8. Ўтган беш йил мобайнида парламент томонидан иқтисодиёт соҳасида қандай қонунлар қабул қилинди?
Икки палатали парламент томонидан ўтган давр мобайнида қуйидаги соҳаларда қонунлар қабул қилинди: 1) хусусий мулкни ҳуқуқий жиҳатдан ҳимоя қилишни кучайтириш; 2) мулкдорлар синфини шакллантириш; 3) фермерлик ҳаракатини мустаҳкамлаш; 4) иқти-содиётни янада либераллаштиришни таъминлаш; 5) тадбиркорлик, кичик бизнес фаолиятини ривожлантириш учун қулай шароитлар яратиш; 6) кенг тармоқли бозор инфратузилмасини барпо этишни кўзда тутадиган қонун ҳужжатлари. Шунингдек, парламент аҳоли даромадлари ва халқ фаровонлигини узлуксиз ошириб бориш, кенг миқёсдаги ижтимоий дастурларни муваффақиятли амалга ошириш масалаларига ҳам алоҳида эътибор берди.
9. Қишлоқ тараққиёти ва фаровонлиги йилида эришилган натижалар
- «Қишлоқ тараққиёти ва фаровонлиги» йилида кўрилган амалий чоралар натижасида мамлакатимизда 940 мингдан зиёд янги иш ўринлари яратилди, уларнинг 500 мингга яқини қишлоқ жойларида ташкил этилди. Кичик бизнес соҳасида 390 мингдан зиёд, шу жумладан хизмат кўрсатиш соҳасида 270 мингдан ортиқ янги иш ўринлари очилди. 217 километрлик автомобил йўли фойдаланишга топширилди, 538 километр йўл ва 19 та кўприк таъмирланди. “Қишлоқ қурилиш банк”, “Қишлоқ қурилиш лойиҳа” лойиҳалаш институти каби ихтисослаштирилган тузилмалар ташкил этилди.
10. Ўзбекистонда аҳоли турмуш даражасининг юксалиши
- Сўнгги йилларда иш ҳақи, пенсия ва нафақалар миқдорини ошириш, жисмоний шахслар даромадидан олинадиган солиқ ставкаларини камайтириш, инфляция даражасини пасайтириш бўйича кўрилган чора-тадбирлар натижасида аҳолининг ялпи ва реал даромадлари сезиларли равишда ошди, унинг харид қобилияти барқарор суръатда ўсиб бормоқда. Жумладан, 2009 йили 2000 йилга нисбатан ўртача иш ҳақи 28,5 баробар, пенсияларнинг ўртача миқдори қарийб 18 баробар, аҳоли жон бошига нисбатан пул даромадлари эса 12 баробар ошди2.
11. Суд тизими соҳасидаги ислохотлар
Do'stlaringiz bilan baham: |
