O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik -pedagogik respublika tashxis markazi

Amaliy qism
“Kapalak haqida rivoyat” (5 daqiqa)
Ikki talaba o‘zlarining Ustozlari qay darajada donishmand ekanligi haqida bahslashib qolishibdi. Ulardan biri Ustoz hal qila olmaydigan savol bera olishini ta’kidlabdi.
Ertasi ertalabdan bu o‘spirin kapalak tutib va ikki kafti orasiga berkitib olibdi. Shu holatda ustozining yoniga kelib, kapalak tirikmi yoki o‘lik, deya savol bermoqchi bo‘libdi. Agar Ustoz “tirik” desa – uni kaftlari orasida mahkam siqib o‘ldirishni va “o‘lik” degudek bo‘lsa, kapalakni qo‘yib yuborishni rejalashtirib olibdi. “Men shu tariqa Ustozni aldayman va bahsda yutib chiqaman” – deya o‘ylabdi shogird.
Boshqa shogirdlar qurshovida o‘tirgan ustozining oldiga kelib so‘rabdi:

• 
  Ustoz, kaftlarim orasidagi kapalak tirikmi yoki o‘lik?
  

Shogirdining ko‘zlariga diqqat bilan tikilar ekan, Ustoz:

• 
  Hammasi sening qo‘lingda, – deb javob beribdi.
  

Do‘sti bilan bahslashayotganda o‘spirin faqat ikki xil javobni o‘ylagan edi. Lekin u adashgandi.
Va xuddi Ustozning mulohazasi kabi, o‘z sog‘lig‘imiz o‘z qo‘limizda!


6-mashg‘ulot. Kashandalik va uning salbiy oqibatlari

Maqsad	Zararli odatlarning salbiy oqibatlari haqida axborot berish orqali ularning oldini olish.
Vazifalar	Zararli odatlarning insonning nafaqat organizmiga, balki butun hayotiga salbiy ta’sirini muhokama qilish. Kashandalik va uning salbiy oqibatlarini muhokama qilish .
Umumiy vaqt	2 soat
Usullar	Taqdimot, kichik ma’ruza, aqliy hujum, munozara, rolli o‘yin, kichik guruhlarda ishlash, psixologik mashq va o‘yinlar.