O`zbekiston respublikasi

CHIG`ATOY ULUSINING ADABIY TILI 
XIII  asrda  mug`ullar  istilosidan  so`ng  Movarounnahrda  Chig`atoy  davlati 
tuzildi.  Bu  davlat  idora  ishlarini  yuritishda  qoraxoniylar  davridagi  adabiy  tilga  va 
Xorazmdagi adabiy tilga murojaat qiladi. Lekin ko`proq koraxoniylar davridagi tilga 
ahamiyat  berildi.  Bu  holat  ma`lum  darajada  qarluq-uyg`ur  tili  xususiyatlarining  bu 
tidda  singab  qolishiga  sabab  bo`lgan,  chunki  uyg`urlar  madaniy  jihatdan  yuqori 
turuvchi      qabila      bo`lgani      uchun    mo`g`ullar      hukmronligi      davrida    davlatning  
madaniy hayotida va yozuv bilan bog`liq bo`lgan deyarli barcha  ishlarda muhim o`rin 
tutgan.  Saroy  doirasidagi  mansabdor  kishilarning  bolalari  uyg`urlar  qo`lida  
o`qiganlar. 
Chig`atoy  ulusining  adabiy  tili  yodgorliklarida  qadimiy  kitobiy  d-o`rnida  z,y 
undoshlarining  kelganligini  ko`ramiz.  SHuningdek,  ayrimlarida  turkman,  ba`zilarida 
uyg`ur  tili  xususiyatlarini  uchratamiz.  Chig`atoy  ulusi  adabiy  tilining  yodgorliklari 
sifatida  «Mukaddimat-ul  adab»,  «Yusuf  va  Zulayho»,  «Ravnaq-ul  Islom», 
«O`g`uznoma» kabi asarlarni ko`rsatish mumkin.