O‘zbekiston respublikasi sportni rivojlantirish vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Bayroqchaga qarab yuring 
Tarbiyachi bolalarga ikki hil: qizil va ko‘k bayroqchalar tarqatib chiqadi. U 
bir qo‘lida qizil, ikkinchi qo‘lida ko‘k bayroqcha ko‘tarib qo‘llarini yon tomonga 
uzatadi, bolalar qo‘llaridagi bayroqcha rangiga qarab tegishli tomonlarga erkin 
ravishda o‘tib, ikki guruhga ajraladilar. Shundan keyin tarbiyachi maydon bo‘ylab 
o‘ynab, yugurishni taklif etadi. Bolalar o‘ynayotgan paytda tarbiyachi boshqa 
tomonga o‘tib oladi va: “Bir, ikki, uch – tez bu yoqqa uch!” – deydi-da, 
qo‘llaridagi bayroqchalarini yon tomonlariga uzatadi. Bolalar uning yonida 

---

17 
to‘planadilar va qo‘llarida qanday rangda bayroqcha bo‘lsa, o‘sha rangdagi 
bayroqcha tomoniga o‘tib qator turadilar. Hamma bolalar yig‘ilib bo‘lgach, 
tarbiyachi bayroqchani yuqoriga ko‘tarib hilpillatishni taklif qiladi. O‘yin to‘rt – 
besh marta takrorlanadi.
KO‘RSATMALAR. Tarbiyachi ishora qilmasdan avval maydon bo‘ylab 
yugurib ketish mumkin emas. Tarbiyachi bolalarning dam o‘ng, dam chap 
tomonga yig‘ilishlari uchun bayroqchalarni u qo‘lidan bu qo‘liga olib almashtirib 
turadi. O‘yinga qo‘shimcha signal va topshiriqlar kiritish mumkin. Masalan, 
“To‘xta!” signal bo‘yicha barcha o‘ynovchilar to‘xtashlari va ko‘zlarini 
yumushlari yoki turgan joylarida aylanishlari, yohud raqsga tushishlari mumkin. 
Mana shu vaqtda tarbiyachi bildirmasdan joyini almashtirib, boshqa joyda turib 
oladi. Bolalar signal bo‘yicha yana tarbiyachi tomonga qarab yuguradilar. 
Bayroqchalar o‘rniga bolalarning qo‘liga tegishli rangdagi ro‘molcha yoki 
bayroqcha, kubik berib qo‘yish mumkin, yo bo‘lmasa ularning qo‘llariga rangli 
lentachalar bog‘lab qo‘yishlari mumkin.
O‘z rangingni top 
Tarbiyachi bolalarga uch – to‘rt xil rangdagi: qizil, ko‘k, sariq, oq, 
bayroqchalar tarqatadi. Bayroqchalari bir xil bo‘lgan bolalar xonaning turli 
burchaklarida oldindan tarbiyachi tomonidan belgilab qo‘yilgan o‘z bayroqchalari 
tagida to‘planadilar. Tarbiyachining: “O‘ynab kelinglar” – degan signali bo‘yicha 
bolalar hona (maydoncha)ning turli tomonlariga qarab tarqalib ketadilar. 
Tarbiyachi: “O‘z rangingni top”, - deyishi bilan bolalar tegishli rangdagi bayroq 
yonida to‘planadilar. Tarbiyachi qaysi guruh oldinroq to‘plaganini ta’kidlab o‘tadi. 
Shundan keyin o‘yin yana besh-olti marta takrorlanadi. 
KO‘RSATMALAR. O‘yin bir necha marta takrorlanib, bolalar uni yaxshi 
o‘zlashtirib olganlaridan keyin tarbiyachi sayr vaqtida bolalarga to‘xtashni va 
ko‘zlarini yumishni taklif qilishi mumkin. O‘zi esa bu vaqtda xona burchaklarida 
turgan bayroqchalarni almashtirib qo‘yadi.