishganidan so‘ng iqtisodiyotimizning muhim bo‘g‘inlaridan bo‘lgan qishloq va suv xo‘jaligida katta o‘zgarishlar amalga oshirildi. Bunga Oliy Majlis, O‘zbekiston Respublikasi Prezidenti va hukumati tomonidan qabul qilingan qishloq va suv xo‘jaligiga oid qonunlar, farmonlar hamda qarorlar alohida huquqiy munosabatlarini joriy etib, ko‘p tarmoqli iqtisodiyotni rivojlantirish bilan bog‘liq katta imkoniyatlarni ochib berdi. O‘zbekiston Respublikasida suvga doir munosabatlarni tartibga solish, aholi va iqtisod tarmoqlari ehtiyojlari uchun suvdan oqilona foydalanishni, suvni behuda isrof bo‘lishining oldini olishni va suvning zararli ta’sirlarini bartaraf etish kabi vazifalarni hal qilish hamda korxonalar, muassasalar, tashkilotlar, dehqon va fermer xo‘jaliklari, shuningdek, fuqarolarning suvga doir munosabatlar sohasida huquqlarini himoya qilish maqsadida 1993-yil 6-mayda «Suv va suvdan foydalanish to‘g‘risida»gi O‘zbekiston Respublikasi qonuni qabul qilindi. Ushbu qonunda davlat hokimiyati va boshqaruv organlarining suvga doir munosabatlarini tartibga solish sohasidagi vakolatlari, suvdan foydalanish va uni muhofaza qilish sohasida davlat 108 boshqaruvi va nazorati, suvdan foydalanish obyektlari va ularni foydalanishga berish shartlari, suvdan foydalanuvchilarni huquqlari va burchlari kabi masalalar ko‘rib chiqilgan. Yuqoridagilardan tashqari, qonunning maxsus boblarida iqtisodiyotning turli tarmoqlarida suv obyektlaridan foydalanish tartiblari to‘la yoritilgan. Markaziy Osiyo regionini suv bilan ta’minlovchi manbalarning chegaralanganligi, qishloq xo‘jaligi va boshqa ko‘pgina tarmoqlarda suvga bo‘lgan talabning yildan-yilga ortib borishini e’tiborga olgan holda, qonunning 30-moddasida barcha suv iste’molchilariga nisbatan suvdan limit bo‘yicha foydalanish tartibi belgilangan bo‘lib, unda, suvdan limit bo‘yicha foydalanish tartibi ma’muriy-hududiy taqsimlash qoidasi, suv havzalari va har bir suvdan foydalanuvchi bo‘yicha belgilanadi, yer osti suvlari borasida esa geologiya va mineral resurslar hamda konchilik nazorat qilish davlat organlari bilan kelishib belgilanishi, suvdan limit bo‘yicha foydalanish tartibi suv xo‘jaligi organlari tomonidan belgilanib, unga rioya etish idoraviy bo‘ysunuvidan qat’iy nazar barcha suvdan foydalanuvchilar uchun majburiyligi, suv tarmoqlari obyektlarini asrash va tiklash, bu sohada xizmat qiluvchi xodimlarni moddiy ta’minlash maqsadlarini ko‘zlab, suvdan limit bo‘yicha foydalanish bilan bir qatorda yoki qisman haq to‘lab foydalanish joriy etilishi, suv uchun to‘liq yoki qisman haq to‘lashni joriy etish, suvdan limit bo‘yicha foydalanish, shuningdek bunga rioya etilishini nazorat qilish shartlari va tartibi O‘zbekiston Respublikasi Vazirlar Mahkamasi tomonidan belgilanishi ko‘rsatib o‘tilgan. Yuqoridagi moddadan kelib chiqqan holda suv va suv resurslari taqchilligi kuchayotgan sharoitda aholi va xalq xo‘jaligini suv bilan kafolatli ta’minlash va undan tejamli hamda samarali foydalanish maqsadida O‘zbekiston Respublikasi Vazirlar Mahkamasining 1993-yil 3-avgustda qabul qilingan 385-sonli qarori bilan «O‘zbekiston Respublikasida suvdan cheklangan miqdorda foydalanish bo‘yicha vaqtinchalik tartib»i amalga kiritildi. Ushbu tartibga binoan suvdan foydalanuvchilar bo‘yicha suv miqdorini cheklash uchun mo‘ljallangan suv hajmlari: 1) daryolarning haqiqiy sersuvligidan kelib chiqib, respublikalararo qarorlar bilan belgilangan cheklashlar bo‘yicha tuzatishlar hisobga olingan holda suv manbalari (bir necha respublika hududidan oqib o‘tadigan Amudaryo va Sirdaryo daryolari hamda ularning irmoqlari) hajmidan; 2) O‘zbekiston hududidagi haqiqiy sersuvligidan, shuningdek qayta tartibga solinganligi va bir o‘zandan ikkinchi o‘zanga tashlanganligidan kelib chiqib, kiritilgan tuzatishlar hisobga olingan yer usti suv manbalari hajmidan; 3) yer osti suvlarining foydalanilayotgan zaxirasidan olingan suv hajmidan; 4) oqova suvlardan qayta foydalanish hajmidan iborat. Suvdan foydalanish uchun belgilangan suv hajmlari eng cheklangan hisoblanadi va ular suv taqchilligi sharoitlarida kamaytirilishi mumkin. Ustuvor sohalarning suvdan foydalanish hajmi har yili ortib borishi hisobga olingan holda sug‘orish uchun cheklangan suv miqdorlari kamaytirilib boriladi deb ko‘rsatilgan. «Suv va suvdan foydalanish to‘g‘risida» gi qonunda suvdan foydalanishni davlat yo‘li bilan hisobga olish va rejalashtirishga doir maxsus bob bo‘lib, uning 107–113-moddalarida suvni va undan foydalanishni davlat yo‘li bilan hisobga olish, davlat suv kadastri yuritish, suv xo‘jaligi balanslari tuzish hamda suvlardan kompleks foydalanish va uni muhofaza qilishning jadvallarini ishlab chiqish tartibi Vazirlar Mahkamasi tomonidan belgilanishi ko‘rsatib o‘tilgan. Yuqorilaridagidan kelib chiqqan holda, Vazirlar Mahkamasining 385-sonli qarorida ham maxsus bandlar kiritilgan bo‘lib, ularda suv olish va uni hisobga olish belgilangan me’yorlar bo‘yicha ro‘yxatdan o‘tkazilgan suv olish inshootlari (xo‘jalik taqsimlagichi bosh inshooti, kanal, quduq, nasos stansiyasi va boshqa suv olish inshootlari)da amalga oshirilishi, suv olish inshootini ro‘yxatdan o‘tkazmasdan va shartnoma tuzmasdan har qanday manbadan suv olish tasdiqlangan tartibni buzish deb qayd qilinishi, noqonuniy, o‘zboshimchalik bilan suv olish deb hisoblanishi va suv olish qurilmasini nazorat qilish har kuni suv xo‘jaligi tashkiloti va suvdan 109 foydalanuvchining har bir suv olish inshootiga biriktirib quyilgan mas’ul shaxslari tomonidan maxsus hisobga olish jurnallariga imzo chekish bilan olib borilishi belgilab quyilgan. O‘zbekiston Respublikasi Prezidentining «Qishloq xo‘jaligida islohotlarni chuqurlashtirishning eng muhim yo‘nalishlari to‘g‘risida»gi PF-3226-sonli Farmoni hamda Vazirlar Mahkamasining 2003-yil 28-iyundagi «O‘zbekiston Respublikasi qishloq va suv xo‘jaligi vazirligi faoliyatini tashkil etishni takomillashtirish to‘g‘risida»gi 290-sonli qarori qabul qilinib, unga ko‘ra vazirlikka irrigatsiya tizimlarini havzalar bo‘yicha boshqarish prinsiplari asosida yer usti va suv resurslarining davlat boshqaruvini amalga oshirish va barcha darajalarda suvdan foydalanishning bozor prinsiplarini joriy etish vazifasi yuklatilgan. Shu maqsadda Vazirlar Mahkamasining 2003-yil 21-iyulda «Suv xo‘jaligini boshqarishni tashkil etishni takomillashtirish to‘g‘risida» gi 320-sonli qarori qabul qilindi. Vazirlar Mahkamasining ushbu qarori bilan: O‘zbekiston Respublikasi qishloq va suv xo‘jaligi vazirligi, Iqtisodiyot vazirligi va Moliya vazirligining O‘zbekiston Respublikasi qishloq va suv xo‘jaligi vazirligining mavjud suv xo‘jaligi tashkilotlari va xizmatlari tuzilmalari hamda uning hududiy bo‘linmalari negizida: Norin-Qoradaryo irrigatsiya havza boshqarmasi; Norin-Sirdaryo irrigatsiya havza boshqarmasi; Sirdaryo-So‘x irrigatsiya havza boshqarmasi; quyi-Sirdaryo irrigatsiya havza boshqarmasi; Chirchiq-Ohangaron irrigatsiya havza boshqarmasi; Amu-Surxon irrigatsiya havza boshqarmasi; Amu-Qashqadaryo irrigatsiya havza boshqarmasi; Amu-Buxoro irrigatsiya havza boshqarmasi; quyi-Amudaryo irrigatsiya havza boshqarmasi; Zarafshon irrigatsiya havza boshqarmasi shuningdek, birlashgan dispetcherlik markaziga ega bo‘lgan farg‘ona vodiysi magistral kanallari tizimi boshqarmasini tashkil etish to‘g‘risidagi taklifi qabul qilindi va amalga oshirildi. Irrigatsiya tizimlari havza boshqarmalarining zimmasiga irrigatsiya tizimlari va suv xo‘jaligi inshootlarini texnik ishonchligini ta’minlash, havza hududida suv resurslarini oqilona boshqarish hamda uni tezkorligini oshirish, suv iste’molchilari bo‘yicha suv resurslaridan foydalanishning aniq hisobi va hisobotini ta’minlash vazifalari yuklatilgan. Yuqorida ko‘rsatilib o‘tilgan Prezident Farmoni, Vazirlar Mahkamasining Qarorlaridan kelib chiqqan holda O‘zbekiston Respublikasi qishloq xo‘jaligi vazirligining 165, 210-sonli buyruqlari qabul qilinib, ularda irrigatsiya tizimlari havza boshqarmalarida suv resurslarini boshqarish va suvdan foydalanuvchilarga suvni yetkazish bo‘yicha xizmat ko‘rsatish haqida vaqtinchalik tartib» hamda irrigatsiya tizimlarida suv hisob-kitobini olib borish, olingan suv to‘g‘risida hisobotlar shakllari tasdiqlanib, ularni joylarda tatbiq etish belgilangan. Bundan tashqari, suvni olish, uni iste’molchilarga yetkazish va foydalanish to‘g‘risidagi kundalik tezkor ma’lumotlar, dekadalik, oylik, choraklik, kuzgi-qishgi va yozgi sug‘orish mavsumlari hamda gidrologik yil bo‘yicha ma’lumotlar va hisobotlarni sifatli tayyorlash va yurgazish, o‘z vaqtida tegishli boshqarmalarga va tashkilotlarga, vazirlikka yetkazishga Irrigatsiya tizimlari havza boshqarmalari, birlashgan dispetcherlik markaziga ega bo‘lgan Farg‘ona vodiysi magistral kanallari tizimi boshqarmasi, Qoraqalpog‘iston respublikasi qishloq va suv xo‘jaligi vazirligi, viloyatlar qishloq va suv xo‘jaligi boshqarmalari, « «O‘zsuvta’mirfoydalanish» respublika birlashmasi hamda ««Suv resurslari balansi va suvni tejaydigan texnologiyalarni rivojlantirish» boshqarmalari mas’ul etib tayinlanib quyilgan. Yuqorida keltirilgan qonun tegishli qarorlar va soliq to‘g‘risidagi kodeks asosida «Suv ta’minoti va undan foydalanish to‘g‘risida namunaviy shartnoma» ishlab chiqilib «Ta’minlovchi» (Qishloq va suv xo‘jaligi boshqarmasi) va «Iste’molchi» (suvdan foydalanuvchi) o‘rtasidagi munosabatni qonunlashtiradi. Suvdan foydalanuvchilar tomonidan «Suv va suvdan foydalanish to‘g‘risida»gi qonuni va Vazirlar Mahkamasining 1993-yil 3-avgustdagi 385-sonli qarori talablarni buzilganda O‘zbekiston Respublikasi qishloq va suv xo‘jaligi vazirligi «O‘zsuvnazorat», Respublika suv inpeksiyasi tomonidan maxsus shakldagi «Dalolatnoma» tuzilib, suvdan foydalanish qonun va qoidalarini buzganlik uchun jarima solish haqida «To‘lovnoma» orqali jarima solinadi. 110 Ma’lumki, XX asrning keyingi 20...30 yili ichida daryolarimiz suvidan xo‘jasizlarcha foydalanishga yo‘l quyildi, paxta yakkaxonligi tufayli Orol dengiziga suvning yetib borishi nihoyatdi qisqardi, bu esa atrof- muhitga o‘z ta’sirini o‘tkazmasdan qolmadi. Xalqimizning suvdan unumli foydalanish, uning tozaligini saqlashdek boy tajribalariga e’tiborsizlik bilan qaraldi. Anhor va daryolarga turli xil ishlab chiqarishdan, kommunal-maishiy xizmatlarda foydalanilgan suvlar tashlanadigan bo‘ldi. Suv resurslariga nisbatan bunday yo‘l quyilgan xatolarni tuzatish va shu bilan birga suvga bo‘lgan o‘sib borayotgan talabni to‘laroq qondirish kabi ushbu masalalar respublikamiz hukumatining diqqat markazida turibdi va bu borada tegishli say’i harakatlar amalga oshirilmoqda. Mamlakatimiz daryolaridagi suv resurslarining 80 foizi bahor va yoz davrlariga to‘g‘ri keladi. Biroq, mazkur tabiiy rejim suv omborlari yordamida sezilarli darajada o‘zgartirilgan. Daryolar o‘zlarining paydo bo‘la boshlagan hududlarida, ya’ni tog‘ va tog‘ yon bag‘irlarida juda toza bo‘lib, deyarli ifloslanmagan va suvning minerallashuvi sezilar-sezilmas darajani tashkil etadi. Biroq daryoning o‘rta va quyi oqimlarida suvning sifati keskin yomonlashadi. Asosiy ifloslantiruvchi manbalarga kommunal-maishiy ro‘zg‘or xo‘jaligi, sanoat va qishloq xo‘jaligi tarmoqlari kiradi. Shu sababdan mintaqadagi aksariyat daryolar o‘zlarining o‘rta va quyi oqimlarida suv minerallashuvi 2 mg/l va undan ortiq bo‘lishi bilan xarakterlanadi. Jumladan, Amudaryoning quyi oqimida suvdagi ifloslanishning ruxsat etilgan konsentratsiyasi suv minerallashuvi, qattiqligi, sulfat, xlorid, fenol, kremniy va boshqa ko‘rsatkichlar bo‘yicha amaldagi me’yorlar talablaridan ancha ortiqdir. Zarafshon daryosining quyi oqimida esa suv deyarli barcha ko‘rsatkichlar bo‘yicha talabga javob bermaydi. Mintaqadagi qator boshqa daryolarda ham shunga o‘xshash holatni kuzatish mumkin. O‘z navbatida yer usti va yer osti suvlari o‘rtasidagi gidravlik bog‘liqlikning mavjudligi umumiy suv resurslarining ajralmas qismi va ichimlik suvining asosiy manbayi bo‘lmish yer osti suvlari sifatining yomonlashuviga olib keldi. Bu holat ayniqsa daryolarning quyi oqimlari va sug‘orma dehqonchilik rivojlangan hududlarda ko‘proq kuzatiladi. Orol dengizi havzasidagi yer osti suvlari asosan yog‘ingarchilikning erga shimilishi, suv havzalari va sug‘oriladigan maydonlardan paydo bo‘layotgan infiltratsiya hisobiga shakllanadi. Umuman mintaqada yer osti suv zaxiralari 32,5 km3ni tashkil etadi (bu yer usti suvlarining deyarli 25 foiziga to‘g‘ri keladi), shu jumladan, O‘zbekiston bo‘yicha bu ko‘rsatkich 19,7 km3ga tengdir. Bunda foydalaniladigan zaxiralar respublika bo‘yicha12,1 va 6,8 km3ni tashkil etadi. Bundan tashqari, mintaqada oqova suvlar mavjud va ular odatda sanoat, qishloq xo‘jaligi, kommunal xo‘jaligidan chiqayotgan va bir yoki bir necha marta ishlatilgan, ma’lum darajada ifloslangan suvlar yig‘indisidir. Amalda bunday suvlarning miqdori Orol dengizi havzasida deyarli 45 m3 ni tashkil etadi. Ayni paytda tashlama suvlarning qayta ishlatilayotgan qismi 63 foizga teng bo‘lib, bu suvlar mintaqasidagi mavjud suv resurslari sifatini yomonlashtiruvchi asosiy manbalardan biridir. Oqova suvlarning asosiy qismi qishloq xo‘jaligida hosil bo‘ladi. Mamlakatimiz taraqqiyotining rivojlanishi har tomonlama suvdan qanday foydalanishimiz va suvga bo‘lgan munosabatimizga bog‘liq. Mavjud vaziyat asosan quyidagilar bilan tavsiflanadi: 1) suv resurslarining cheklanganligi va o‘ta notekis tarqalganligi; 2) suv resurslari cheklangan sharoitda suvga bo‘lgan talabning tobora, ortib borishi, suv ta’minotining yomonlashuvi; 3) suv resurslariga bo‘layotgan tabiiy va sun’iy ta’sirlar ostida suvga bo‘lgan ehtiyoj tufayli qarama-qarshilikning ortib borishi; 4) mintaqamizdagi yangi ekalogik va iqtisodiy-siyosiy sharoitda suvdan foydalanish bilan bog‘liq masalalarda keskinlikning ortib borishi. 111 Bu holat nafaqat respublikamizdagi suvdan foydalanuvchilar bilan, balki qo‘shni davlatlar orasidagi suv bilan bog‘liq munosabatlarda o‘z aksini topmoqda. Chegaralangan suv resurslaridan foydalanish holatining tahlili va uning kelajagi shuni ko‘rsatib turibdiki, kelgusida suv resurslaridan foydalanish va ularni boshqarishning oqilona yo‘llarini qidirib topish eng dolzarb muammo bo‘lib qoladi. Bugungi kunda respublikamizda mavjud suv resurslarining deyarli 90 foizi dehqonchilik maqsadlarida, 4,1 foizi kommunal-maishiy sohasida, 2,2 foizi sanoatda, 1,7 foizi baliqchilikda, 1,6 foizi qishloqlar suv ta’minoti uchun ishlatiladi. Barcha sohalarda bo‘lgani kabi mavjud suv resurslaridan samarali foydalanish yo‘lidagi islohotlarni chuqurlashtirishga katta e’tibor qaratilayotganligi ayni muddaodir. Lekin, maqsadga to‘la erishish yo‘lida jamoatchilik, eng avvalo suv resurslari bilan faoliyati bevosita bog‘liq bo‘lgan mutaxassislar va barcha iste’molchilar suv resurslaridan foydalanishga bo‘lgan o‘z munosabatlarini tubdan o‘zgartirishlari lozim bo‘ladi. 4. Gidrotexnika inshootlarining tasnifi, gidrouzellar va gidrotizimlar, ularning ishlash sharoitlari va loyihalashning umumiy masalalari ularning tasnifi Maxsus inshootlar, jihozlar va qurilmalar yordamida suv resurslaridan xalq xo‘jaligi ehtiyojlarida foydalanish va suvning zararli ta’sirlariga qarshi kurashishni o‘rganish bilan shug‘ullanuvchi fan va texnikaning tarmog‘iga gidrotexnika deb ataladi. Bevosita suv xo‘jaligi tadbirlarini amalga oshiradigan muhandislik inshootlari gidrotexnikaviy yoki gidrotexnika inshootlari deb ataladi. Gidrotexnika inshootlari yordamida har xil suv xo‘jaligi tadbirlari amalga oshiriladi, suv sathi va suv sarfi rostlanadi, uni manbadan ma’lum sifatda va istalgan vaqtda kerakli miqdorda olib, zarur joylar (ekin maydonlari, gidroelektrstansiyalar va h.k.)ga yetkazib beriladi, muz va cho‘kindilar va h.k. o‘tkazib yuboriladi. Gidrotexnika inshootlari, odatda, asosiy belgilari: ishonchlilik kategoriyasi (foydalanish sharoitlari va kapitalligi); maqsadli vazifasi; o‘ziga xos belgilari, masalan, konstruksiyasi; joylashgan o‘rni va h.k. ga ko‘ra tasniflanadi. Foydalanish sharoitlari bo‘yicha gidrotexnika inshootlari amaldagi Qurilish me’yorlari va qoidalari (QMQ) ga ko‘ra: doimiy va vaqtinchalik inshootlar; doimiy gidrotexnika inshootlari esa asosiy va ikkinchi darajali inshootlarga bo‘linadi. Doimiy asosiy gidrotexnika inshootlarini ta’mirlashda yoki ularda avariya sodir bo‘lganda butun tizim o‘z ishini to‘xtatadi yoki gidroelektrostansiyalar normal ishla-shini buzilishiga, sug‘orish tarmoqlarida suvning to‘xtashi yoki kamayishi, kema qatnovi to‘xtatilishi yoki kamayishi va h.k. ga sabab bo‘ladi. Ikkinchi darajali inshootlar ta’mirlanganda yoki avariya sodir bo‘lganda, ular o‘z ishini to‘xtatishi natijasida katta talofatlar sodir bo‘lmaydi. Asosiy gidrotexnika inshootlariga: to‘g‘onlar, dambalar, suv oluvchi inshootlar, kema o‘tkazuvchi inshootlar, suv tashlovchi inshootlar, derivatsiya, bosh va sug‘orish kanallari, tunnellar, suv o‘tkazuvchi quvurlar, kollektorlar, turli xil havzalar, tenglashtiruvchi rezervuarlar, boshqaruvchi (to‘g‘rilovchi) inshootlar, gidroelektrostansiya binolari, nasos stansiyalari, kema ko‘targichlar, mexanizatsiyalashgan yuk bog‘lovchi joylar, issiqlik va atom elektrostansiyalarining gidrotexnika inshootlari va baliq o‘tkazuvchi inshootlar kiradi. Ikkinchi darajali inshootlarga: qirg‘oqni mustahkamlash inshootlari, ta’mirlash zatvorlari, Download 4.51 Kb. Do'stlaringiz bilan baham: 
|