“O‘zstandart” аgentligi “Ахborot-ma’lumot markazi” Davlat korxonasi “Ўзстандарт” агентлиги

Lug‘atdan foydalanish tartibi 
Atama, tushuncha va ularning ta’riflari O‘zbekistonda qo‘llaniladigan 
har bir TST kesimida mavzular bo‘yicha guruhlangan. O‘z TSTda
qo‘llaniladigan umumtexnik va tashkiliy-uslubiy atama va tushunchalar 
bo‘limi kiritilgan.
Atama va tushunchalarning nomi ko‘pchilik hollarda (standartlashtirish 
obyektlari, davlatlararo standartlashtirish qoidalari, texnik jihatdan tartibga 
solish sohasida normativ hujjatlar va boshqalardan tashqari) birlik sonda
berilmoqda.
Foydalanish qulay bo‘lishi uchun lug‘atda havolalar tizimi qo‘llanilgan. 
Havola qilingan atama va tushunchalar kursiv bilan ajratilgan.
Atama va tushunchalar o‘zbek tilida lotin va kirill alifbolarida hamda
rus tilida berildi. Atama va tushunchalar to‘q qora rangda bosh harflar bilan, 
ta’riflar va izohlar tushuntirishlari bilan och qora harflarda berildi.
Zarur axborotni qidirishni osonlashtirish maqsadida lug‘atda atama va 
tushunchalarning ko‘rsatkichlari ikki tilda har bir bo‘lim kesimida alifbo 
bo‘yicha berilgan.
Yulduzcha (*) bilan mualliflarning sharhlari izohlar ko‘rinishida 
berilgan.
Tushunchani tashkil qiluvchi, masalan, standart, standartlashtirish, 
normativ hujjat kabi va «ma’muriy-hududiy standart», «umumiy texnik 

---

4 
talablar standarti», «O‘zbekiston davlat standarti» kabi tushuncha yasovchi
asosiy atamalarning takrorlanishini istisno qilish maqsadida yetakchi 
atamalar o‘rniga tilda (~) belgisi qo‘yilgan.
Agar tushunchalarda so‘z “standartlar” to‘g‘risida borsa, tilda 
belgisidan keyin mos qo‘shimchasi qo‘yiladi. Masalan, «uyg‘unlashtirilgan 
standartlar» – «uyg‘unlashtirilgan ~ (lar)» shaklida bayon qilingan. 
Tegishli qo‘shimchalar ham shu tariqa qo‘yiladi. Agar tushuncha yetakchi 
atamadan boshlansa tilda belgisi so‘z boshida qo‘yiladi. Masalan, « ~ 
loyihasi», « ~ sinovlar metodlari».