O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik -pedagogik respublika tashxis markazi

Kichik guruhlarda ishlash (5 daqiqa)
Har bir guruh Kashandalik bo‘yicha infografika yoki plakat tayyorlashlari kerak.
Trener uchun izoh: Agar plakatlar tayyorlash uchun zarur narsalar bo‘lmasa, ishtirokchilarga ushbu mavzu bo‘yicha rolli o‘yin tayyorlashlarini taklif qiling. Muhimi, ularning rolli o‘yinlari bo‘yicha munozaralarini to‘g‘ri tashkillashtirish kerak.(Rolli o‘yin bo‘yicha munozara bo‘limini ko‘ring).
Infografika – (Lotincha informatio – xabar berish, tushuntirish, bayon qilish) – axborot, ma’lumot va bilimlarni grafik usulda taqdimot etish bo‘lib, asosiy maqsadi murakkab axborotni tez va aniq bayon qilishdir.
1 guruh: Ayollar(qizlar) salomatligiga ta’siri
2 guruh: Erkaklar (ug‘il bolalar) salomatligiga ta’siri
Guruhlar taqdimoti va uning muhokamasi (20 daqiqa)
Muhokama paytida barcha ishtirokchilarni jalb qilishga harakat qiling.
“Yo‘q deb ayting” o‘yini.
Ishtirokchilar aylana bo‘lib o‘tirishadi. Ularning har biriga zararli odatlardan voz kechishning uch xil variantini o‘ylab topish topshirig‘i beriladi. Trener sigaret shaklini beradigan markerni oladi va ishtirokchilardan birining uni olishini so‘raydi, ishtirokchi olishdan voz kechadi. Voz kechish ehtiyotkorlik bilan, biroq qat’iy bo‘lmog‘i lozim. Shundan so‘ng, marker ishtirokchining qo‘liga o‘tadi va u endi o‘z qo‘shnisini markerni olishga ko‘ndiradi. O‘yin to hamma yutqizguncha aylana bo‘ylab davom etadi.
Muhokama. Trener guruhga savol beradi:
Arzigulik voz kechishlarni tanlash oson kechdimi?
Voz kechishning qaysi varianti eng samarali bo‘ldi? Nima uchun?
Ishtirokchilar ko‘ndiruvchi va voz kechuvchi rollarida o‘zlarini qanday his etdilar?
Voz kechishning yana qanday shakllari bor?
Trener xulosasi: eng muhimi TANLOV sizning ixtiyoringizda! Buni siz amalga oshirasiz va o‘z hayotingizda qanday yo‘lni tanlashingiz o‘z qo‘lingizda.


7-mashg‘ulot. Ichkilikbozlik, Narkomaniya

Maqsad	Zararli odatlarning salbiy oqibatlari haqida axborot berish orqali ularning oldini olish.
Vazifalar	Zararli odatlarning insonning nafaqat organizmiga, balki butun hayotiga salbiy ta’sirini muhokama qilish. Ichkilikbozlik, Narkomaniya va uning salbiy oqibatlarini muhokama qilish .