Oʻzbekiston respublikasining soliq kodeksi (Yangi tahriri) Oʻzbekiston Respublikasining

46-BOB. SOLIQ BAZASIGA TUZATISH KIRITISH 
332-modda. Daromadlar va xarajatlarga tuzatish kiritish 
333-modda. Zararlarni kelgusiga oʻtkazish 
334-modda. Qayta tashkil etilganda zararlarni oʻtkazish 
335-modda. Soliq toʻlovchilarning konsolidatsiyalashgan 
guruhi boʻyicha zararlarni oʻtkazish 
336-modda. Operatsiyalarning ayrim turlari boʻyicha 
zararlarni oʻtkazishning oʻziga xos xususiyatlari 
332-modda. Daromadlar va xarajatlarga tuzatish kiritish 
(1-q.)
Hisobot soliq davridagi daromad (xarajatlar) miqdorining soliq bazasini aniqlashda 
ilgari daromad (xarajat) deb eʼtirof etilgan summa doirasida koʻpayishi yoki kamayishi tuzatish 
kiritish deb eʼtirof etiladi. 
(2-q.)
Daromadlar va xarajatlarga quyidagi hollarda tuzatish kiritilishi lozim: 
1) tovarlar, shuningdek sugʻurtalanuvchiga sugʻurta mukofoti toʻliq yoki qisman 
qaytarilganda; 
2) bitim shartlari oʻzgartirilganda; 
3) narxlar oʻzgartirilganda, sotib oluvchi tomonidan chegirmadan foydalanilganda; 
4) koʻrsatilgan xizmatlardan voz kechilganda. 
(3-q.)
Ushbu moddaning ikkinchi qismida nazarda tutilgan daromadlar va xarajatlarga 
tuzatish kiritish quyidagicha amalga oshiriladi: 
kafolat muddati belgilangan tovarlar (xizmatlar) boʻyicha - kafolat muddati doirasida; 
sugʻurta mukofotlari boʻyicha - shartnomani bekor qilish paytida; 
boshqa hollarda - bir yillik muddat doirasida. 
(4-q.)
Ushbu moddaga muvofiq daromadlar va xarajatlarga tuzatish kiritish mazkur 
moddaning ikkinchi qismida koʻrsatilgan hollar yuzaga kelganligini tasdiqlovchi hujjatlar asosida 
amalga oshiriladi. Bunda tovarni (xizmatni) sotuvchi ushbu Kodeksning 257-moddasida nazarda 
tutilgan tartibda tovarlarni (xizmatlarni) realizatsiya qilishdan olingan daromadga tuzatish kiritadi.
(5-q.)
Ushbu moddaning ikkinchi qismida nazarda tutilgan hollarda daromadlar va 
xarajatlarga tuzatish kiritish mazkur hollar sodir boʻlgan soliq davrida amalga oshiriladi. 
(6-q.)
Daromadlar va xarajatlarga tuzatish kiritish soliq toʻlovchi soliq solishning 
umumbelgilangan tartibiga oʻtgan taqdirda ham amalga oshiriladi, bundan tuzatish kiritilayotgan 
daromadlar boʻyicha soliq imtiyozlarini qoʻllash hollari mustasno.