Parodont kasalliklarini diagnostik tekshiruvlarga asoslanib, xirurgik davolashga tayyorlash. Ochiq kyuretaj va vidman- neyman usullari
Download 198.21 Kb. Pdf ko'rish
|
1 mavzu
Gingivektomiya. Parodontdagi rivojlangan destruktiv o‘zgarishlarda (parodontit) davolashning
maqsadi bu shikastlantiruvchi mikroblar va toksik moddalar rezervuari bo‘lmish cho‘ntakni olib tashlash va bog‘lovchi apparat hamda alveolyar suyakning regeneratsiyasi uchun sharoitlar yaratishdir. Eng oddiy usul — cho‘ntakning milk devorlarini kesib tashlash. Bu holat gingivektomiyada amalga oshiriladi. Operatsiya usuli. Dastlab dori vositalari yordamida yallig‘lanish bartaraf etilib, tish karashlari olib tashlanadi. Operatsiyadan oldin antiseptik ishlov berilib, anesteziyadan so‘ng cho‘ntaklar tubining proeksiyasi aniqlanadi. Odatda buning uchun zond yoki maxsus pinset qo‘llaniladi. Lunj va til tarafdan sanchib teshilib yoki bo‘yovchi modda yordamida nuqtalar qo‘yilib, ular chiziqlar bilan birlashtiriladi. Bu kesish chizig‘i bo‘ladi. So‘ngra skalpel yordamida milk qirrasidan 45 0 burchak ostida yumshoq to‘qimalar kesiladi. Tish ildizlarining ochilgan yuzalariga qo‘shimcha ravishda qayta ishlov beriladi. Jarohatga milk bog‘lami (Periodontal-Pack) yoki tarkibida xlorgeksidin yoki trixopol bo‘lgan "Diplen" plyonkasi qo‘yiladi. Bu oddiy muolaja mustahkam samara beradi, biroq sezilarli kamchiliklarga ham ega. Birinchidan, alveolyar suyakga puxta ravishda qayta ishlov berishning imkoniyati bo‘lmaydi. Ikkinchidan, suyakning ildizlari ochilib, ko‘pincha termik va kimyoviy ta’sirotlar ta’sirida og‘riq paydo bo‘ladi va tegishli ravishdagi davolashni talab etadi. SHunga qaramasdan, chaynov tishlari sohasidagi unchalik namoyon bo‘lmagan suyak destruksiyalarida ushbu operatsiya qator holatlarda mos keladi. Frontal sathda kosmetik nuqsonlar tufayli gingivektomiya operatsiyasi o‘tkazilmaydi. Faqatgina gipertrofik gingivit, milklar fibromatozi kuzatiladigan holat bundan mustasnodir. Bunday holatlarda milkning o‘sib ketgan to‘qimalarini olib tashlash kosmetik natijani berib, asosiy davolash usuli hisoblanadi. Parodontitda esa yuqoridagi keltirilgan vazifalarning (tish va milk birikmasini shakllantirish, alveolyar suyakning emirilishini to‘xtatish va iloji boricha qisman ravishda uni tiklash) echimi boshqacha yo‘l bilan erishiladi. Parodontal cho‘ntaklardan mikroblar to‘plami, tish toshlari, to‘qima detriti, granulyasion to‘qima va cho‘ntaklar devorini qoplab turuvchi epiteliy plastlarini puxta ravishda olib tashlash kerak. Boshqacha aytganda, parodontal cho‘ntaklar puxta ravishda qirib tashlanishi zarur. Texnik kyuretaj unchalik ham murakkab hisoblanmaydi. Jarrohlik aralashuvidan oldingi va undan keyingi o‘tkaziladigan qamrovli tadbirlar eng ko‘p qiyinchiliklarni keltirib chiqaradi. Tayyorgarlik ishlarining xarakteri va ketma-ketligi parodontitning patogenetik mexanizmlariga bog‘liq bo‘ladi. Og‘iz bo‘shlig‘ida qoniqarsiz gigienik holati bo‘lgan bemorlarda jarrohlik aralashuvlarini o‘tkazib bo‘lmaydi. Operatsiyadan oldin gigienik o‘qitish, og‘iz bo‘shlig‘ini parvarish qilish sifatini bir necha marta nazorat qilish zarur bo‘ladi. Parodontda to‘liq davolash faqat qamrovli ravishda olib boriladi. Biror – bir elementni bajarmaslik hisobiga uni soddalashtirish bevosita barcha sarf qilingan ishlarni yo‘qqa chiqaradi. Balki shuning uchun parodontit aholi va mutaxassislar orasida davolanmaydigan kasallik nomini olgan bo‘lishi mumkin. Biz tasodifan bunga to‘xtalayotganimiz yo‘q: jarrohlik bosqichi — davolashning qamrovli tadbirlari ichida eng murakkab va katta mehnat talab qiladigan turidir. Aynan shuning uchun jarroh barcha boshqa bosqichlarning bajarilishini maksimal ravishda nazorat qilishi kerak. Faqatgina yallig‘lanish belgilarini bartaraf qilgandan so‘ng jarrohlik aralashuvini rejalashtirish mumkin, aks holda bu holat qo‘shimcha og‘ir jarohat bo‘ladi. Dastlab cho‘ntaklardagi mikrob to‘planmalari va tish karashlari olib tashlanib, to‘liq ravishda antimikrob ishlov beriladi. Bunda ushbu sohalarda mikrob massalarining intensiv to‘planishi va yallig‘lanish retsidivlarini oldini olish uchun kariesni davolash, milk oldi sohasi bo‘shlig‘ini plombalash va tishlararo kontakni tiklash ishlariga alohida e’tibor beriladi. To‘qimalarning operatsiyadan keyingi regeneratsiyasi shakllangan qon quyqasining hisobiga bo‘ladi. Ushbu jarayon uzoq davom etib, quyqani uzoq vaqt saqlab turish talab etiladi. Agar tishlar mustahkam bo‘lsa, vazifa engilroq bajariladi. Parodontit uchun tishlarning siljishi xos bo‘lib, bu holatni jarrohlik jarohatidan so‘ng kuchayishini hisobga olgan holda, tishlarga bo‘ladigan qo‘shimcha mexanik jarohatni maksimal darajada bartaraf etish va oldini olish talab etiladi. YAllig‘lanishga qarshi mahalliy davolashdan so‘ng funksional tanlab charxlashni amalga oshirish zarur bo‘ladi. Tishlarni qo‘shimcha mustahkamlash darhol operatsiyadan so‘ng oldindan tayyorlangan shina yoki kompozitsion materiallar, plastmassa, Fiber-Splint bilan vaqtincha shinalash yordamida amalga oshiriladi. Download 198.21 Kb. Do'stlaringiz bilan baham: |
Ma'lumotlar bazasi mualliflik huquqi bilan himoyalangan ©fayllar.org 2024
ma'muriyatiga murojaat qiling
ma'muriyatiga murojaat qiling