O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik -pedagogik respublika tashxis markazi

Qaysi holatlarda OITS/OITV yuqmaydi:

• 
  Yo‘talganda, aksa urganda
  
• 
  Hasharotlar chaqqanda
  
• 
  Quchoqlaganda va o‘pishganda
  
• 
  Basseyn va hojatxonaga borganda
  
• 
  Qo‘l berib ko‘rishganda
  
• 
  Ishxona va maktabda birgalikda ishlaganda
  
• 
  Umumiy telefondan foydalanganda
  
• 
  Birga ovqatlanganda
  

Buni bilish nima uchun muhim? Agar biron bir insonda kasallik bor bo‘lsa yuqoridagi holatlarda kasallik yuqmaydi va bu inson bilan bemalol muloqat qilish mumkin.
Belgilari:

• 
  Tana haroratini aniq bir sababsiz 1oy davomida 37,5-38S gacha ushlanib turishi;
  
• 
  Limfatik tugunlar “bezchalar” kattalashishi;
  
• 
  Terida qizil dog‘lar paydo bo‘lishi;
  
• 
  1 oy davomida ich surilishi;
  
• 
  Tomoqni qizarishi va og‘rishi;
  
• 
  Tana vaznning kamayib borishi.
  

OIV infeksiyasi tashxisi:
Har bir inson bilishi lozim. OIVga analizlar majburiy ravishda mijoz roziligisiz belgilanishi mumkin emas, lekin shuni ham tushunish kerakki, to‘g‘ri tashxis qanchalik tez qo‘yilsa, hatto OIV tashuvchisi bo‘lgan taqdirda ham, bemor uzoq va to‘laqonli hayot kechirish imkoniyatiga ega bo‘ladi. OIV ga tekshiruv natijalarini sir saqlanishi shifokorning majburiyati bo‘lib, faqat bemorning o‘zi o‘z kasalligi haqida kimga va qachon gapirib berishni hal etishi mumkin.
OITS-Kasallikning oxirgi bosqichi

• 
  Orttirilgan – bu holat tug‘ma bo‘lmay, balki virus ta’sirida rivojlanadi.
  
• 
  Immunitet– virus organizmning immun tizimini zararlaydi.
  
• 
  Tanqisligi – T-limfositlarning yemirilishi natijasida odam immun tizimida yetishmovchilik kuzatiladi.
  
• 
  Sindromi– turli klinik belgilar yig‘indisi bo‘lib, bunga organizm himoya tizimining zararlanishi sabab bo‘ladi.