Pedagogikalıq sheberliktiń metodologiyaliq máseleleri. J o b a

Diafragmaliq dem aliw-bul kókirek kletkalariniń kóleminiń ózgeriwi esabinan diafragmaniń qisqariwi nátiyjesinde ámelge asadi.
Diafragmaliq - qabirǵa arqali dem aliw (tereń dem aliw). Bul diafragmaliq qabirǵalar arasi bulshiq etleriniń hám bulshiq etleriniń tigine hám kesesine qisqariwi nátiyjesinde olardiń kóleminiń ózgeriwi arqali iske asadi. Bul jerde duris dem aliw bolip, oni sóylew protsessindegi dem aliwdiń eń tiykarǵi sipatinda qollanadi.

Dawis

Muǵallimler arasinda tábiyat tárepinen inam etilgen kúshli dawisqa iye adamlar ushirasadi, lekin olar júdá kóp emes. Bazi birewler dawis adamǵa tek ǵana tuwma beriledi dep esaplaydi. Biraq zamanagóy fiziologiyaliq ilimiy tájiriybe dawis sipatin ózgertiw múmkin ekenligin tastiyiqlaydi.
Egerde arnawli shiniǵiwlar islenip turilmasa, waqittiń ótiwi menen jaqsi dawistiń ózi de buziladi.
Dawis apparati 3 bólimnen turadi: generatorliq, energetikaliq, rezonatorliq.
Dawistiń generatsiyalaniwi (shiǵiwi) tańlay til quwisliǵi hám awiz quwisliǵinda iske asip, dawistiń joqari-pásligin hám shawqimin támiyinleydi.
Energetikaliq sistema-sirttan dem aliw mexanizmi járdeminde hawaniń tezligin hám muǵdarin támiyinleydi.
Rezonatorliq sistema (dawis tolqinin payda etiwshi) óńesh, murin quwisliǵi, awiz quwisliǵi-dawistiń bir tegisligi menen dinamikasin támiyinleydi.
Diapazon - dawistiń kólemi.
Tembr - aniqliǵi, jaǵimliliǵi, jumsaqliǵi.
Oqitiwshi dawisiniń gigienasi.
Arnawli etkizilgen ilimiy-izertlew jumislari soni kórsetedi, hámme waqit sóylew menen baylanisli bolǵan kásip iyeleri arasinda dawis organlariniń keselleniwi júdá kóp.
Dawis buziliwdiń sebepleri hár túrli. A’sirese 4 - túri júdá kóbirek ushiraydi:
-hár kúni dawisqa beriletuǵin artiqsha háreket, kúsh;
-dawistan duris paydalanbaw;
-dawis gigienasina itibar bermew;
-dawis apparatiniń tuwma ázziligi;
Kásiplik keselliktiń aldin aliw ushin dawis gigienasi menen shuǵillaniw, mekteptegi ayirim jumis shártleri saqlawimiz kerek. Oqitiwshi hár kúni jumistan soń 2-3 saatqa shekem uzaq sóylewden ózin tiyiwi kerek. Soniń menen birge muǵallimler dem aliw jollari, nerv sistemasi, awqatlaniw tártibinde itibar beriwi kerek. Júdá suwiq, yamasa júdá issi, ashshi, spirtli ishimliklerden paydalaniw, shegiw awiz bosliǵi hám dawis organlarin jaman tásir etedi.