O‘zbekiston respublikasining bojxona kodeksi

396-modda. Chet davlat diplomatik vakolatxonasining ma’muriy-texnik xodimlari uchun
bojxona imtiyozlari
Chet davlat diplomatik vakolatxonasining ma’muriy-texnik xodimlari va ularning o‘zlari bilan
birga yashaydigan oila a’zolari, agar ular O‘zbekiston Respublikasi fuqarosi bo‘lmasa yoki
O‘zbekiston Respublikasida doimiy yashamasa, ro‘zg‘orni dastlab ta’minlash uchun kerakli bo‘lgan
tovarlarni bojxona to‘lovlari to‘lanishidan ozod qilingan holda bojxona hududiga olib kirishi mumkin,
bundan tovarlarni saqlaganlik, belgilangan joylardan tashqarida yoki bojxona organlarining
belgilangan ish vaqtidan tashqari vaqtda bojxona rasmiylashtiruvini o‘tkazganlik uchun bojxona
yig‘imlari mustasno.

---

397-modda. Diplomatik agentlarga beriladigan bojxona imtiyozlarining chet davlat
diplomatik vakolatxonasining ma’muriy-texnik va xizmat ko‘rsatuvchi xodimlariga tatbiq
etilishi
Chet davlat diplomatik vakolatxonasining ma’muriy-texnik va xizmat ko‘rsatuvchi
xodimlariga, shuningdek ularning O‘zbekiston Respublikasi fuqarosi bo‘lmagan va O‘zbekiston
Respublikasida doimiy yashamaydigan oila a’zolariga har bir chet davlat bilan tuzilgan maxsus
kelishuv asosida va shu davlat bilan munosabatlardagi o‘zaro hamjihatlik prinsipidan kelib chiqqan
holda, ushbu Kodeksning 
395-moddasiga 
muvofiq diplomatik agentlarga beriladigan bojxona
imtiyozlari tatbiq etilishi mumkin.
398-modda. Chet davlatlarning konsullik muassasalari va ularning xodimlari uchun
bojxona imtiyozlari
Chet davlatning konsullik muassasalariga va konsullik muassasalarining mansabdor
shaxslariga, shuningdek ularning oila a’zolariga chet davlatning diplomatik vakolatxonalari hamda
diplomatik vakolatxonalarining diplomatik agentlari uchun ushbu bobda nazarda tutilgan bojxona
imtiyozlari beriladi. Chet davlat konsullik muassasasining boshqa xodimlariga (konsullik
xizmatchilariga, xizmat ko‘rsatuvchi xodimlarga), shuningdek ularning O‘zbekiston Respublikasida
doimiy yashamaydigan oila a’zolariga nisbatan har bir chet davlat bilan tuzilgan maxsus kelishuv
asosida va shu davlat bilan munosabatlardagi o‘zaro hamjihatlik prinsipidan kelib chiqqan holda
chet davlat diplomatik vakolatxonasining tegishli xodimlariga (ma’muriy-texnik xodimlari va xizmat
ko‘rsatuvchi xodimlariga) ushbu bobda beriladigan bojxona imtiyozlari tatbiq etilishi mumkin.