Педагогика олий ўқув юртлари талабаларининг мустақил ишларини ташкил этишда ўқув-амалий ўйинлардан фойдаланишнинг назарий асослари

1-диаграмма. Таълим бериш жараёнини ташкил этиш.

Амалий ўйин натижаларининг таҳлили таълим жараёнини ташкил этиш мезонлари аҳамиятининг барча курсларда бир хиллигини, 5- курсда талабалар учун мустақил ишни асослаб беришнинг аҳамияти 3- курсдагидан катта эканлигини ва педагог билан мутассил равишда ўзаро мулоқотда бўлишнинг аҳамияти эса бунинг акси бўлишини кўрсатди.

Мазкур блокдаги вазифаларнинг мустақил фаолиятни ривожлантириш вазифаларидан бири бўлган ҳар қандай машғулот доирасида амалга ошириш мумкин.
Иккинчи блок талабаларни мустақил ишни ташкил этишнинг услубий таъминоти билан, яъни: мазкур фаолият турини ташкил этиш усуллари ва йўллари билан, уларнинг бажарилишини дастурий курслар доирасида ва, имкони бўлса, махсус курслар доирасида кўрсатиш билан боғлиқ. Бунда талабалар ишлаш усуллари, конкрет услублар тизилмаси бўйича йўналишга эга бўладилар.


2-диаграмма. Услубий таъминот.

1. Талабалар фаолиятини фаоллаштирувчи педагогик таъсир воситаларининг турли-туманлиги;

2. Ҳал этиш учун таклиф этиладиган муаммоли вазиятни ифодалаб бериш усули;
3. Уй вазифалари учун мустақил изланишни рағбатлантирувчи масалаларни тавсия этиш;
4. Ноанъанавий таълим услубларидан фойдаланиш;
5. Ҳал этиладиган психологик ва педагогик вазифаларнинг мураккаблигини ошириш;
6. Долзарб психологик-педагогик муаммолар бўйича мунозаралар ташкил этиш;
7. Таълим беришнинг техник воситаларидан фойдаланиш;
8. Талабалар гуруҳларининг мусабақаси.
2-диаграммадаги маълумотларнинг кўрсатишича, талабалар фаолиятини фаоллаштиришга йўналтирилган таъсир воситаларининг кенглиги педагоглик касбини танлаган талабаларнинг ишини ташкил этиш нуқтаи-назаридан (айниқса 3-курс талабалари учун) энг муҳим аҳамиятга эга. Шу билан бирга, талабалар ўртасида мусобақа ташкил этишга энг кам аҳамият берилган.
Учинчи босқич – психологик-педагогик фанлар бўйича назарий билимларни ўзлаштиришдан иборат бўлиб, талабаларга психологик-педагогик услублар масалаларини, педагогиканинг фан сифатида ривожланишининг, унинг янгиланиш сари ҳаракатининг энг умумий шартлари бўлмиш услубий тамойилларини тушуниб етишда ёрдам беради.