O’’zbekiston respublikasi o’liy va o’rta maxsus ta`lim vazirligi

PEDAGOGIK PSIXOLOGIYA FANINING VAZIFALARI VA

TADQIQOT METODLARI

Reja:

1. Pedagogik psixologiya fanining predmeti va vazifalari.

2. Komil inson tarbiyasi – Sharq mutafakkirlarining talqinida.

3. Fan sifatida pedagogik psixologiyaning vujudga kelishi, uning rivojlanish tarixi va hozirgi holati.

4. Hozirgi zamon pedagogik psixologiya fanining asosiy vazifalari.

Pedagogik psixologiya fanining predmeti va vazifalari

Hurriyat - boy ma`naviyat va ruhiyat ilmidan oqilona, odilona va omilkorlik bilan foydalanishni taqozo etmoqda. Mamlakatimizdagi mavjud barcha o’quv yurtlari ta`lim-tarbiyani to’g’ri, ilmiy asosda tashkil etish uchun bu jarayonning o’ziga xos psixologik qonuniyatlarini, uning mexanizmlarini, shuningdek, faol, mustaqil hamda ijodiy tafakkur jarayonini zamonaviy bilimlar asosida tarkib toptirishning samarali usullarini bilishi lozim bo’ladi. Bu borada, pedagogik psixologiya -hozirgi zamon psixologiya fanining rivojlangan sohalaridan bo’lib, bu o’rinda muhim o’rin egallaydi, zero u inson ruhiy olamining tabiati va uning qonuniyatlarini o’rganuvchi sohadir.

Y

osh davrlari psixologiyasi va pedagogik psixologiya fanlari mushtarak, bir-biriga uzviy bog’liqdir, chunki ularning har ikkisi, bitta, umumiy jarayonni - ulgayib borayotgan insonning psixik faoliyati hamda uning xulq-atvorini tadqiq etadi. Biroq, shunday bo’lsa-da, bu ikki fan psixologiya ilmining mustaqil sohalari hisoblanib, ularning har biri o’z predmeti va tadqiqot vazifalariga egadir.