O’zbekiston respublikasi veterinariya va chorvachilikni rivojlantirish qo’mitasi
Download 1.37 Mb. Pdf ko'rish
|
Hisobot
Sutga dastlabki ishlov berish barcha ferma va xo‘jaliklar sharoitida birmuncha
muxim xamda o‘z vaqtida bajarilishi lozim bo‘lgan tadbirlardandir. Sutga dastlabki ishlov berilmas ekan, u tez vaqtda ayniydi, tarkibi buziladi va ishlatishga yaroqsiz bo‘lib qolishi mumkin. Binobarin, bu tarkib barcha xo‘jaliklarda, sut-tovar fermalarida, shuningdek, fermerlar xonadonida xam bajarilishi yuksak natijalarga olib keladi va foydadan xoli emas. Sutga dastlabki ishloq berish deganda, asosan, quyidagi bir necha talablar nazarda tutiladi. Masalan, sog‘ib olingan sutni turli mexanik qo‘shimchalardan tozalash, ya’ni sutni suzish, sovutish, ayrim xollarda pasterlash va jo‘natish (transportirovka qilish) shular jumlasidandir. Sutga dastlabki ishlov berish tadbirlari, fermalarda va xo‘jaliklarda olib boriladi. Sut yetishtirishga moslashgan komplekslarda va yirik mexanizatsiyalashtirilgan fermalarda barcha sog‘ib olingan sut bir necha soat davomida bajariladi. Sut zavodlariga topshirilgan sutga esa ikkinchi marta ishlov beriladi. Yirik sut-tovar fermalarida va komplekslarda sog‘ilgan sutni qabul qilish va unga daastlabki ishlov beradigan maxsus xonalar (laboratoriyalar) ajratilgan bo‘ladi. Unda sut tozalanadi, sovutiladi va ma’lum vaqt saqlanadi. Shuningdek, bunday xonalarda yoki uning tashqarisida sut idishlarini dizenfeksiya qiluvchi va yuvishga mo‘ljallangan vositalar saqlanadi. Bundan tashqari, sutni pasterlash va separatlashga mo‘ljallangan apparat xamda asbob-uskunalar xam saqlanadi. Ko‘plab ixtisoslashgan sutchilik komplekslarida kichik xajmda sut zavodlari tashkil etilgan bo‘lib, sog‘ilgan sut fermadan to‘ppa to‘g‘ri o‘sha yerga borib quyiladi. Shuningdek, u yerda maxsus ishlov beriladi va tayyor mahsulot savdo korxonalariga yuboriladi. Bunda sut maxsus selofan xaltachalarga (0,5-1 l xajmda) solinib, yashiklarga joylashtiriladi va muxrlangan xolda jo‘natiladi. Ayrim xollarda qaymoq va nordonlashtirilgan qaymoq (smetana), tvorog (suzma) xamda boshqa turdagi sut mahsulotlari xam tayyorlanadi va axoliga, savdo tarmoqlariga jo‘natiladi. Lekin, afsuski, xozirga qadar Respublikamizning birorta xo‘jaligida bunday tadbirlar amalga oshirilmagan. Fan va xayot talabiga ko‘ra, barcha sutchilik sexlari va laboratoriyalari gigiena va sanitariya jixatidan nixoyatda ozoda va yorug‘ bo‘lishi lozim. Ularning talab etilgan darajada isitilishi, sovutilishi, shamollatilishi talab etiladi. Xona oynalari tozalanib turishi, devorlari maxsus oq bo‘yoqlar bilan bo‘yalishi xamda imkoni bo‘lsa, devorlar yer satxidan 1,5-2,0 m gacha kafel bilan qoplanishi maqsadga muvofiq xisoblanadi. Xonalarning poli esa zaxni o‘tkazmaydigan, ma’lum tomonga biroz nishabli, mustaxkam, shuningdek, xizmat uchun qulay va tez-tez tozalanib turishi kerak. Binobarin, ko‘p vaqt pollar betondan ishlanadi va ishlash jarayonida ko‘rkamlik berish maqsadida ayrim bo‘yoq ranglar qo‘shiladi. Xar safar ish jarayoni yakunlangan, xamma idish, asbob-uskunalar va pol yaxshilab yuviladi. Bu borada xidi o‘tkir bo‘lgan yuvish vositalaridan foydalanish taqiqlanadi. Binobarin, buning uchun kalsiylashtirilgan sodaning 2 %li qaynoq eritmasidan va dezmol deb ataluvchi moddaning 2%li eritmasidan foydalaniladi. Bu esa o‘z vaqtida profilaktik maqsadlar uchun xam axamiyatga egadir. Sutchilik sexlari, sog‘ish zallari xar oyda ikki marta dezinfeksiya qilinadi. Bu borada, kalsiy yoki natriy gipoxloriy moddasidan foydalaniladi. Buning uchun, agar ular tarkibida 3%li aktiv xlor moddasi bo‘lsa, maqsadga muvofiq xisoblanadi. Dezinfeksiya tadbirlarini o‘tkazishda 1 m 2 satx uchun o‘rtacha 0,5 litr eritma yetarlidir. Respublikamiz sut sanoati ilg‘or texnologiya bilan jihozlangan tarmoqlardan biri hisoblanadi. Bu tarmoq tizimiga sut, achitilgan sut mahsulotlari, qaymoq, sariyog‘, pishloq, sut konservalari ishlab chiqariladigan korxonalar kiradi. Sut va sut mahsulotlari aholining eng noyob ozuqaviy modda oqsilga bo‘lgan talabini qondirishda, iste’mol qilinayotgan oziq-ovqat mahsulotlari strukturasini yaxshilashda muhim ahamiyatga egadir. Shu sababli sut va sut mahsulotlarining sifatini oshirish bugungi kunning muhim vazifalaridan biri hisoblanadi Sutni fizik-kimyoviy xususiyatlari. Sutni umumiy nordonligi grudus Ternerda (T) ifodalanadi va 100 mg sutni fenolftalein ishtirokida 0,1 n ishqor eritmasi bilan titrlaganda ketgan miqdori bilan aniqlanadi. Yangi sog‘ilgan sutning nordonligi 16-18 0 T ni tashkil qiladi. Sutning zichligi 1027/1032 kg/m 3 bo‘ladi. Sutga suv qo‘shganda uni zichligi pasayadi, bundan soxtalashtirilganligini bilish mumkin. Sutni qaynash harorati 100,2 0 С, ya’ni suvni qaynash haroratidan yuqori. Yuqori bo‘lishiga sabab uni tarkibida tuzlar va qandini borligidir. Sutning asssortimentlari. Pasterilizatsiyalangan qaymog‘i olinmagan sutni yog‘i 2,5, 3,2, 4,0 va 60% li qilib ishlab chiqariladi Vitamin S yoki A, Sva D 2 bilan vitaminlashtirilgan bo‘lishi mumkin. Nordonligi 21 0 T dan oshmasligi kerak. Pasterilizatsiyalangan sutni yangi yoki tiklangan sutdan tayyorlanadi. Oqsillik sutni yog‘i 2,5 va 1,0% li quruq yog‘sizlantirilgan moddasini 10,5% li qilib tayyorlanadi. Sut yog‘i kattaligi 2-3 mkm ga teng bo‘lgan yog‘ donalarini emulsiyasi ko‘rinishida bo‘ladi. Sut yog‘i past erish haroratiga (27-34 0 С) ega bo‘lib, asosan aralash uch gliseridlardan tashkil topgan. Ularni hosil qilishda 150 ta yog‘ kislotalari qatnashadi, ko‘prog‘ini (68-75%) to‘yingan yog‘ kislotalari tashkil qiladi. Yog‘ bilan birga lipoidlar ham bo‘ladi. Lipoidlar fosfatidlar (lesetin va kefalin) va sterinlardan iborat. Standart talabi bo‘yicha sutlarning fizik-kimiyoviy ko‘rsatkichlaridan yog‘ miqdori, yog‘siz quruq modda miqdori, nordonligi, tozalik darajasi va harorati tekshiriladi. Sutlarda yog‘ miqdori ularning turiga qarab 2,5% dan 6% gacha, yog‘siz quruq modda miqdori 7,8-8,1% dan kam bo‘lmasligi, nordonligi kichik idishlarga qadoqlangan pasterizatsiya qilingan sutda 21 0 T dan, sterilizatsiya qilingan sutda esa 20 0 T dan ko‘p bo‘lmasligi talab etiladi. Aholiga sotilayotgan sutlarning hamma turi tozaligi bo‘yicha 1-darajali tozalikdan kam bo‘lmasligi kerak. Sutning achishini sut kislotasi bakteriyalari keltirib chiqaradi. Bu nuqsonlarning paydo bo‘lishining asosiy sababi sutlarni saqlash va tashishda sanitariya-gigiena qoidalariga rioya qilmaslik hisoblanadi. Texnik va fizik-kimyoviy nuqsonlar sutga texnologik ishlov berish jarayonlari buzilgan hollarda ro‘y beradi. Masalan, sutlarni pasterizatsiya va sterilizatsiya yo‘llari bilan ishlov berganda ularning tarkibidagi uglevodlar, yog‘lar va aminokislotalar chuqur o‘zgarishlarga borib o‘ziga xos hid va ta’m paydo qiladi. Kuygan ta’m sut qizdirilganda jihozlarning sirtida sutning tarkibidagi moddalarning qisman kuyishi natijasida hosil bo‘ladi. Metall ta’mi sutning yuzasi zanglab qolgan idishlarda saqlagan hollarda paydo bo‘ladi. Bunday sutlardan tayyorlangan sutlar uzoq saqlanmasdan tez buziladi. Begona hidlar va ta’mlar sutda yaxshi yuvilmagan, begona hidlarga va ta’mlarga ega bo‘lgan idishlardan foydalanilganda va tashiganda (sarimsoq, neft hidlari) ham paydo bo‘ladi. Download 1.37 Mb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling