O‘zbekiston respublikasining bojxona kodeksi

O‘zbekiston 
Respublikasining 
chet 
davlatlardagi 
diplomatik
vakolatxonasining va konsullik muassasasining ma’muriy-texnik xodimlari uchun bojxona
imtiyozlari
O‘zbekiston Respublikasining chet davlatlardagi diplomatik vakolatxonasining va konsullik
muassasasining ma’muriy-texnik xodimlari hamda ularning o‘zlari bilan birga yashaydigan oila
a’zolari o‘z shaxsiy foydalanishi uchun mo‘ljallangan tovarlarni, shu jumladan ro‘zg‘orni dastlabki
ta’minlash uchun kerakli bo‘lgan tovarlarni bojxona chegarasi orqali olib o‘tishning belgilangan
tartibiga rioya qilgan, bojxona to‘lovlarini to‘lashdan ozod etilgan holda olib chiqadi va xizmat safari
yakunlanganidan keyin shaxsiy foydalanish uchun mo‘ljallangan tovarlarni (avtotransport vositalari
bundan mustasno) O‘zbekiston Respublikasiga olib kiradi, bundan tovarlarni saqlaganlik,

---

belgilangan joylardan tashqarida yoki bojxona organlarining belgilangan ish vaqtidan tashqari
vaqtda bojxona rasmiylashtiruvini o‘tkazganlik uchun bojxona yig‘imlari mustasno.
XI bo‘lim. Nazorat ostida yetkazib berish
Oldingi
 tahrirga qarang.
407-modda. Bojxona chegarasi orqali olib o‘tiladigan giyohvandlik vositalarini, psixotrop
moddalarni, prekursorlarni va boshqa ashyolarni nazorat ostida yetkazib berish
Giyohvandlik vositalarini, ularning analoglarini, psixotrop moddalarni, prekursorlarni va
boshqa ashyolarni bojxona chegarasi orqali nazorat ostida yetkazib berish tezkor-qidiruv faoliyatini
amalga oshiruvchi organlarning ijozati hamda nazorati ostida bojxona hududiga ularni olib kirish,
ushbu hududdan olib chiqish yoki olib kirilgan ashyolarni undan olib o‘tishga yo‘l qo‘yiladigan
tezkor-qidiruv tadbiridir.
Giyohvandlik vositalari, ularning analoglari, psixotrop moddalar, prekursorlar va boshqa
ashyolar xalqaro qonunga xilof muomalada bo‘lishining oldini olish, shuningdek bunday
muomalada ishtirok etayotgan shaxslarni aniqlash maqsadida tezkor-qidiruv faoliyatini amalga
oshiruvchi organlar har bir alohida holda chet davlatlarning vakolatli organlari bilan kelishuvlarga
ko‘ra yoki O‘zbekiston Respublikasining xalqaro shartnomalari asosida nazorat ostida yetkazib
berish usulidan foydalanadi, ya’ni qonunga xilof ravishda muomalaga kiritilgan giyohvandlik
vositalari, ularning analoglari, psixotrop moddalar va prekursorlarning, shuningdek boshqa
ashyolarning o‘z nazorati ostida bojxona hududiga olib kirilishiga, bu hududdan olib chiqilishiga
yoki tranzit tarzida olib o‘tilishiga yo‘l qo‘yadi.
Nazorat ostida yetkazib berish usuli jinoyat sodir etish quroli yoki vositasi bo‘lgan boshqa
ashyolarga yoxud jinoiy yo‘l bilan topilgan ashyolarga nisbatan o‘zi bilan g‘ayriqonuniy xatti-
harakatlar sodir etish kontrabanda deb hisoblanuvchi ashyolarga nisbatan ham qo‘llanilishi
mumkin.
Nazorat ostida yetkazib berish usulidan foydalanish to‘g‘risidagi qaror qonunchilikda
belgilangan tartibda har bir alohida holda tezkor-qidiruv faoliyatini amalga oshiruvchi organ
tomonidan qabul qilinadi.
Tezkor-qidiruv faoliyatini amalga oshiruvchi organlar bojxona organlari bilan kelishilgan holda
tovarlarni nazorat ostida yetkazib berishni amalga oshiradi.
Bojxona chegarasi orqali olib o‘tiladigan giyohvandlik vositalari, ularning analoglarini,
psixotrop moddalarni, prekursorlarni va boshqa ashyolarni nazorat ostida yetkazib berish to‘g‘risida
qaror qabul qilingan taqdirda O‘zbekiston Respublikasida jinoyat ishi qo‘zg‘atilmaydi.
Nazorat ostida yetkazib berishni amalga oshiruvchi organ rahbari qabul qilingan qaror haqida
O‘zbekiston Respublikasi Bosh prokurorini darhol xabardor qiladi.
(407-modda O‘zbekiston Respublikasining 2022-yil 1-fevraldagi O‘RQ-748-sonli 
Qonuni 
tahririda —
Qonunchilik ma’lumotlari milliy bazasi, 02.02.2022-y., 03/22/748/0086-son — 2022-yil 3-maydan kuchga
kiradi)
Oldingi
 tahrirga qarang.