O‘zbekiston respublikasida ma’muriy protseduralarni takomillashtirish
Download 1.64 Mb. Pdf ko'rish
|
15.Нематов Ж. Ўзбекистон Республикасида Маъмурий просидураларни такомиллаштириш.-Тошкент2015
|
ijro etish uchun qabul qilinadi deb belgilangan. Ya’ni ikkita moddada ajratib
ko‘rsatilgan so‘zlarga – «asosida hamda ularni ijro etish uchun» qaraladigan bo‘lsa, O‘zbekiston Respublikasida Vazirlar Mahkamasi, vazirliklar, davlat qo‘mitalari va idoralarining normativ-huquqiy hujjatlari delegatsiya (topshiriq) asosida emas, mustaqil tarzda ham qabul qilinishi mumkinligini tushunish mumkin. Ta’kidlash o‘rinliki, eski tahrirdagi qonunchiligimizda, shuningdek, Konstitutsiya (98-modda)da «muvofiq» degan so‘z ham qo‘llanilgan. 48 Yuqorida ta’kidlangan nazariy asoslarga ko‘ra, jumladan, ma’muriy huquqdagi huquqiy davlat prinsipidan kelib chiqadigan bo‘lsak, «muvofiq» deganda delegatsiya (topshiriq) talab etilishi nazarda tutiladi. Ammo «asosida hamda ularni ijro etish uchun» deganda vazirliklar, davlat qo‘mitalari va idoralarining normativ-huquqiy hujjatlari O‘zbekiron Respublikasi Konstitutsiyasi va qonunlari, O‘zbekiston Respublikasi Oliy Majlisi, O‘zbekiston Respublikasi Prezidenti va O‘zbekiston Respublikasi Vazirlar Mahkamasining qarorlariga zid yoki ularni qaysidir darajada cheklovchi bo‘lmasligi kerak, asosiysi, ularni ijro etsa bo‘ldi degan ma’no nazarda tutiladi. Shuning uchun vazirliklar, davlat qo‘mitalari va idoralarining o‘z sohalari bo‘yicha normativ-huquqiy hujjatlari yuqorida ta’kidlangan delegatsiya (topshiriq) asosida qabul qilinmasligiga olib kelishi mumkin. O‘zbekiston Respublikasi Vazirlar Mahkamasining №469 qarori 7-bandi: «Me’yoriy hujjatda mazkur hujjat O‘zbekiston Respublikasining qaysi qonunini, O‘zbekiston Respublikasi Oliy Majlisi palatalarining qaysi qarorini, O‘zbekiston Respublikasi Prezidentining qaysi farmonini, qarorini yoki farmoyishini, O‘zbekiston Respublikasi Vazirlar Mahkamasining qaysi qarorini (ularning moddalari yoki bandlarini) bajarish yuzasidan yoki ular asosida chiqarilayotganligi majburiy tartibda ko‘rsatiladi». To‘g‘ri, ma’muriy qonunchilik O‘zbekiston Respublikasining amaldagi qonunchiligi «asosida hamda ularni ijro etish uchun» qabul qilinsa ham yetarli deb hisoblaydiganlar bo‘lishi mumkin, bir tomondan, bu fikr asoslidek tuyuladi. Ya’ni texnik hujjatlar amaldagi qonunchilik «asosida hamda ularni ijro etish uchun» qabul qilinsa ham yetarli bo‘lishi mumkin. Chunki bunday hujjatlar normativ-huquqiy xarakterga emas, balki obyektiv, texnik xarakterga ega bo‘ladi. Lekin normativ- huquqiy hujjatlar xususiy shaxslarning huquq va erkinliklari, majburiyatlari va qonuniy manfaatlariga daxl qiladi. Shuning uchun ularning ma’muriy organlar tomonidan amaldagi qonunchilik «asosida hamda ularni ijro etish uchun» qabul qilinishi yetarli hisoblanmaydi. Ya’ni normativ-huquqiy hujjatlarni qabul qilishda 49 ma’muriy organlarning aktlari yuqorida ta’kidlangan delegatsiya qilingan (delegated) akt xarakterida bo‘lishi lozim. Download 1.64 Mb. Do'stlaringiz bilan baham: 
|