Q. J. Mirzaev, E. Sh. Shavqiev,B. K. Janzakov innovatsion iqtisodiyoT

4.2. Innovatsion faoliyat infratuzilmasining tarkibi

Mamlakatimiz iqtisodiyotini yanada taraqqiy ettirishda, yurti­miz­ning rivojlangan davlatlar qatoridan o‘rin egallashida va jahon hamjamiyatidagi o‘rnini mustahkamlashda innovatsiyalar muhim ahamiyatga ega.

Rivojlangan davlatlarda ilm-fan yorug‘lik tezligida ilg‘or­la­shib bormoqda. Samarali ilmiy tadqiqotlar natijasida yaratilgan tex­no­logiya insoniyat hayotini butkul o‘zgartirmoqda. Bunday jara­yon­ni tushungan mamlakatlar ilm-fanni yuqori cho‘qqiga olib chiqish uchun bor kuch va resurslarni sarflashayotgani hech kimga sir emas. O‘zbe­kiston ham ushbu oqimga qo‘shilib, munosib o‘rinni egallashga hara­kat qilyapti.
Shu sababdan ham mamlakatimizning sotsial-iqtisodiy ri­voj­­lanishida fanning rolini kuchaytirishga va ilmiy tadqiqot fa­o­­liyati samaradorligini oshirishga qaratilgan tashkiliy-iqti­so­diy mexanizm jadal faollashmoqda.
So‘nggi yillarda texnoparklar (TP), innovatsion-texnologik mar­kazlar (ITM), innovatsion-ishlab chiqarish komplekslari (IIK), klasterlar, starp korxonalar va boshqalar rivoj topmoqda.
Ilmiy-texnologik markaz −bu bir yerga zich joylashgan komp­le­ks bo‘lib, umumiy ko‘rinishda ilmiy muassasalar, oliy o‘quv yurt­la­ri, sanoat korxonalari va kichik firmalarni o‘z ichiga olishi mum­kin.
Ilmiy g‘oyalarni ishlab chiqish va uni keyinchalik mate­rial­lash­tirishda yangi tashkiliy tuzilmalar: innovatsion markazlar kat­ta rol o‘ynaydi.
Innovatsion markazlar tarkibi quyidagilardan iborat:

• 
  texnologik parklar (ilmiy, ishlab chiqarish, innovatsi­on, biznes-park va hokazo);
  
• 
  texnopolislar;
  
• 
  fan va texnologiyalar mintaqalari;
  
• 
  innovatsiyalar inkubatorlari.
  

Технопарк дирекцияси

Венчурли молиялаштиришфирмалари

Кичик корхоналар







Экспертлар кенгаши



Тадқиқот қилиш лабораториялари, тажрибали ишлаб чиқариш



Жамоавий фойдаланиш бўлинмалари

Консалтинг компаниялари