Q. J. Mirzaev, E. Sh. Shavqiev,B. K. Janzakov innovatsion iqtisodiyoT

Innovatsion marketing faoliyatini rivoj­lan­ti­rish­da muhim hisoblangan moddiy-texnik ta’minotini yaxshilash omili quyidagilarga asoslanadi:

• 
  moliyalashtirish hajmi, jumladan, davlat byudjetidan, byud­jetdan tashqari fondlardan samarali foydalanish;
  
• 
  ilmiy yo‘nalishda foydalaniladigan, jumladan, xizmat mud­dat 5 yildan kam bo‘lgan ilmiy va ishlab chiqarish asbob-usku­na­lar­dan samarali foydalanish darajasi;
  
• 
  ilmiy yo‘nalishning asbob-uskunalar va materiallar bilan ta’­minlanganlik darajasini oshganligi;
  
• 
  sinov-eksperimental baza va ichki maydonlar bilan ta’min­lan­ganlik darajasini oshganligi;
  
• 
  moddiy-texnik ta’minotni yaxshilash natijasida ijtimoiy muammolarning hal qilinganlik darajasini oshganligi va shu kabi­lardan iborat.
  

Bularning barchasi korxonalarda belgilangan shkalalar bo‘yi­cha o‘zini o‘zi baholash mezoni asosida amalga oshiriladi.
Mazkur omilni hisobga olish korxonalarda moddiy-texnika ta’mi­notini yaxshilab innovatsion marketing faoliyatini rivoj­lan­tirish imkonini beradi.

4. 
   Innovatsion marketing faoliyatini jadal rivoj­lan­ti­rishning kelgusi taraqqiyoti tashkiliy boshqaruv omil­la­riga be­vosita bog‘langan.
   

Innovatsion marketing faoliyatida tashkiliy-boshqaruv omillari quyidagilarni o‘z ichiga oladi:

• 
  ilmiy yo‘nalish doirasida boshqaruvni to‘g‘ri va tizimli tashkil qilinganligi;
  
• 
  boshqaruv ob’ektiga ta’sir ko‘rsatish va foydalanilayotgan tadqiqot usullarining progressivlik darajasi;
  
• 
  xalqaro ilmiy kooperatsiyada ishtirok etish va kooperatsiya­ning samarador ekanligi va boshqalardan iborat.
  

Innovatsion marketingda uning faoliyat samaradorligini baholash o‘ziga xos yondashuvni talab etadi. Bunda eng avvalo innovatsion marketing faoliyati samaradorligiga “narx” omili asosiy ta’sir ko‘rsatib, iste’molchining xarid qilishida asosiy rol o‘ynaydi. Innovatsion iqtisodiyot sharoitida har bir xo‘jalik yurituvchi sub’ekt olinayotgan foydaning maksimallashtirishga intiladi. Buning uchun foydani oshirishga ta’sir qiladigan omillarni chuqur tahlil qilish talab etadi.
Innovatsion marketing samarasi ishlab chiqaruvchi
yoki sotuvchini marketing tadbirlarining natijasi bo‘lib, savdo hajmining o‘sishi, foyda, bozor ulushi kabi ko‘rsatkichlarda o‘lchanadi. Innovatsion marketing samarasini, unga erishish uchun sarflangan mablag‘larga nisbati – innovatsion marketing tadbirlarining iqtisodiy samaradorligini keltirib chiqaradi. Innovatsion marketing tadbirlarining foydani oshirishdagi samarasi quyidagicha topiladi: