P. Berdanova, P. Abdalieva, Sh. Oteniyazova Didaktika

I kishi topar	II kishi topar
III kishi topar
Oqıwǵa qızıǵıwshılıqtı xoshametlewshi metodlar	Oqıw hám miynette minnet hámde juwapkershilikti xoshametlewshi metodlar	Miynetke hám belgili kásipke qızıǵıwshılıqtı xoshametlewshi metodlar
biliw oyınları; oqıw básekesi; emocional-ádep-ikramlı keshirmeli jaǵdaylar jaratıw; appersepsiyalı (qabıl etiwdiń tájiriybege baylanıslılıǵı) jaǵdaylardı jaratıw; biliw jańalıqları jaǵdayların jaratıw	oqıw hám miynettiń áhmiyetliligine isendiriw; - talaplardı kórsetiw; - talaplardı orınlaw ushın shınıǵıw; oqıwdaǵı xoshamet; oqıwdaǵı kemshilik ushın jaza	jeńimpazlardı ruwxıy-hám materiyallıq xoshametlew; oqıwshılardıń islep shıǵarıw quralların óz betinshe basqarıwǵa umtılıwların xoshametlew; jumıs ornında minezqulqın xoshametlew
II. Oqıw-biliw xızmetin shólkemlestiriw hám ámelge asırıw metodları
I kishi topar	II kishi topar	III kishi topar
Oqıw-biliw xızmetiniń ólshem tiykarların payda etiw metodları	Oqıw-biliw xızmetin orınlaw metodları	Miynette hám miynette tekseriw hám óz-ózin tekseriw metodları
Awızeki: gúrriń; sáwbetlesiw; túsindiriw; lekciya;	Ámeliy: shınıǵıw; oqıw-islep shıǵarıw tájiriybesi; oqıw-ónimli miynet;	Awızeki: individual soraw; jalpı soraw; dástúrli awızeki soraw
- esletpe	kitap penen islew; jazba jumıs
Kórsetpeli: illyustraciya; demonstraciya	Izleniwshi: bir tárepleme-izleniwshi izertlewshilik; algoritmlik; diagnostikalıq	Jazba: tekseriw-jazba jumıs; jazba sınaw (test); jazba imtixan; dástúrli jazba sınaw (test); laboratoriya-ámeliy; - tekseriw laboratoriya jumısı; mashinalı tekseriw; - ónimli miynetti san hám sıpat tárepinen bahalaw
III. Oqıw-biliw xızmetin basqarıw metodları
Biliw xızmetin baqlaw metodları: tikkeley; kórserpeler járdeminde; óz-ózin tekseriw Tekseriw metodları: oqıtıwshı tapsıradı; dÁstúrli qollanbadan paydalanıladı; oqıtıwdıń texnikalıq quralları jÁrdeminde Oqıw xızmetin dúzetiw (korreksiya) metodları: tezlestirilgen; juwmaqlawshı nátiyje boyınsha; - payız kórsetkishi boyınsha

Bul sistema akademik Yu.K.Babanskiy tárepinen tiykarlanǵan metodlar sistemasına uqsas. Biraq, Yu.K.Babanskiy klassifikaciyasına kóre4 oqıtıw procesine kibernetikalıq jantasıw maqsetke muwapıq, oǵan kóre hár qanday quramalı xızmet, sonıń menen birge bilim beriwshi xızmet te tómendegi úsh bólekten turadı: 1) shólkemlestiriwshi; 2) xoshametlewshi; 3) tekseriwshi.
Áne usınday tiykarda oqıtıw metodları tómendegishe toparlarǵa bólinedi:

1. 
   Oqıw-biliw xızmetin shólkemlestiriw hám orınlaw metodları.
   
2. 
   Oqıw-biliw xızmetin xoshametlewshi hám motivlaw metodları.
   
3. 
   Tekseriw hám óz-ózin tekseriw metodları.
   

Didaktikalıq process teoriyası tiykarında kórilgen oqıw metodlarınıń xarakteristikası kishi toparlar quramı, sanı hám oǵan kiritilgen metodlar nomenklaturası hámde funksiyaları menen kibernetikalıq jantasıw sistemadan túpten parıqlanadı hám oqıw-tárbiya procesiniń metodikalıq tárepten bir qansha joqarı dárejesin támiyinleydi.
1. Oqıtıw metodlarınıń mánisi hám mazmunı. Aytıp ótilgenindey, oqıtıw metodları sistemasında awızeki bayan etiw metodları áhmiyetli orın tutadı.

14 - sızılma. Awızeki bayan etiw metodlarının` tu`rleri
Gúrriń – bul oqıtıwshı tárepinen oqıw materialın izbe-iz bayan etiw bolıp, ol ádette súwretlemeli qurallar járdeminde oqıtıwdıń barlıq basqıshlarında, kóbirek baslanǵısh klasslarda qollanıladı.
Bul metodtıń nátiyjeliligi kóp tárepten oqıtıwshınıń sóylew sheberligi, sózlerdi óz ornında, tásirli bayan etiwi, sonıń menen birge, oqıwshılardıń jası, rawajlanıw dárejesin inabatqa alǵan halda jantasıwına baylanıslı. Sonlıqtan gúrriń mazmunı oqıwshılardıń bar bilimlerine tayanıwı, olard keńeyttiriwge xızmet etiwi zárúr. Gúrrińniń axborotlar menen bayıtılıwı maqsetke muwapıq boladı.
Sáwbetlesiw – sorawlar hám juwaplar formasındaǵı dialoglıq oqıtıw metodı bolıp, ol pánge áyyemnen belgili, hátte onnan óz xızmetinde Sakrat ta sheberlik penen paydalanǵan. Sáwbetlesiw oqıtıw procesinde kóp funkciyalar (aqılıy pikirlew, házirjuwaplılıq, qatnas mádeniyatı hám basqa sıpatlardı qáliplestiredi) orınlaydı, biraq tiykarǵısı oqıwshıda aktivlilikti júzege keltiredi.
Sáwbetlesiw xızmetin endi ǵana baslaǵan oqıtıwshı ushın quramalı oqıtıw metodı esaplanadı, sebebi, sorawlardı tayarlaw, olardıń izbe-izligin táminlew kóp waqıt talap etedi, onı shólkemlestiriw bolsa barlıq oqıwshılardıń dıqqatın qaratıw talap etiledi. Oqıtıwshı ápiwayı sorawlar beriwi, oqıwshılarǵa olar tuwralı tolıq oylaw ushın waqıt ajıratıwı, oqıwshılardıń juwapların dıqqat penen tıńlawı, zárúr orınlarda olardı túsindiriwi lazım. Sonlıqtan sáwbetlesiwde biliw deduktiv yaki induktiv jol menen ámelge asadı. Deduktiv sáwbetlesiw oqıwshılarǵa aldınnan belgili bolǵan qaǵıydalar, túsinikler, hádiyseler, processler tiykarında shólkemlestirilip, oqıwshılar talqılaw járdeminde jeke juwmaqlarǵa keledi. Sáwbetlesiwdiń induktiv formasında ayırım dáliyller, túsiniklerdiń talqılaw tiykarında ulıwmalıq juwmaqqa kelinedi.
Sáwberlesiwler kóbirek oqıwshılardı jańa bilimler menen tanıstırıw, bilimlerdi sistemalastırıw hám bekkemlew, tekseriwdi shólkemlestiriw hámde ózlestirilgen bilimlerdi talqılawda unamlı nátiyjelerdi beredi. Sáwbetlesiw túrli kórinislerde, yaǵnıy, kirisiw, juwmaqlawshı, individual hám toparlı sáwbetlesiw tárizinde boladı.