P. Berdanova, P. Abdalieva, Sh. Oteniyazova Didaktika

Laboratoriyalıq jumıslar. Bul processte anıq wazıypa, yaǵnıy, belgili sharayatta belgili hádiyselerdi baqlaw júklenedi. Oqıwshılar hádiyselerdi ótiw procesin baqlaydı hám analizleydi.

Bilimler deregi baqlanılıp atırǵan hádiyseler hám olardıń ótkeriw procesi esaplanadı. Oqıtıwshı wazıypa mazmunı menen tanıstıradı, oqıwshılardı teoriyalıq bilimler menen qurallandıradı, ulıwma process hám basqıshlardı baqlaw jolları hám de aqırǵı juwmaq shıǵarıwǵa úyretedi.

6. 
   Shınınǵıw (aqılıy hám xızmetli shınıǵıwlar). Oqıwshılar tárepinen bilimlerdi ózlestiriw procesiniń ózine tán ózgesheligi, teoriyalıq tiykarlar ózlestirilgennen soń, ayırım materiallardaǵı uqsas háreketlerdiń kóp mártebe tákirarlanıwı baqlanadı.
   

Bilimler deregi: ózlestirilgen bilimler hám jeke tájiriybe sanaladı.
Oqıtıwshı shınıǵıwdı orınlaw ushın orın hámde waqıttı belgileydi, tapsırmanı túsindiredi, onı orınlaw basqıshlarınıń barısın tekseredi, basqaradı, sonıń menen birge, juwmaqlawshı nátiyjelerdi tekseredi.

7. 
   Dóretiwshilik isleri. Bul metod ózine tán ózgesheliklerge iye bolıp, ózgeshelikke iye máseleniń mánisin tereń ańlaw, onı orınlawǵa óz betinshe jantasıw, dálillerdi saralaw hám oqıtıwshı tárepinen berilgen tapsırmanı dóretiwshilik penen orınlaw procesinde bilimlerdi qollaw hám keńeyttiriw menen anıqlanadı.
   

Bilimler deregi hám materialı sıpatında dáslepki iyelengen dóretiwshilik isler tájiriybesi, bar bilimler, baqlawlar, jeke tájiriybe, oqılǵan gúrriń, jámiyetlik-paydalı islerdi basqarıw sıyaqlılar xızmet etedi.
Oqıtıwshınıń basshılıǵı: teoriyalıq materiallardı ózlestiriliwin támiyinlew, temanı túsindiriw, dóretiwshilik isler xarakterin belgilew, olardıń orınlanıwın tekseriw hám analizlew, sintezlew, qáteni kórsetiw hám durıslaw sıyaqlı jaǵdaylarda payda boladı.
Túsindirmeli-kórsetpeli oqıtıw metodları (basqasha ataması axborotlırepsepsiya)nıń mánisi: ádette teoriyalıq bilimler tayar túrinde beriledi, oqıwshılar bolsa onı qabıl etedi (repsepsiya). Bunda túrli oqıtıw quralları (kórgizbeli qurallar) dan paydalanıladı. Oqıtıwshı xızmeti tek ǵana axborotlardı uzatıw emes, al olardıń oqıwshılar tárepinen qabıl etiliwin shólkemlestiriwden ibarat boladı.